खबरदुत 6:9 - चेपाङ9 ओहाङःसैको यात्नीस् लीबर्तीन् त तोओलम्मा अरु क्युरीनी देस्कोः मान्तालम्मा आलेक्जान्द्रीया देस्कोःमा सीलीसीया असीया देस्कोः मान्तालम्मा स्तीफन्कुस् आन काय्काय्सा तानःकाय्ती नोःनीतो အခန်းကိုကြည့်ပါ။ |
लौ ङाइ नीङ्कःहाङः परमेस्वर्कोः कुरा छ्यानःओमयःमा व्हाय्तो चीःओलम्मा स्यान्ओलम्मा ल्होक्नेःनाङ्सु ओउःमयःकायः नीङ्इ सात्तेःनानी यात्नीस्कायः क्ल्याय्ओ सीङःहाङःतेः योकोःती सात्तेःनानी। अरुलम्कायः नीङ्इ थनःओ कीम्हाङः लाइ स्राप्तेःनानी अरुकायः सहर् सहर्सै नीङ्इ रुनःती ल्होक्तेःनानी।
लौ नीङ् लःलयःकायः धय्ती मुन लोनेः अरुइ ताङ्ह्ओ मान्तालम्कःहाङः लात्ती दाक्तेःनै ‘लौ इपाय् ख्रीस्कोः मान्ता लेःआः’ त दाय्ह्ती नीङ्कायः गाल्तुम्ती नोःनाः। फेरी थनःओ कीम्हाङः नीङ्कायः घान्तेःनै। नीङ्कायः राजाकःताङ्मा दाक्ती वानःतेःनै ओउःमयःकायःमा ङाकोः पेओ कुरा नीङ्इ छ्यानःती तोसा दोःतेःनै।
इत स्याव्ओ बेलाहाङःकोः ङ्हासै नीङ्कायः मान्तालम्इ चुम्ती पानःती पेमालो हायःतेःनै बा। नीङ्कायःपाय् थनःओ कीम्लम्हाङः गाल्तुम्आक्तीको झ्याल्खानहाङः कासाकायः ओउःमयःइ लात्ती दाक्तेःनै। ‘लौ इपाय् ख्रीस्कोः मान्तालेः’ त दाय्ह्ती नीङ्कायः गाल्तुम्ती नोःती नीङ्कायःपाय् राजाकःताङ्मा अन्चलादीस्लम्कःताङ्मा दाक्ती वानःतेःनै।
ओहाङःसैको अन्तीयोक् सहर्कोः येसुकोः ङ्हाम्ओलम्हाङः पास्जन लोन्ते स्याव्सा कुरा छ्यानःसा चीःओमा स्यान्ओ मान्ता खेःइतो। यात्ज्योःखे बर्नाबास् त तोओ खेःतो। यात्ज्योःखे गाल्ओ सीमोन् त मय्ङ्ओ खेःतो। यात्चाक्खे क्युरीनी देस्सै वाङ्ओ लुसीयस् त तोओ खेःतो। यात्चाक्खे मनएन् त तोओ ओउःलेः हेरोद् राजाकोः दर्बाल्हाङः स्यास्ओ खेःतो। यात्ज्योः अरुखे तार्सुस् सहर्सै वाङ्ओ सावुल् खेःतो।
ओहाङःसैको ओउःइ तोओ सात् दीन् पुत्खेःओहाङः यात्नीस् असीया देस्सै वाङ्ओ पावुल्कायः तय्ह्ओ यहुदीलम् यरुसालेम्ताङ् दाह्ती वाङ्आकाय्। यहुदीयाकोः मन्दीर्हाङः पावुल्मा ओउः चार्जनमा पोक्ती मुओ च्यवःती ओउःमयः हुम्ती आन हीह्ती गोःआकाय् “अ इस्राएल्कोः मान्तालम् रेन्ह्तोलेः वाङ्न दा। इ मान्तापाय् गाःहाङःमा सबै मान्तालम्कायः ङीकोः यहुदीइ जवओ कुरा ‘जाङ्ह्लाम्’ त स्यान्ती तोलेःनौ। ङीकोः मन्दीर्हाङः ङीकोः जात् खेःमालो मान्ता पोस्ती मन्दीर्कायः क्रीसीःओ जाङ्ह्ताक्आकान्” त दाय्ह्ती सोतो गोःआकाय्।
ओहाङःसैको पावुल् फेरीलेः नोःती “लौ ङापाय् सीलीसीया जील्लाकोः तार्सुस् सहर्हाङः ओत्ओ यहुदी मान्ता लेःआः ङ। लोन्ते इ यरुसालेम् सहर्ताङ् वाङ्ती ङाइ गामालीएल् त तोओ मास्तर्कःहाङः ङीकोः आय्कानः तोकानःइ जवओ ऐन् पेतो स्यान्आलाङःस। नीङ्लो लेखा ङाइ परमेस्वर्कोः कुरा जाङ्ह्ओ आन पेतोलेः झाक्ती जाङ्ह्आलाङः।
वाङ्आक्तीको मन्दीर्हाङः जय्लनःती जाङ्ह्ती खाय्तोक्हाङः यात्नीस् असीया देस्सै वाङ्ओ यहुदीलम्इ ङाकायः तय्ह्ती च्यवःआताङः। ङाकायः च्यवःओ बेलाहाङः ङाइ ङैताक्ती हुम्ओ मान्तालम् ङाकुस् सुमा नाःआक्इली। फेरी च्यवःतोक्हाङः यात्नीस् असीयासै वाङ्ओ यहुदीलम्इ मुओ खेःइतो ओउः मान्तालम्इ ङाकायः गाल्तुम्ती नोःसा खाय्नानी त खेःया इहाङः वानःसा खेःइतो।