Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




कोलसी 1:12 - चेपाङ

12 ओउःत झ्‍यान्‍ते परमेस्‍वर्‌ आपाकायः “च्‍युता” त तोनु। ओउःइ लयःकोः पेतो थोङ्ओ राजीकोः ङ्‌हाम्ओलम्‌कुस् नीङ्‌कायःमा मुसा बयःतेःआकाय्।

အခန်းကိုကြည့်ပါ။ ကော်ပီ




कोलसी 1:12
50 ပူးပေါင်းရင်းမြစ်များ  

ओउः ङोय्‌दोहाङः मुओलम्‌कायः ‘लौ नीङ्‌कः ङाकोः परमेस्‍वर्‌ आपा आन म्रोलेःनाः। ओउःकोः राजी याक्‌ती मुलाङ् वाङ्‌न दा। ओउः राजीपाय् ल्‍हाव्‍ह्‌दैबाङ्‌कोः जाङ्‌ह्‌तोक्‌हाङःसै नीङ्‌कायः गम्ओ लेःआः


“लौ ओउः ल्‍याम्‌पाय् ङा लेःआः। दोङ् स्‍यान्ओमा जीङः दोःताक्‌सामा ङा लेःआः ङ। ङाइ आःताः आलःमाःतो सुइमा ङाकोः आपाकःताङ् आल्‌सा दोःइली।


“ङाकायः चुम्‌लाम् त्‍यावःअ ङाकोः आपाकःताङ् आल्‌धाङ्‌ङल। लौ ङाकोः हौचोङ्‌पाय् इत ल्‍हाक्‌ती तोलाङ् आल्अ। ङा देङी त्‍यावःअ ङाकोः परमेस्‍वर्‌ आपाकःताङ् आल्‌नाङः। ओउःपाय् नीङ्‌कोः परमेस्‍वर्‌ आपामा लेःआः। लौ ओउः कुरापाय् ओउःमयःकायः ल्‍हाक्‌ती तोउसु दा” त दाय्‍ह्‌ती येसुइ तोआकान्।


लोने परमेस्‍वर्‌ आपाकायः दोङ् ङ्‌हाम्ओमयःइ सबै कुरा पेतो चीःती गाःहाङः खेःयामा म्रोताक्‌ती माननाःथै। ओउः बेलाहाङःपाय् दाह्‌खेःआ। माः रैस दाह्ओआः बा।


द्याह् परमेस्‍वर्‌इ लयः तोती गम्ओलो लेखालेः नीङ्‌कायः परमेस्‍वर्‌इ पेतो ओम्‌पायःती गम्‌ती झ्‍यान्‍ते लोन्‍ह्‌ते अरु छय्‍ङ्ओ मान्‍तालम्‌कुस् नीङ्‌मा परमेस्‍वर्‌इ बयःओ रौ जीङः दोःतेःताक्‌तेःनै।


ओहाङःसैको ल्‍होक्आक्‌तीको यहुदी खेःमालो जात्‌लम्‌कःताङ् आल्‌ती ओउःमयःकायः मीक् दोङ्‌ह्‌तोलेः ल्‍हुङ् थोङ्‌ताक्‌ती तोआक्‌तीको ओउःमयःइ सैतान्‌कोः रेव्ओ काम् फेती परमेस्‍वर्‌कोः पेओ काम् जाङ्‌ह्‌चानी। ओउःत हायःती ङाकोः कुरा ङ्‌हाम्‌ती ओउःमयःकोः रेव्‌झ्‍याङ्‌कोः क्‍युम्‍ह्‌ती वाय्आक्‌तीको ओउःमयः परमेस्‍वर्‌कोः छय्‍ङ्ओ मान्‍ताले स्‍याव्‌चै। इ कुरा तोती स्‍यान्‌साकायः नाङ्‌कायः ङाइ छ्युङ्‌ह्‌ती तोती ल्‍होक्‌नेःनाङ्’ त दाय्‍ह्‌ती प्रभु येसुइ तोआताङः।


एतलेः सुक्ओ जैथुन् सीङःकोः यात्‌नीस् पेमालो दालालम् क्‍लय्‍ह्‌ती वाय्आक्‌तीको बन्‌सै अरु दालालम् वानःती ओउः ङ्‌हाकोः सीङःहाङः च्‍योतोती गम्ओआः। यहुदीलम्‌खेपाय् ओउः सुक्ओ सीङःलो लेखालेः मुनै नीङ् यहुदी खेःमालोलम्‌खे ओउः बन्‌सै वानःआ दालालम्‌लो लेखालेः ङ्‌हा सुक्ओ सीङःकःताङ् च्‍योतोती मुतेःनै ओहाङःसै द्याह् ओउः तुङःसै पेओ जीङःतेः दोःनै।


