खबरदुत 7:58 - चेपाङ

⁵⁸ चुम्आक्‌तीको सहर्‌ बाहीरताङ् क्‍लाःती ओउःकायः बाङ्इ आप्‌ती सात्आकानी। फेरी सात्‌तोक्‌हाङः ओउः बाङ् च्‍योमःती आप्ओलम्इ लयःकोः क्रमःनाय्‌लम् फान्‌ती यात्‌चाक् सावुल् त तोओ लाव्‌मयः मान्‍ताकायः ल्‍हाती गम्आकानी।

खबरदुत 7:58 ပူးပေါင်းရင်းမြစ်များ

लुका 4:29

ल्‍हुङ् मल्‍ह्‌तो स्‍याव्‌ती झ्‍यान्‍ते ओउःमयःइ चीङ्‌ती येसुकायः बाहीरताङ् क्‍लाःती ओउः सहर्‌ मुओ बुम्‌कोः च्‍योःताङ् लात्‌ती आलःती वारसै क्‍लाःती सात्‌सा बोङःथातो

खबरदुत 22:20

ओहाङःसैको नाङ्‌कोः कुरा ल्‍हाक्‌ती छ्यानःओ स्‍तीफन् त तोओकायः सात्ओ बेलाहाङः ओउःकायः “सात्‌पाः” त ङामा म्‍हर्‌ती ओउः सात्‌सा बोङःओ मान्‍तालम्‌कायः ङाइ नाय् योती मुङोतो’ त घोती ङा प्रभु येसुकायः दाय्‍ह्‌ती त्‍याङ्आलाङः।

खबरदुत 22:23

आन ल्‍हुङ् मल्‍ह्‌ती झ्‍यान्‍ते ओउःमयः लयःकोः नाय् क्रत्‌ती फुत्‌साः आप्‌ती मुआकाय्।

खबरदुत 22:4

ओउःत झ्‍यान्‍ते येसुकोः गुल्‍ह्ओमयःकायः ङाइ आन लीह्‌सीःओ बयःती ओउःमयःकायः सात्‌सा बोङःङोतो मोमःचोःलम्‌मा गोय्‌चोःलम्‌कायःमा ङाइ चुम्‌ती झ्‍याल्‍खानहाङः दाक्आलाङःसु।

खबरदुत 26:10

ओहाङःसैको ताङ्‌ह्ओ पुरोहीत्‌लम्इ ङाकायः ताक्‌ती झ्‍यान्‍ते यरुसालेम्‌हाङः नाःतो येसुकोः कुरा ङ्‌हाम्ओलम्‌कायः ङाइ झ्‍याल्‍खानहाङः कामाआलाङःसु यात्‌नीस् ङ्‌हाम्ओलम्‌कायः ‘सात्‌पाःथास’ त अरुलम्इ दाय्‍ह्‌ती तोतोक्‌हाङः ङाइमा ‘माः ओउःमयःकायः सात्‌साआः’ त ल्‍याव्‍ह्‌ती पाःती तोओ खेःङोतो।

खबरदुत 6:11

ओउःत झ्‍यान्‍ते स्‍तीफन्‌कुस् काय्‌काय्ओलम् यात्‌नीस् ओउःकायः माःती तुम्‌ती नोःसा मान्‍तालम् हुन्‍द्यावःती “लौ ‘इ स्‍तीफन् त तोओइ मोसाकायःमा परमेस्‍वर्‌कायःमा पेमालो नोःती स्‍यान्ओ ङीइ सायःआलाङःसु’ त नीङ्इ दाय्‍ह्‌ती तोनु दा” त दाय्‍ह्‌ती ओउः काय्‌काय्ओलम्इ अरु पेमालो मान्‍तालम्‌कायः गाल्‌तुम्ओ कुरा नोःसा स्‍यान्आथास।

खबरदुत 6:13

सभाताङ् वानःआक्‌तीको स्‍तीफन्‌कोः दुस्‍मान्‌लम्इ ओउः अरु माःती तुम्‌ती तोसा मान्‍तालम्‌कायः ङ्‌हा चीङ्‌ताक्आथास। ओउः मान्‍तालम् नोःसाकायः चीङ्‌ती “लौ इ मान्‍तापाय् ङीकोः मन्‍दीर्‌कायःमा परमेस्‍वर्‌कायःमा ओउःकोः हुकुम्‌कायःमा गलमा दीःमाःत आन रेव्ओ कुरा नोःनाः रैस।

खबरदुत 7:57

ओउःत तोआक्‌तीको ओउःमयः सायःती मुओलम् सोतो हीह्‌ती लःलयःकायः नोलम् ल्‍होप्‌ती स्‍तीफन्‌कायः हुमःती चुम्‌लाङ् वाङ्आकाय्।

खबरदुत 8:1

ओहाङःसैको ओउःनम् दीन्‌हाङः यरुसालेम् सहर्‌हाङः मुओ येसुकायः ङ्‌हाम्ओमयःकायः अरुलम्इ आन लीह्‌सीःओ बयःआथास ओउःत झ्‍यान्‍ते ओउः येसुकायः ङ्‌हाम्ओमयः रुनःधती स्रीदी बेदी त यहुदीयामा समारीयामा ओउः नीस्‌देस्‌ताङ् क्रव्आकाय्। येसुकोः बारजन छ्युङ्‌ह्ओमयः झुङ्आले यरुसालेम्‌हाङः मुइतो।