खबरदुत 7:38 - चेपाङ38 इ मोसामा ङीकोः आय्कानः तोकानःकुस् याक्गार्सीःमालोहाङः मुती सीनाय् त तोओ बुम्हाङः दाह्तोक् बेलाहाङःपाय् ओउःकायःलेः यात्चाक् परमेस्वर्कोः लाङ्कामयःइ जीङःकोः कुरा स्यान्ती तोआथै। အခန်းကိုကြည့်ပါ။ |
खबरदुत 7:38
26 ပူးပေါင်းရင်းမြစ်များ
ओउः मोसाकायःपाय् ओउःकोः लयःकोः मान्तालम्इ ‘लौ ङीसै ताङ्ह्ओ हुकुम् बयःओ सुइतेः बयःतेःआ’ त त्यानःती दाय्ह्ती मोसाइ तोओ कुरा सायःसा ग्यामाःत तोथातो ओउःमयःकायः हुकुम् बयःसाकायःमा लीह्सीःओसै ल्हेस्ती दल्ताक्साकायःमा परमेस्वर्इ ओउः मोसालेः छ्युङ्ह्आकान् बा। छ्युङ्ह्आक्तीको इ काम् जाङ्ह्साकायः परमेस्वर्इ ओउः ल्युङ्ओ झ्युर्हाङः थाओ लाङ्कामयः मोसाकायः ल्होक्आथै।
ओउःमयःकायः परमेस्वर्इ छीङ्ह्ओ इस्राएल्कोः प्लोमःदाने मोमःदानेलेः खेःनै। ओउःमयःकायः परमेस्वर्इ लयःकोः चोःलम्लो लेखा जाङ्ह्ती लयःकोः पेओ ताङ्ह्ओ ग्वम् छ्यानःआथास। ओउःमयःकुस् परमेस्वर्इ होम्काय्ओ कुरा गम्ती ओउःकोः ऐन्मा बयःआथास मन्दीर्हाङः जवती जाङ्ह्सा कुरामा तोती गम्ओ कुरामा बयःआथास।
ओउःत खेःओ ऐन्पाय् दोह् हायःती बयःओ खेःतो दाय्ह्सा। ओउः ऐन्पाय् मान्ताकोः रेव्ओ काम्लम् तय्ह्ताक्साकायः बयःओआः। आब्राहाम्कोः तोती गम्ओ प्लोमःदाने वाङ्धाङ्माःखाहाङःकायः बयःओ खेःतो। फेरी ओउः ऐन्पाय् परमेस्वर्कोः लाङ्कासै ल्होक्ओमयःइ यात्चाक् मान्ताकायः तोती बयःआकान्। बयःआक्तीको ओउः ऐन् त्याक्ओ मान्ताइ अरुलम्कायः ल्हाक्ती तोआकान्।
परमेस्वर्कोः नोःराय्इपाय् जीङः नाःओलो लेखालेः आन जाङ्ह्सा खाय्नौ। व्हानःओ नाःसुयःइ ह्रुस् मायः तात्ती वेङ्काय्सा खाय्नौ ओउःसै न्हाङ्तोलेः परमेस्वर्कोः नोःराय्इ मान्ताकोः ल्हुङ्तुक् तात्ती पोक्सा खाय्नौ मान्ताकोः ल्हुङ्तुक्कोः झाक्ओ कुरामा म्हर्ओ कुरामा छीङ्गलःती योसा खाय्मानौ।
नीङ्कःहाङः यात्चाक्इ स्यान्ती तोओ स्यार्मे नाःओ त खेःया ओउःइपाय् परमेस्वर्कोः दोङ् कुरालेः चीःती तोपौ। अरुखेइ ङ्हाम्ओलम्कायः लव्ह्ती जाङ्ह्सा स्यार्मे नाःओ त खेःया ओउःपाय् परमेस्वर्कोः ग्वम् दोःतीलेः जाङ्ह्पौ ओहाङःसै इत हायःतीलेः प्रभु येसुकोः ङ्हाम्ओलम्इ दोह् खेःयाकायःमा परमेस्वर्कायः तोङ्ह्ताक्सा खाय्नानी। ओउः परमेस्वर्पाय् गलकायःमा ग्वम् नाःओमा तोङ्ह्ओमा मुलेःनाः बा। ओउःच्युक्लेः स्याव्पाः दै।
ကြော်ငြာတွေ