खबरदुत 8:10 - चेपाङ

¹⁰ अरुलम्‌मा “माः रैस इ मान्‍तापाय् परमेस्‍वर्‌च्‍युक्‌लेः जोओ ग्‍वम् दोःआ बा” त दाय्‍ह्‌ती नोःकाय्‌ती ओउः देस्‌कोः मीओ मान्‍तालम्‌मा ताङ्‌ह्ओ मान्‍तालम्‌मा ओउःकायः आन योआकानी।

खबरदुत 8:10 ပူးပေါင်းရင်းမြစ်များ

खबरदुत 14:11

एत चीङ्‌ती वाह्ओ च्‍यवःती ओउः सायःलाङ् हुम्ओ मान्‍तालम् “अहै इपाय् द्यव्‌तानीस् रैस मान्‍तालो लेखा थाङ्‌ती ङीकःताङ् ग्‍ल्‍युङ्‌ह्‌ती थाओआः बा” त दाय्‍ह्‌ती ओउःमयःइ लयःकोः लुकोनीया भासाइ दाय्‍ह्‌ती गोःकाय्‌ती नोःकाय्आकाय्।

खबरदुत 28:6

“इपाय् माङ्‌ती सीनाःया कोन्‍ह्‌ती सीनाःया” त दाय्‍ह्‌ती मान्‍तालम् पावुल्‌कायः योती म्‍हर्‌इतो ज्‍याङःतो स्‍याव्‌तीमा दोह्‌मा दयःमालो च्‍यवःती “अहः इपाय् द्यव्‌ता लेःआः रैस बा” त दाय्‍ह्‌ती ल्‍हुङ् द्यान्‍ह्‌तीलेः नोःकाय्आकाय्।

१ कोरीन्‍थी 1:24

परमेस्‍वर्‌इ गोत्ओलम्‌खेकायः ओउःइ गोत्ओ यहुदीलम्‌कायःमा एलेनीलम्‌कायःमा ख्रीस्इपाय् परमेस्‍वर्‌कोः ग्‍वम्‌मा व्‍हाय्‌तो चीःओमा छ्यानःनौ

२ कोरीन्‍थी 11:19

नीङ्‌पाय् आन व्‍हाय्‌तो चीःओ ल्‍हुङ् नाःओलम्‌तेः खेःतेःनै ओउःत झ्‍यान्‍ते दोह् हायःतीतेः लयः ङाःती व्‍हाय्‌तो चीःमालोलम्‌कायः आन ग्‍यातीलेः रोम्‌तेःनानी।

एफेसस् 4:14

ओउःत स्‍याव्आक्‌तीको ङीपाय् व्‍हाय्‌धाङ्‌मालो हौलम्‌लो लेखा खेःतय्‍हीली। मारुःइ साङ्‌ह्‌ताक्ओ तीःलो लेखालेः इहाङः उहाङः स्‍यान्‌लाङ् आल्‌मामाःत पेमालो मान्‍ताकोः माःती स्‍यान्ओ कुराखे ङ्‌हाम्‌मामाःत

२ पत्रुस् 2:2

न्‍युम्‍ह्‌ती वाय्ओ स्‍याव्‌सापाय् स्‍याव्‌लेःनै ओउःमयः रेव्ओ काम्‌लम् जाङ्‌ह्‌ती वाह्ओकायः नाःतो अरु मान्‍तालम् तेःती गुल्‍ह्‌ती वाह्‌नै। एत च्‍यवःती परमेस्‍वर्‌कोः दोङ् पेओ वाह्‌सा ल्‍याम्‌कायः “पेमालो” त दाय्‍ह्‌ती अरु मान्‍तालम्इ तोनानी।

प्रकाश 13:3

ओहाङःसैको ओउः दस् तालाङ् नाःओ जाःकायः यात्‌ज्‍योः तालाङ्‌हाङः “सीनाः” त म्‍हर्‌सीःओ ताङ्‌ह्ओ चोत् दोःओ खेःतो। ओउःतलेः खेःतो द्याह् योतोक्‌हाङः सेलः स्‍याव्ओ लेःआः। ओउःत झ्‍यान्‍ते ल्‍हाव्‍ह्‌दैबाङ्‌हाङः मुओलम्इ आन ग्‍याङ्‌ह्‌ती ओउः दस् तालाङ् नाःओ जाःकायः गुल्‍ह्आथै।