खबरदुत 9:24 - चेपाङ

²⁴ “ङाकायः सात्‌सा बोङःनाःताङः” त सावुल्इ चीःआकान्। न्‍हीदीङ्‌मा याह्‌दीङ्‌मा ओउः यहुदीलम्इ सावुल् चुम्‌ती सात्‌साकायः ओउः सहर्‌कोः धोकालम्‌हाङः ल्‍युङ्‌ह्‌ती मुइतो

खबरदुत 9:24 ပူးပေါင်းရင်းမြစ်များ

खबरदुत 20:19

ओउः बेलाहाङः यहुदीकोः मान्‍तालम्इ ङाकायः आन लीह्‌सीःओ बयःती ङाकायः चुम्‌सा थुनसा सात्‌सा बोङःताङःतो ङाइ प्रभु येसुकोः काम् कोय् बेलाहाङः र्‍याःगार्‌ती जाङ्‌ह्आलाङः।

खबरदुत 20:3

सुम् महीनाच्‍युक्‌कायः मुआक्‌तीको पावुल्‌पाय् सीरीया देस्‌ताङ् तीःजहास्‌हाङः आल्‌सा म्‍हर्‌तो “सीरीया देस्‌कोः पेमालो यहुदीलम्इ नाङ्‌कायः सात्‌सा बोङःतेःनाः” त दाय्‍ह्ओ सायःती झ्‍यान्‍ते मासीदोनीया देस्‌हाङः च्‍योल्‌ती आल्ओ ल्‍याम्‌हाङः पावुल्इ पाय्‍ह्आ।

खबरदुत 23:30

ओहाङःसैको ओउः यहुदीलम्इ लयःलेः ओउःकायः सात्‌सा बोङःओ खेःइतो इ कुरा सायःती ओउः मान्‍ताकायः ङाइ नाङ्‌कःताङ् ल्‍होक्आलाङः। ओउःकायः तुम्‌ती नोःसा मान्‍तालम्‌कायःमा ‘लौ नीङ्‌पाय् अन्‍चलादीस्‌कःताङ् आल्‌ती नीङ्‌कोः दर्‌कास् बयःनु’ त ङाइ गानाक्‌ती तोआलाङःसु” त दाय्‍ह्‌ती हाकीम्इ चेती लेखती ल्‍होक्आकान्।

खबरदुत 25:11

ङाइ रेव्‌तो जाङ्‌ह्‌ती झ्‍यान्‍ते सात्‌सालेः स्‍याव्‌नाः त खेःया लौ उया ङाकायः सात्‌पाःताङःस। खेःल ङाइ ओउःच्‍युक् पेमालो जाङ्‌ह्‌ङल त खेःया ङाकायः इ यहुदी मान्‍तालम्‌कःताङ् ल्‍हासा जुगाङ् स्‍याव्‌ल। लौ उया ङाकोः कुरा सीजर्‌ राजाइ लयःइ सायःती तात्‌पौ” त दाय्‍ह्‌ती पावुल् त्‍याङ्आ।

खबरदुत 25:3

“लौ ओउः पावुल् त तोओकोः कुरा सायःसाकायः ओउःकायः इहाङः वानःपाःथै” त दाय्‍ह्‌ती फेस्‍तस्‌कायः तेती तोआकानी दोह् हायःती दाय्‍ह्‌सा यरुसालेम् आल्ओ ल्‍याम्‌हाङः “ङीइ फाती मुती पावुल्‌कायः चुम्‌ती सात्‌नाङःसु” त म्‍हर्‌ती ओउःमयःइ अन्‍चलादीस्‌कायः “इहाङः वानःपाःथै” त तेती तोआकानी।

खबरदुत 9:25

यात्‌दीन्‌कोः याह्‌दीङ्‌हाङः सावुल्‌कोः साथीलम्इ ओउःकायः धाकर्‌हाङः काआक्‌तीको लाइ छुःती ओउः धाकर्‌पाय् सहर्‌कोः खोओ बार्‌कोः बाहीरताङ् क्‍लाःआथै। साःहाङः क्‍लाःआक्‌तीको सावुल्‌पाय् धाकर्‌सै ग्‍ल्‍युङ्‌ह्‌ती क्रव्‌ती ज्‍याल्आ।

२ कोरीन्‍थी 11:32

ङा दामास्‍कस् सहर्‌हाङः मुतोक् बेलाहाङः ङाकायः चुम्‌ती पानःसाकायः आरेतस् राजाकोः जील्‍ला प्रमुख आधीकारीइलेः सहर्‌कोः धोकालम्‌हाङः सीपाही ल्‍युङ्‌ह्‌ती मुताक्ओ खेःतो।