कोलसी 1:12 - चेपाङ12 ओउःत झ्यान्ते परमेस्वर् आपाकायः “च्युता” त तोनु। ओउःइ लयःकोः पेतो थोङ्ओ राजीकोः ङ्हाम्ओलम्कुस् नीङ्कायःमा मुसा बयःतेःआकाय्। အခန်းကိုကြည့်ပါ။ |
ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः।
एतलेः सुक्ओ जैथुन् सीङःकोः यात्नीस् पेमालो दालालम् क्लय्ह्ती वाय्आक्तीको बन्सै अरु दालालम् वानःती ओउः ङ्हाकोः सीङःहाङः च्योतोती गम्ओआः। यहुदीलम्खेपाय् ओउः सुक्ओ सीङःलो लेखालेः मुनै नीङ् यहुदी खेःमालोलम्खे ओउः बन्सै वानःआ दालालम्लो लेखालेः ङ्हा सुक्ओ सीङःकःताङ् च्योतोती मुतेःनै ओहाङःसै द्याह् ओउः तुङःसै पेओ जीङःतेः दोःनै।
फेरी ङीपाय् परमेस्वर्कोः चोःलम् खेःनाःतय्ही त खेःया ङी चोःलम्लो लेखालेः परमेस्वर् आपासै पेओ दान् दोःनाःतय्ही। दोह् दोह् पेओलम् परमेस्वर्इ ख्रीस्कायः सेती गम्लेःआकान् ओउःलेः येसु ख्रीस्कुस्इ थाःतोलेः त्याक्मातय्ह्नी। ङीइ ख्रीस्कुस् लीह्सीःओ गोरःमानाःतय्ह्नी त खेःया ओउःकुस् ब्राङ्ती ताङ्ह्तोलेः स्याव्मानाःतय्ही।
लौ नीङ् स्यालःओ थालवःपालम्य ङाइ द्याह् तोचेःनाङ्स दा। ङामा थालवःपालेः खेःमानाङः फेरी ख्रीस्कोः लीह्सीःओ गोरःओ च्यवःओ मान्तामा खेःमानाङः। लोने वाङ्सा खेःओ ताङ्ह्ताक्सा बेलाहाङः ङापाय् ख्रीस्कुस् ताङ्ह्तोलेः स्याव्सा दोःमानाङः। ओउःत झ्यान्ते ङाइ द्याह् तोसा कुरापाय् नीङ्इ सायःनाङ्स दा।