खबरदुत 9:40 - चेपाङ

⁴⁰ ओउःमयः सबैकायः बाहीरताङ् ल्‍होक्आक्‌तीको पत्रुस्इ घ्रुस्‌ती परमेस्‍वर्‌कः तेती तोआकान्। तेती तोआक्‌तीको तबीथा त तोओकोः म्‍हाङ्‌ताङ् ल्‍हेःती “लौ तबीथा च्‍योक्अ” त दाय्‍ह्‌ती पत्रुस्इ तोउतो ती तबीथा लेती पत्रुस् च्‍यवःती च्‍योक्आ।

खबरदुत 9:40 ပူးပေါင်းရင်းမြစ်များ

मत्ती 6:6

नीङ्‌खेइ परमेस्‍वर्‌कायः तोओ बेलाहाङः लयःकोः कीम्‌हाङः पोक्‌ती धोका राक्आक्‌तीको अरुइ चीःताक्‌माःत ओउःकायः तोनु दा। ओहाङःसैको नीङ्‌कोः परमेस्‍वर्‌ आपाइ चीःती झ्‍यान्‍ते नाङ्‌कायः बयःतेःनै।

मत्ती 9:25

ओहाङःसैको ओउः ङीःती गाक्ओलम्‌कायः सबै बाहीरताङ् क्‍लाःआक्‌तीको येसु कीम्‌ताङ् पोक्‌ती ओउः मोमःचोःचोःकायः क्रुत् चुम्‌ती उह्‌ताक्‌ती त्‍यती च्‍योक्‌ताक्आकान्। च्‍योक्आक्‌तीको ओउः मोमःचोः चीङ्‌लेःआ।

मर्‌कस् 9:25

ओहाङःसैको अरु नाःतो मान्‍तालम् द्याङ्‌तो तन्‌ती प्‍लीङ्‌ह्‌ती प्‍लीङ्‌ह्‌ती वाङ्ओ च्‍यवःती “अ नाङ् नोःसा सायःसा ताक्‌मालो लान्‌तेः इकायः फेती जुगाङ्‌मातेः ङायःतेःचौ ओउःत ङाइ गानाक्‌ती तोनेःनाङ्” त दाय्‍ह्‌ती ओउः लान्‌कायः जान्‌ती तोआकान्।

लुका 22:41

तोआक्‌तीको ओउःमयःकायः सबै फेती बाङ् आप्‌ती दाह्‌जम्‌च्‍युक् लोक्‌तो येसु लयःकुस् आल्‌ती ओहाङः घ्रुस्‌ती बाःआक्‌तीको परमेस्‍वर्‌कायः तोआकान्।

लुका 8:54

येसुखेपाय् ओउः मोमःचोःकःताङ् वाङ्‌ती ओउःकोः क्रुत् चुम्‌ती “लौ हौय च्‍योक्अ” त दाय्‍ह्‌ती तोथातो

खबरदुत 20:36

ओउःत तोआक्‌तीको पावुल् सबैकुस् ङोल्‌तुमःहाङः घ्रुस्‌ती परमेस्‍वर्‌कायः तेती तोआकानी।

खबरदुत 21:5

ओहाङःसैको ङी आल्‌सा चीङ्‌तोक्‌हाङः ओउः सहर्‌कोः ङ्‌हाम्ओलम् सबै आमालम् आपालम् चोःलम् सबै ङीकुस् सहर्‌ बाहीरसै द्युम्‌मालो तीःकोः छेव्‌हाङः दाह्आलाङी। ओहाङः दाह्आक्‌तीको ङीइ सबैइ घ्रुस्‌ती परमेस्‍वर्‌कायः तेती तोआलाङःसु।

खबरदुत 28:8

ओहाङःसैको ओउःकोः कीम्‌हाङः मुतोक्‌हाङः पुब्‍लीयस् त तोओकोः आपा अय्‌ती स्‍योरोती आन जीक्‌ती मुओ खेःतो। ओउः जीक्ओ मान्‍ताकःताङ् वाङ्‌ती पावुल्इ लयः क्रुत् झाम्‍ह्‌ती परमेस्‍वर्‌कायः “लौ इ स्‍याक्‌पाः” त दाय्‍ह्‌ती झाह्‌ती तेती तोआकान्। ओउःत तोआक्‌तीको ओउः मान्‍तापाय् स्‍याक्‌लेःआ।

खबरदुत 7:60

फेरी लोने क्र्योङःइ घ्रुस्‌ती “लौ प्रभुय इ मान्‍तालम्‌कोः रेव्‌तो हायःझ्‍याङ्‌कोः क्‍युम्‍ह्‌ताक्‌पाःथास” त सोतो दाय्‍ह्‌ती सीआ। स्‍तीफन्‌कायः सात्‌सा ओउः सावुल् त तोओमा त्‍योम्‌ती नोःओ खेःतो।