8 एत हायःआक्तीको ओउः सहर्कोः मान्तालम् आन चोङाय्ओ खेःइतो।
ओहाङःसै ओउःकःताङ् वाङ्ती “लौ ङीकुस् मुअ” त दाय्ह्ती ब्रीङ्ह्ती थुनओ कुरा तोनीतो ती ओउःत ब्रीङ्ह्ती तोआक्तीको येसु ओउःमयःकोः गाव्हाङः नीस्दीन्कायः मुआकाय्।
इ कुरा सायःआक्तीको ओउः यहुदी जात् खेःमालो मान्तालम्खे आन म्रोती “इ पेओ कुरा लेःआः बा” त दाय्ह्ती परमेस्वर्कायः झाह्ती लुङ्ती तोआथै। ओहाङःसैको गुच्युक् मान्तालम् रौ जीङः दोःसाकायः रय्ह्ती गम्ओ खेःइतो ओउःमयःइ येसुकोः कुरा ङ्हाम्आकानी।
ओउः बेलाहाङः ओउः अन्तीयोक्हाङः मुओ येसुकायः ङ्हाम्ओलम् परमेस्वर्कोः ग्वालामः दोःती आन चोङाय्ओ खेःतो।
तीःहाङः बाप्तीस्मा जाङ्ह्ती खाय्आक्तीको ओउःनीस् तीःसै ग्ल्युङ्ह्ती फीलीप्खेकायः परमेस्वर्कोः ग्वालामःइ आलःआथै। आलःआक्तीको ओउःकायःपाय् ओउः मन्तरीखेइ फेरी च्यवःउलु लयःकोः देस्ताङ् चोङाय्तीलेः पाय्ह्ताङःआ।
