कोलसी 1:28 - चेपाङ28 ओउः ख्रीस्कोः कुरा ङीइ थोल्ह्ती तोनाङःसु सबैकायः गानाक्ती व्हाय्तोलेः स्यान्नाङःसु। ओहाङःसैको सबै मान्ताकायः ख्रीस्इ छय्ङ्ताक्आक्तीको ङीइ ओउःमयःकायः परमेस्वर्कःताङ् दाक्सा खाय्नाङःसु। အခန်းကိုကြည့်ပါ။ |
कोलसी 1:28
54 ပူးပေါင်းရင်းမြစ်များ
ओहाङःसै ओउःकःताङ् नाःतो फरीसीलम्मा सादुकी त तोओलम्मा वाङ्आकाय्। युहनाइ ओउःमयः वाङ्ओ च्यवःती “लौ नीङ् कुयः युक्कोः चोःलेःतेः खेःतेःनै। नीङ्पाय् इहाङः वाङ्ती ‘रेव्ओ काम् जाङ्ह्झ्याङ्कोः न्युम्ह्ताक्ओसै दल्सा दोःलेःनाः’ त म्हर्तेःनै यादो। इत हायःसा सुइ तोतेःआकाय्। परमेस्वर्इ न्युम्ह्ताक्ओसै नीङ् गत हायःती क्रव्सा खाय्तेःनानी र।
ओहाङःमा यात्नीस् एपीक्युरी त तोओ धर्मा स्यान्ओ मान्तालम्मा अरु स्तोइक् त तोओ धर्मा स्यान्ओ मान्तालम्मा पावुल्कुस् आन तानःकाय्ती नोःकाय्आकाय्। ओउः मान्तालम्हाङः कोय्खे “इ मान्तापाय् आह्रे चीःमाःत नोःओआः यादो” त दाय्ह्ती दाय्ह्आकाय् अरुखे “इपाय् थे थे द्यव्ताकोः कुरा स्यान्ती तोनाःतय्ही रैस” त दाय्ह्ती नोःकाय्आकाय्। पावुल्इपाय् “येसु सीआक्तीको च्योक्ओआः” त स्यान्ती तोओ त झ्यान्ते ओउःमयः “इपाय् थे थे कुरा” त नोःकाय्आकाय्।
स्यान्तोक् बेलाहाङः “ओउः वाङ्सा खेःओ ख्रीस् त तोओ ‘लीह्सीःओ च्यवःआक्तीको ओउःकायःपाय् सात्नानी। सात्ती सीआक्तीको ओउः ख्रीस्पाय् उह्ती च्योक्लेःनाः’ त उय्ह्लेहाङःसै आखरःहाङः लेखती मुनाः। ङीइ स्यान्ती तोओ येसुपाय् परमेस्वर्इ ल्होक्सा खेःओ ख्रीस् लेःआः” त दाय्ह्ती पावुल्इ छ्यानःतीलेः तोआथास।
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
ကြော်ငြာတွေ