खबरदुत 7:56 - चेपाङ

⁵⁶ “लौ दा फेल्‌बाङ्‌लेः ओङ्‌ह्‌ती मुती परमेस्‍वर्‌कोः ङोय्‌दोहाङः ओउः मान्‍ताकोः गोय्‌चोः त मुओ च्‍यवःआनाङः बा” त दाय्‍ह्‌ती स्‍तीफन्इ तोआथास।

खबरदुत 7:56 ပူးပေါင်းရင်းမြစ်များ

मत्ती 25:31

ओउः मान्‍ताकोः चोः अङ्‌ग थङ्‌ग त ताङ्‌ह्ओ ल्‍होक्ओमयःकुस् वाङ्‌तोक्‌हाङः ओउःपाय् राजालो लेखा च्‍युङःती मुनाः।

मत्ती 3:16

ओहाङःसैको बाप्‍तीस्‍मा जाङ्‌ह्आक्‌तीको येसु तीःसै ग्‍ल्‍युङ्‌ह्‌तोक्‌हाङः फेल्‌बाङ् वाक्‌ती फोल्आक्‌तीको परमेस्‍वर्‌कोः ग्‍वालामः धुकुर्‌वाःकोः रुप्‌लो थाङ्‌ती लयःकःताङ् ग्‍ल्‍युङ्‌ह्ओ येसुइ च्‍यवःआकान्।

मत्ती 8:20

“लौ स्‍याल्‌खेकायः एनःसा ल्‍हाङ्‌मा मुनाः वाःखेकायः न्‍यास्‌सा छ्युत्‌मा मुनाः। ङा मान्‍ताकोः चोः त तोओखेकायः लयःकोः एनःसा कीम्‌पाय् दोह्‌मा नाःङल” त दाय्‍ह्‌ती येसु त्‍याङ्आ।

मर्‌कस् 1:10

बयःआक्‌तीको तीःसै ग्‍ल्‍युङ्‌ह्‌तोक्‌हाङः येसुइ फेल्‌बाङ् वाक्‌ती फोल्ओ च्‍यवःआकान् फेरी परमेस्‍वर्‌कोः ग्‍वालामः धुकुर्‌वाःकोः रुप्‌लो थाङ्‌ती ओउःकोः अलवःहाङः ग्‍ल्‍युङ्‌ह्‌ती वाङ्आ।

लुका 3:21

ओहाङःसैको याक्‌गार्‌सीःमालो बेलाङ् मुधाङ्‌तोक्‌हाङः युहनाइ अरु मान्‍तालम्‌कायः बाप्‍तीस्‍मा जाङ्‌ह्आक्‌तीको येसुकायःमा बाप्‍तीस्‍मा बयःआकान्।

युहना 1:51

दोङ्‌सी दाय्‍ह्‌भनाङ् लोने ओउः फेल्‌बाङ् फोल्‌ती परमेस्‍वर्‌कोः लाङ्‌कासै ल्‍होक्ओमयः मान्‍ताकोः चोःत तोओकःताङ् ग्‍ल्‍युङ्‌ह्‌सामा ओउःकःसै लन्‍ह्‌सामा च्‍यवःतेःनौ बा” त दाय्‍ह्‌ती येसुइ तोआथै।

खबरदुत 10:11

ओहाङःसै ओउः माङःखा च्‍यवःतोक्‌हाङः फेल्‌बाङ् ओङ्‌ह्‌ती ओउःसै लाइ चार्‌ चोङ्‌हाङः छुःती गम्ओ लावःलो लेखा साःताङ् क्‍लाःओ च्‍यवःआकान्।

खबरदुत 10:16

सुम् पल्‍तकायः उत स्‍याव्आ ओहाङःसैको सुम् पल्‍त स्‍याव्आक्‌ती ओउः लावःहाङः मुओ थोक्‌लम्‌कायः सबै त्‍यावःताङ् द्यान्‍ह्‌ती लनःओ खेःतो।

खबरदुत 7:57

ओउःत तोआक्‌तीको ओउःमयः सायःती मुओलम् सोतो हीह्‌ती लःलयःकायः नोलम् ल्‍होप्‌ती स्‍तीफन्‌कायः हुमःती चुम्‌लाङ् वाङ्आकाय्।

प्रकाश 11:19

ओहाङःसैको ओउःमयः दाय्‍ह्आक्‌तीको परमेस्‍वर्‌कोः लाङ्‌काहाङः मुओ मन्‍दीर्‌पाय् फोल्ओ खेःतो। फोल्आक्‌तीको ओउःकोः भीत्रहाङः तोती गम्ओ कुराकोः बकीस् च्‍यवःसाकायः छ्यान्‍ह्ओ खेःतो। ओहाङःसैको न्‍याम् प्‍लीङ्‌ह्‌ती मुक्ओकुस् ल्‍याङ्‌मा तोल्‌तोल्ओ वेर्‌मा वाङ्आ।

प्रकाश 19:11

ओहाङःसैको लाङ्‌का फोल्ओलेः च्‍यवःआलाङः। ओहाङः यात्‌ज्‍योः भाम्ओ घोरा मुओ खेःतो। ओउः घोरा लन्‍ह्ओचाक्‌पाय् “दोङ् ङ्‌हाम्‌सीःओ” त तोओ लेःआः। ओउःइपाय् पेतोलेः तय्‌छनःती योमानौ परमेस्‍वर्‌कोः बीरोत्‌लम्‌कुस् मीन्‍ह्‌काय्‌ती पेतोलेः क्‍लीमःमानौ।

प्रकाश 4:1

ओहाङःसैको ङाकायः ओउःत तोआक्‌तीको ङाइ फेरीलेः माङःखाहाङः योती त्‍यावःअ लाङ्‌काहाङः फोल्ओ धोका च्‍यवःआलाङः। ओहाङःसैको ङाइ ङ्‌हा सायःओ तुरहीलो लेखा सोतो हाव्‌नयः फेरीलेः दाय्‍ह्‌ती “लौ इहाङः त्‍यावःअ लन्‍ह्‌ती वाङ्अ ओहाङःसै ङाइ लोनेः स्‍याव्‌सा कुरा छ्यानःनेःनाङ्” त दाय्‍ह्‌ती तोआताङः।