खबरदुत 7:35 - चेपाङ

³⁵ ओउः मोसाकायःपाय् ओउःकोः लयःकोः मान्‍तालम्इ ‘लौ ङीसै ताङ्‌ह्ओ हुकुम् बयःओ सुइतेः बयःतेःआ’ त त्‍यानःती दाय्‍ह्‌ती मोसाइ तोओ कुरा सायःसा ग्‍यामाःत तोथातो ओउःमयःकायः हुकुम् बयःसाकायःमा लीह्‌सीःओसै ल्‍हेस्‌ती दल्‌ताक्‌साकायःमा परमेस्‍वर्‌इ ओउः मोसालेः छ्युङ्‌ह्आकान् बा। छ्युङ्‌ह्आक्‌तीको इ काम् जाङ्‌ह्‌साकायः परमेस्‍वर्‌इ ओउः ल्‍युङ्ओ झ्‍युर्‌हाङः थाओ लाङ्‌कामयः मोसाकायः ल्‍होक्आथै।

खबरदुत 7:35 ပူးပေါင်းရင်းမြစ်များ

मर्‌कस् 12:26

फेरी सीआक्‌तीको उह्‌ती च्‍योक्ओ कुरापाय् परमेस्‍वर्‌कोः आखरःहाङः मुलेःनाः बा। मोसा त तोओ लेखओ कुरा नीङ्इ पह्रती चीःतेःनानी माःर। मोसापाय् झ्‍युर्‌राङ्‌हाङः ल्‍युङ्‌ह्‌ती मुतोक् बेलाहाङः परमेस्‍वर्‌इ ओउःकायः गोत्‌ती ‘लौ आब्राहाम् इसाक् याकुब्‌त तोओलम्‌कोः परमेस्‍वर्‌पाय् ङालेः मुनाङः’ त दाय्‍ह्‌ती तोआकान्। ओउःइ तोकानःलम्‌कोः परमेस्‍वर्‌लेः ‘खेःङोतो’ त तोउलु ओउःमयःकोः परमेस्‍वर्‌ ‘मुलेःनाङः’ त तोआकान्।

लुका 19:14

इत तोआक्‌तीको ओउः मन्‍तरीपाय् अरु देस्‌ताङ् आल्आकाय्। ओहाङः आल्‌ती मुतोक्‌हाङः ओउःकोः लयःकोः देस्‌कोः मान्‍तालम्इ ओउःकः ल्‍हुङ् मल्‍ह्‌तो स्‍याव्‌ती ‘लौ ओउःकः ङी झाक्‌तय्‍हीली। ओउःपाय् ङीकोः राजा स्‍याव्‌ताक्‌लाम्’ त दाय्‍ह्‌ती ओउः अरु लोक्‌तो देस्‌कोः ताङ्‌ह्ओ माहाराजाकायः दर्‌कास् ल्‍होक्‌नीतो

युहना 18:40

ओउःत तोतोक्‌हाङः “खेःल ओउःखेकायः फेलाम् बरबाखेकायः फेताङी” त दाय्‍ह्‌ती गोःआकानी। ओउः बरबा त तोओ दाकु खेःतो।

युहना 19:15

“ओउःकायः सात्‌लाङ् आलःउ ओउःकायः क्‍ल्‍याय्ओ सीङःहाङः सात्‌लाङ् आलःउ” त दाय्‍ह्‌ती आन गोःआकाय्। “नाङ्‌कोः राजाकायः सीङःहाङः सात्‌सा झाक्‌तेःनैया” त दाय्‍ह्‌ती पीलातस्इ व्‍हत्‌थासतो “ङीकोः राजापाय् यातैज्‍याङ् रोमी माहाराजा ह खेःनाः” त दाय्‍ह्‌ती ओउः ताङ्‌ह्ओ पुरोहीत्‌लम् त्‍याङ्आकाय्।

खबरदुत 2:36

ओउःत झ्‍यान्‍ते नीङ्इ क्‍ल्‍याय्ओ सीङःहाङः सात्‌ताक्ओ येसुकायः द्याह् परमेस्‍वर्‌इ प्रभु ख्रीस् त तोती जाङ्‌ह्‌ती गम्आकान्। लौ इ कुरा नीङ् इस्राएल्‌कोः मान्‍तालम्इ पेतोलेः चीःतेःपानी” त दाय्‍ह्‌ती ओउः हुम्‌ती सायःलाङ् वाङ्ओ मान्‍तालम्‌कायः पत्रुस्इ छ्यानःती तोआथास।

