खबरदुत 9:3 - चेपाङ3 चेती तेती दोःआक्तीको सावुल्पाय् यरुसालेम् सहर्सै ग्ल्युङ्ह्ती आल्दा आल्दा दामास्कस् सहर्ताङ् दाह्खेःतो सहर् दाह्खेःतोक्हाङः रोमो तोकोलेः फेल्बाङ्सै आन थोङ्तो स्याव्ताङःआ। အခန်းကိုကြည့်ပါ။ |
एत तोआक्तीको हननायापाय् सावुल् मुओ कीम्ताङ् आल्ती पोक्ती ओउःकःताङ् क्रुस्लाङ् वाङ्आ। क्रुस्आक्तीको सावुल्कोः तालाङ्हाङः क्रुत् झाम्ह्ती “लौ सावुल् हौय नाङ् इहाङः वाङ्तोक्हाङः ल्याम्हाङः थाती च्यवःओ प्रभु येसुइलेः ङाकायः द्याह् नाङ्कःताङ् ल्होक्आताङः बा। नाङ्कायः मीक्इ च्यवःताक्सामा परमेस्वर्कोः ग्वालामः दोःताक्साकायःमा ल्होक्आताङः” त दाय्ह्ती
अरुलम् रैआकाय् यात्चाक् बर्नाबास् त तोओखेइ सावुल्कोः कुरा ङ्हाम्ती ओउःकायः रोम्ती येसुकोः छ्युङ्ह्ओमयःकःताङ् वानःआथै। वानःआक्तीको “लौ दामास्कस्ताङ् वाह्ओ ल्याम्हाङः सावुल्इ ङीकोः प्रभु येसुकायः च्यवःआकान् येसुकुस् नोःकाय्आकाय् बा। ओहाङःसैको दामास्कस् सहर्हाङः सावुल्इ जुगाङ् रैमाःत येसुकोः कुरा तोमाआकान्” त दाय्ह्ती बर्नाबास्इ सावुल्कोः कुरा सबै ल्हाक्ती छ्यानःआथास।