कोलसी 1:21 - चेपाङ

²¹ ङ्‌हाखे नीङ् पेमालो ल्‍हुङ् नाःती रेव्ओ काम् जाङ्‌ह्ओ खेःतो ओउःत झ्‍यान्‍ते परमेस्‍वर्‌कोः बीरोत् स्‍याव्‌ती ओउःकुस् ब्राङ्‌सा खाय्‌तेःआक्‌नीली थेथे खेःआक्‌तेःइतो।

कोलसी 1:21 ပူးပေါင်းရင်းမြစ်များ

रोमी 1:30

अरुकायः माःती गाल्‌तुम्‌ती तोनानी परमेस्‍वर्‌कः ग्‍यामाःत लयःकोः नेह्‌रो ओर्‌ताक्‌नाःइसी। गलकायःमा रेव्ओ काम् जाङ्‌ह्‌सा बोङःनानी लयःकोः आमा आपाइ तोओ कुरा सायःसा ग्‍याइली।

एफेसस् 2:12

ओउः ङ्‌हाम्‌धाङ्‌मालो बेलाहाङःपाय् नीङ् ख्रीस्‌सै थेथे खेःआक्‌तेःइतो फेरी यहुदीलम् खेःतेःइली त झ्‍यान्‍ते परमेस्‍वर्‌इ तोती गम्ओ कुरा दोःतेःआक्‌तेःइली। ल्‍हाव्‍ह्‌दैबाङ्‌हाङः वाह्‌तोक्‌हाङः नीङ्इ परमेस्‍वर्‌कायः चीःमाःत “ङीजा गलमा पेतोलेः स्‍याव्‌तय्‍हीली” त म्‍हर्‌तेःआकाय्।

एफेसस् 2:15

ओउःइ लयःकोः आङ् बयःती ऐन्‌कोः कुरा वाय्आक्‌तीको यहुदीलम्‌मा यहुदी खेःमालोलम्‌मा यातैज्‍योः स्‍याव्‌ताक्आतय्‍ही।

एफेसस् 2:19

ओउःत हायःओलेः नीङ्‌पाय् द्याह् थे मान्‍तालम् खेःतेःइली द्याह्‌पाय् परमेस्‍वर्‌कोः मान्‍तालम्‌कुस्इ ओउःकोः चोःलम्‌मा राजीकोः मान्‍तालम्‌मा स्‍याव्‌तेःनै।

एफेसस् 4:18

च्‍याक्ओ ल्‍हुङ्‌मा स्‍याव्‌ती वाह्‌तेःचनै। ओउःमयः परमेस्‍वर्‌कःसै भेती मुनै। ओउःइ बयःसा जीङःपाय् दोःइली ओउःमयः ल्‍हुङ् चीःमाःत झ्‍यान्‍ते परमेस्‍वर्‌कःताङ् वाङ्‌सा ग्‍याइली।

याकुब् 4:4

नीङ्इपाय् व्‍हाय्‌तोलेः ङ्‌हाम्‌तेःनीली रैस। नीङ् ल्‍हाव्‍ह्‌दैबाङ्‌कोः चीस् आन झाक्‌तेःनै त खेःया परमेस्‍वर्‌कः झाक्‌तेःइली ओउःतपाय् चीःतेःनीली यादो। ल्‍हाव्‍ह्‌दैबाङ्‌कोः मान्‍तालम्‌कुस् जुगाङ् ब्राङःतीलेःतेः वाह्‌नै त खेःया नीङ्‌पाय् परमेस्‍वर्‌कोः बीरोत् स्‍याव्‌तेःनै।