खबरदुत 3:22

मोसा त तोओखेइ इत तोलेःआकान् ‘लौ लोन्‍ह्‌तेहाङः परमेस्‍वर्‌इ यात्‌चाक् ङालो लेखा परमेस्‍वर्‌कोः कुरा छ्यानःओ मान्‍ताकायः नीङ्‌कःसै छ्युङ्‌ह्‌ती गम्‌नाःथै। ओउः मान्‍ता मुतोक् बेलाहाङः ओउःइ दोह् दोह्‌त नोःती तोतेःनै ओउःलेः सायःती जाङ्‌ह्‌सा खेःतेःनै।

खबरदुत 5:31

च्‍योक्‌ताक्आक्‌तीको ओउःकायः लयःकोः ङोय्‌दोहाङः च्‍युङःताक्‌ती सबै स्‍यालःसाकायःमा दल्‌ताक्‌साकायःमा ओउः येसुलेः जाङ्‌ह्‌ती गम्आकान्। ओउःत झ्‍यान्‍ते इस्राएल्‌कोः मान्‍तालम् लयःकोः रेव्ओ काम्‌लम् फेती परमेस्‍वर्‌कोः कुराकः ल्‍हुङ् द्यान्‍ह्‌ती ग्‍याती ओउःमयःकोः रेव्‌झ्‍याङ्‌कोः क्‍युम्‍ह्‌सा दोःनै।

खबरदुत 7:30

मीद्यान् देस्‌ताङ् मोसा नीस् गोय्‌चोःचोः दोःताङःआ ओहाङःसैको अरु चालीस् बर्‌स पुत्आक्‌तीको मोसा सीनाय् त तोओ बुम्‌कोः याक्‌गार्‌सीःमालो बेलाङ्‌हाङः मुओ खेःतो। ओहाङः मुतोक्‌हाङः यात्‌ज्‍योः म्‍हेः ल्‍युङ्ओ झ्‍युर्‌हाङः यात्‌चाक् लाङ्‌काकोः ल्‍होक्ओमयः थाओ च्‍यवःआकान्।

खबरदुत 7:51

ओउःत खेःओ नीङ्‌लम्इ गुच्‍युक् तोतीमा चीःतेःनीली ङ्‌हाम्‌तेःनीली। ओउःत हायःती झ्‍यान्‍ते नीङ्‌लम् परमेस्‍वर्‌कायः जुगाङ् चीःमालो मान्‍तालम्‌लो लेखा मुतेःनै बा। लयःकोः आय्‌कानः तोकानःलम्‌लो लेखालेः नीङ्इ परमेस्‍वर्‌कोः ग्‍वालामःइ तोओ कुरा सायःसा ग्‍यातेःइली।

कोलसी 1:15

ओउः ख्रीस्इपाय् ओउः च्‍यवःसा खाय्‌मालो परमेस्‍वर्‌लेः “गतलो खेःनाः” त छ्यानःनौ फेरी ओउः ख्रीस्‌पाय् सबैसै ङ्‌हा मुओआः सबैसै पुःलेःनाः।

हेब्रैनी 2:2

दोह् हायःती दाय्‍ह्‌सा ओउः लाङ्‌काकोः ल्‍होक्ओमयःइ तोती बयःओ कुरापाय् दोङ् सायःसा खेःओ कुरा खेःतो। सुसुइ ओउः कुरा सायःसा ग्‍यामाःत झ्‍यान्‍ते जाङ्‌ह्‌नीली ओउःपाय् लोने न्‍युम्‍ह्‌तोलेः स्‍याव्‌नै।

प्रकाश 15:3

ओउःमयःपाय् परमेस्‍वर्‌कोः काम् जाङ्‌ह्ओ मोसाकोः गीत्‌मा ओउः भेदाकोः चोःकोः गीत्‌मा मेधै मुइतो “लौ नाङ् ग्‍वम् नाःओ प्रभु परमेस्‍वर्‌य नाङ्इ जाङ्‌ह्ओ काम्‌लम् आन ताङ्‌ह्ओ लेःआः आन ग्‍याङ्‌ह्‌सीःओ लेःआः बा। सबै जात्‌लम्‌कोः राजा मुलेःतेःनाः। नाङ् गलकायःमा दोङ् पेतोलेः हायःतेःनौ।