एत ल्‍होक्‌साकायः ओउःमयः लयः झाक्‌ती ग्‍याइतो। यहुदीलम्‌खेइ ओउः अरु जात्‌कोः मान्‍तालम्‌कायः परमेस्‍वर्‌इ बयःओ कुरा पाःती बयःआथास त झ्‍यान्‍ते अरु जात्‌कोः मान्‍तालम्‌खेइ द्याह् मुह्‌ती त्‍युम्‍ह्‌ती लयः गम्ओ थोक्‌लम्‌कोः यहुदीलम्‌कायः पाःती पाय्‍क्‌सा खेःतो।


फेरी ङीपाय् परमेस्‍वर्‌कोः चोःलम् खेःनाःतय्‍ही त खेःया ङी चोःलम्‌लो लेखालेः परमेस्‍वर्‌ आपासै पेओ दान् दोःनाःतय्‍ही। दोह् दोह् पेओलम् परमेस्‍वर्‌इ ख्रीस्‌कायः सेती गम्‌लेःआकान् ओउःलेः येसु ख्रीस्‌कुस्इ थाःतोलेः त्‍याक्‌मातय्‍ह्‌नी। ङीइ ख्रीस्‌कुस् लीह्‌सीःओ गोरःमानाःतय्‍ह्‌नी त खेःया ओउःकुस् ब्राङ्‌ती ताङ्‌ह्‌तोलेः स्‍याव्‌मानाःतय्‍ही।


ओउःत हायःती ङी परमेस्‍वर्‌इ ङ्‌हासै छीङ्‌ह्ओ योनःती योओ मान्‍तालम्‌कायः “ङा गुच्‍युक् ताङ्‌ह्ओलेः मुनाङः। नीङ्‌कायः गुच्‍युक् पेतो जाङ्‌ह्‌नेःआलाङ्‌स” त छ्यानःआतय्‍ही।


“यातैज्‍योः ङीकोः परमेस्‍वर्‌ आपा ह मुनाः” त ङीखेइ चीःनाःतय्‍ह्‌नी। ओउःइपाय् जुदालेः जाङ्‌ह्आकान् ओउःकायः ङी मुनाःतय्‍ही। ङीकोः प्रभुमा यातैज्‍योः येसु ख्रीस्‌लेः खेःजेःनाः बा। ओउःकुस्इ परमेस्‍वर्‌इ जुदालेः जाङ्‌ह्आकान् ओउःकःसै रौ जीङः दोःनाःतय्‍ही।


इत हायःओ ङाइ परमेस्‍वर्‌कोः पेओ समचार्‌ थोल्‍ह्‌ती तोसाकायः जाङ्‌ह्‌लेःनाङः ओहाङःसैको ङामा अरुकुस् पेतो स्‍याव्‌सा दोःनाङः।


ओउःत हायःओ कुरापाय् ग्‍याङ्‌ह्‌सीःओ कुरा खेःल। सैतान् त तोओइमा यात्‌चाक् दोङ् परमेस्‍वर्‌कोः लाङ्‌कासै ल्‍होक्ओमयःलो लेखा थाङ्‌ताक्‌सा खाय्‌नाःस।


एत हायःओ थाङ्‌ताक्‌सा चाक्‌पाय् परमेस्‍वर्‌ लेःआः बा। फेरी इ कुरा लोने स्‍याव्‌नाः त ङीकायः चीःताक्‌सा थेङा ओउःकोः ग्‍वालामः ङ्‌हा बयःआतय्‍ही।


सबै कुरालेः परमेस्‍वर्‌इ लयः झाक्‌ती जाङ्‌ह्‌नौ ओउःतलेः ङीकायःमा ङ्‌हाहाङःसै छीङ्‌ह्‌ती लोनेः ख्रीस्‌कुस् ब्राङ्‌ताक्‌ती लयःकोः मान्‍तालम् जाङ्‌ह्आतय्‍ही।


ओहाङःसैको ल्‍हुङ् पेतो व्‍हाय्‌तो स्‍याव्आक्‌तीको परमेस्‍वर्‌कायः पेतो तय्‍ह्‌ती झ्‍यान्‍ते “लोनेः दोह् दोह् पेओ कुरालम् त्‍याक्‌लाङ् वाङ्‌साकायः ओउःइ गोत्आतय्‍ही” त चीःतीलेः नीङ्इ आसती ल्‍युङ्‌ह्‌सा खाय्‌तेःनानी। “ङी ओउःच्‍युक् पेओ दोःनाःतय्‍ही” त चीःसामा


