खबरदुत 7:52 - चेपाङ52 परमेस्वर्कोः कुरा छ्यानःती तोओ मान्तालम्पाय् सुकायःमा नीङ्कोः आय्कानः तोकानःलम्इ आन रेव्तो जाङ्ह्ती गम्आथास। सुसुइलो ‘लौ लोन्ह्ते परमेस्वर्कोः कुरा पेओ जय्कुमःतो जाङ्ह्ओ ख्रीस् त तोसा वाङ्नाः’ त थोल्ह्ती तोआकानी ओउःकायःलेःमा नीङ्कोः आय्कानः तोकानःलम्इ सात्आकानी रैस। ओउःमयःलो लेखालेः नीङ्लम्इमा ओउः ख्रीस्कायः अरुलम्कःताङ् दाक्ती सात्ताक्तेःआकानी बा। အခန်းကိုကြည့်ပါ။ |
खबरदुत 7:52
32 ပူးပေါင်းရင်းမြစ်များ
ओउःत खेःया इ कुरा पेतो चीःती सायःनु दा। नीङ् इस्राएल्कोः मान्तालम्इ क्ल्याय्ओ सीङःहाङः सात्ओ नासरेत् गाव्सै वाङ्ओ येसुपाय् ओउःकायःलेः परमेस्वर्इ च्योक्ताक्आथै। ओउः येसु ख्रीस्कोः मय्ङ् पेह्ती झ्यान्ते इ ङ्हा क्ल्योय्बाङ् खेःओ मान्तापाय् द्याह् नीङ्कःहाङः पेतो सेलःलेः चीङ्ती मुनाः।
ओउःमयः येसु ख्रीस्कोः ग्वालामः दोःती “ओउः लोने वाङ्सा खेःओ चाक्पाय् लीह्सीःओ गोरःआक्तीको लोने आन पेतोमा तोङ्ह्तोलेः स्याव्लेःनाः” त दाय्ह्ती ङ्हासै येसु ख्रीस्कोः कुरा छ्यानःआकानी। ओउःच्युक्पाय् छ्यानःसापाय् छ्यानःनीतो ओउः बेलाहाङः गतलो दाङ्नाः गलखा वाङ्नाः त चीःसाकायः आन बोङःआकानी।
ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा।
ကြော်ငြာတွေ