परमेस्वर्कोः ग्वालामः नीङ्कःताङ् दाह्आक्तीको आले नीङ् ग्वम् दोःतेःजेःनै। परमेस्वर्कोः ग्वालामःइ बयःओ ग्वम् दोःआक्तीको नीङ्इ ङाकोः कुरा थोल्ह्ती तोसा खेःतेःनै बा। इ यरुसालेम्हाङःमा सबै यहुदीया समारीया देस्हाङःमा ल्हाव्ह्दैबाङ्कोः चार् दोवाहाङःमा नीङ्इ ङाकोः कुरा छ्यानःती तोसा खेःतेःनै” त दाय्ह्ती येसुइ ओउःमयःकायः तोआकान्।
खबरदुत 8:5 - चेपाङ5 फीलीप् त तोओखे समारीया देस्कोः सहर्ताङ् आल्ती ओउः सहर्कोः मान्तालम्कायः येसु ख्रीस्कोः कुरा छ्यानःती तोआथास। အခန်းကိုကြည့်ပါ။ |
खबरदुत 8:5
18 ပူးပေါင်းရင်းမြစ်များ
ओहाङःसैको उनम्ह्कोः स्याङ्ह्लोहाङः तीःजहास्हाङः फेरी लन्ह्ती आल्ती ङी सीजारीया त तोओ सहर्ताङ् दाह्आलाङी। सीजारीयाताङ् दाह्आक्तीको ङी तीःजहास्सै जुगाङ् फेती ग्ल्युङ्ह्ती फीलीप् त तोओकोः कीम्ताङ् वाङ्ती मुआलाङी। ओउः फीलीप् त तोओखेकायः योह्नम्हाङः अरु छजनकुस् पैसा वेःती बयःओ काम्कायः छ्युङ्ह्ओ खेःतो। ङी वाङ्तोक्हाङः ओउःइ सीजारीयाहाङः प्रभु येसुकोः पेओ समचार्कोः कुरा आन तोती मुओ खेःतो।
एत तोओ कुरा सबै म्रोती सायःआकानी ओहाङःसैको ओउःमयःइ सात्जन छ्युङ्ह्आथास। यात्चाक् स्तीफन् त तोओ ओउःखे परमेस्वर्कायः आन ङ्हाम्ती परमेस्वर्कोः ग्वालामःमा आन दोःओ खेःतो। स्तीफन् त तोआमा फीलीप् प्रोखुरस् नीकानोर् तीमोन् पार्मेनास्मा यात्चाक् अन्तीयोक् सहर्सै वाङ्ओ परमेस्वर्कायः झाह्ओ नीकोलवुस् त तोओमा इ सात्जनकायः छ्युङ्ह्ती ओउः बारजन येसुइ छ्युङ्ह्ओमयःकःताङ् वानःती चीङ्ताक्आथास।
ओहाङःसैको ओउःनीस्खे यरुसालेम्ताङ् पाय्ह्आकाच फीलीप्खेकायः यात्ज्योः परमेस्वर्कोः लाङ्कासै ल्होक्ओमयः थाती “लौ चीङ्अ यरुसालेम्सै ग्ल्युङ्ह्ओ गाजा त तोओ सहर्ताङ् आल्सा ल्याम्ताङ् आल्अ। ओउः ल्याम्पाय् मान्ता याक्गार्सीःमालो बेलाङ्हाङः प्लाक्ती आल्नाः” त दाय्ह्तीताङः फीलीप्कायः परमेस्वर्कोः ल्होक्ओमयःइ तोआथै।
ကြော်ငြာတွေ