ओउःत तोधार्‌नालेः द्याह् ङी सबैकायः परमेस्‍वर्‌कोः ग्‍वालामःइ परमेस्‍वर्‌ आपाकःताङ् वाङ्‌सा दोःताक्‌नाःतय्‍ही।


ओउः कुरापाय् इलेःआः। ख्रीस्‌कोः पेओ समचार्‌ ङ्‌हाम्आकानी त खेःया यहुदी खेःमालोलम् यहुदीलम्‌कुस् ब्राङ्‌ती यातैज्‍योः आङ्‌लो लेखा स्‍याव्‌ती येसु ख्रीस्‌कोः तोती गम्ओ पेओ कुरापाय् सबैलेः दोःआनै।


फेरी सबैकोः परमेस्‍वर्‌ आपामा यातैज्‍योः लेःआः। ओउःपाय् सबैकोः प्रभु लेःआः सबै काम् जाङ्‌ह्‌ताक्‌लेःनौ सबैहाङः मुलेःनाः।


च्‍याक्ओ ल्‍हुङ् नाःओलम्इ आह्रे काम् जाङ्‌ह्‌नानी। ओउःमयःकुस् ब्राङ्‌ती वाह्‌माःत ओउःमयःकोः रेव्ओ काम्‌लम्‌मा फुःसा खेःतो।


गलकायःमा दोह् खेःयाकायःमा प्रभु येसु ख्रीस्‌कोः मय्‍ङ् पेह्‌ती ङीकोः परमेस्‍वर्‌ आपाकायः “च्‍युता” त दाय्‍ह्‌ती तोचाक्‌नु।


रेव्‌तो नोःओमा थ्‍यावःओ कुरामा गलमा नोःमाःत सबैकायः परमेस्‍वर्‌कायः “च्‍युता” त तोतेःपानी।


नीङ्‌पाय् ङ्‌हाखे च्‍याक्ओ ल्‍हुङ्‌लेः नाःती वाह्ओ खेःतेःइतो द्याह्‌खे प्रभुइ बयःओ थोङ्ओ ल्‍हुङ्‌लेः दोःती वाह्‌तेःनै।


दोह् हायःती जाङ्‌ह्आलाङःसु दाय्‍ह्‌सा “ओउःमयः ल्‍हुङ् धोमाय्‌तो स्‍याव्‌ती लयःमयःकायः राप्‌ती ब्राङ्‌पनै” त दाय्‍ह्‌ती जाङ्‌ह्आलाङः। ओहाङःसै ओउःमयः पेतो व्‍हाय्‌तोलेः चीःती झ्‍यान्‍ते परमेस्‍वर्‌कोः छ्यान्‍ह्आक्‌मालो कुरामा चीःसा खाय्‌नानी ओउः कुरापाय् ख्रीस्‌कोः कुरा लेःआः।


ख्रीस्‌सै धोमाय्ओ ल्‍हुङ् दोःती अरुकः पेओ ल्‍हुङ् स्‍याव्‌ती वाह्‌न। एत हायःसाकायः परमेस्‍वर्‌इ नीङ्‌कायः गोत्‌ती यातैज्‍योः स्‍याव्‌तेःताक्‌तेःआकाय्। फेरी सबै कुराकायः “च्‍युता” त तोनु दा।


दोह् खेःयामा दाय्‍ह्‌तेःनै दोह् खेःयामा जाङ्‌ह्‌तेःनानी सबै कुरा “इ प्रभु येसुकायः लेःआः” त दाय्‍ह्‌ती ख्रीस्‌कोः मान्‍तालो लेखा जाङ्‌ह्‌मानु। “इ कुरा प्रभु येसुइ दोःताक्आताङः” दाय्‍ह्‌ती परमेस्‍वर्‌ आपाकायः “च्‍युता” त तोमानु।


ओउः ख्रीस्इपाय् लयःकोः आङ् ल्‍हाङ्‌ती ङीकायः रेव्ओ काम्‌सै दल्‌ताक्आतय्‍ही छय्‍ङ्‌ताक्‌नाःतय्‍ही। ओहाङःसै ङीपाय् ओउःकोः मान्‍ता ह स्‍याव्‌ती पेओ काम् जाङ्‌ह्‌सा गेतो स्‍याव्‌तय्‍ही।


नीङ्‌पाय् ओउः ङ्‌हासै ङ्‌हाम्ओ हुम्‌ती मुओलम्‌कःताङ्‌मा वाङ्‌तेःआकाय् ओउःमयःलम्‌कोः मय्‍ङ् लाङ्‌काहाङः लेखती मुनाः। फेरी नीङ्‌पाय् ओउः सबैकायः तय्‌छनःती योसा परमेस्‍वर्‌कःताङ्‌मा वाङ्‌तेःआकाय्। ओउःकोः मीक्‌हाङः पेतो स्‍याव्ओलम्‌कःताङ्‌मा


लौ उया नीङ् छय्‍ङ्‌तो स्‍याव्ओ पुःचोङ् हौचोङ्‌य नीङ्‌कायःमा परमेस्‍वर्‌इ छीङ्‌ह्‌तेःआकाय् ओउःत झ्‍यान्‍ते ङीइ छ्यानःती तोओ परमेस्‍वर्‌इ छ्युङ्‌ह्‌ती ल्‍होक्ओ प्रधान् पुरोहीत् येसुकोः कुरापाय् ल्‍हुङ्‌हाङः लाय्‌नु दा।


ङी लोनेःकोः वाङ्‌सा खेःओ दीन्‌च्‍युक्‌कायः ङ्‌हालो लेखालेः येसुकोः ङ्‌हाम्‌सीःओ कुरा ग्रमःतलेः ङ्‌हाम्‌ती मुनाःतय्‍ही त खेःया ङी येसुकुस् ब्राङ्‌तोलेः मुसा दोःनाःतय्‍ही।


लेइलेः ङीकोः प्रभुमा परमेस्‍वर्‌ आपाकायःमा “च्‍युता” त दाय्‍ह्‌ती तोनाःतय्‍ह्‌नी ओउः लेइमा परमेस्‍वर्‌इ लयःलो लेखा जाङ्‌ह्ओ मान्‍तालम्‌कायःमा प्रनःनाःतय्‍ह्‌नी।


लौ नीङ् स्‍यालःओ थालवःपालम्‌य ङाइ द्याह् तोचेःनाङ्‌स दा। ङामा थालवःपालेः खेःमानाङः फेरी ख्रीस्‌कोः लीह्‌सीःओ गोरःओ च्‍यवःओ मान्‍तामा खेःमानाङः। लोने वाङ्‌सा खेःओ ताङ्‌ह्‌ताक्‌सा बेलाहाङः ङापाय् ख्रीस्‌कुस् ताङ्‌ह्‌तोलेः स्‍याव्‌सा दोःमानाङः। ओउःत झ्‍यान्‍ते ङाइ द्याह् तोसा कुरापाय् नीङ्इ सायःनाङ्‌स दा।


ओउःत खेःओ ङीइ च्‍यवःओमा सायःओमा नीङ्‌कायः ल्‍हाक्‌ती तोनेःनाङ्‌स ओहाङःसै ङीकुस् ब्राङ्‌तो मुसा खाय्‌तेःनै। दोङ्‌सीलेः ङी परमेस्‍वर्‌ आपाकुस्‌मा ओउःकोः चोः येसु ख्रीस्‌कुस्‌मा ब्राङ्‌नाःतय्‍ही।


ओउः सहर्‌कायःपाय् न्‍याम् थोङ्ओमा लाह् हवःओमा जुगाङ् परल दोह् हायःती दाय्‍ह्‌सा परमेस्‍वर्‌इपाय् अङ्‌ग थङ्‌ग त मुती ओउः सहर्‌कायः थोङ्‌ताक्‌नौ। ओउः भेदाकोः चोःमा ओउः सहर्‌कोः बत्तीलो लेखा मुनाः।


सुसुइ लयःकोः क्रमःनाय्‌लम् धावःती भाम्‌ताक्‌नानी ओउःमयःपाय् चोङाय्‌तोलेः मुनै ओउःमयः ओउः जीङः बयःसा सीङःसै काव्‍ह्‌सामा दोःनै ओउः सहर्‌कोः धोकालम्‌हाङः पोक्‌सामा दोःलेःनै।


ओउः सहर्‌हाङः याह्‌दीङ्‌पाय् गलमा दाह्‌ल बत्ती थोङ्ओमा न्‍याम् थोङ्ओमा जुगाङ् परल दोह् हायःती दाय्‍ह्‌सा प्रभु परमेस्‍वर्‌इ ओउःहाङः मुओलम्‌कायः थोङ्‌ताक्‌नाःथास। ओउःमयःपाय् गलकायःमा राजालो लेखा मुलेःनाः।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