खबरदुत 6:14 - चेपाङ14 इ मन्दीर्कायः ‘नासरेत् गाव्कोः येसु त तोओइ लोन्ह्ते ह्र्योङःती वाय्नौ’ त ओउःइ तोओमा सायःआलाङःसु ‘मोसाइ ङीकोः तोकानःलम्कायः बयःओ हुकुम्लम्कायः येसुइ “इ वाय्पाः” त दाय्ह्ती नया ऐन् बयःनौ’ त स्यान्ती तोओमा ङीइ सायःआलाङःसु” त दाय्ह्ती ओउःमयःइ स्याक्गाल् तुम्ती तोआकानी। အခန်းကိုကြည့်ပါ။ |
खबरदुत 6:14
33 ပူးပေါင်းရင်းမြစ်များ
लदाय् जाङ्ह्तोक्हाङः इ यहुदीया देस्कोः मान्तालम्कायः अरुइ आन सात्नाःथास अरुलम्कायः चुम्ती पानःती नोकरी काम् जाङ्ह्साकायः लोक्तो देस् देस्लम्ताङ् लात्ती आलःनाःथास। यरुसालेम् सहर्कायः यहुदी खेःमालो मान्तालम्इ क्लीमःती ग्रक्नानी। ओउःमयःकोः बेला द्युम्धाङ्माःच्युक्कायः ओउः यहुदी खेःमालो मान्तालम् नाःतो दीन्कायः यरुसालेम्हाङः एत हायःती मुलेःनाः बा।
ओउःनीस् अन्तीयोक् सहर्हाङः मुतोक्हाङः यहुदीया देस्सै यात्नीस् मान्तालम् वाङ्ती अरु कुरा स्यान्आकानी “मोसाइ जवती तोओ तात्सा चीन्ह त्याक्धाङ्मालो मान्तालम्कायः परमेस्वर्इ बयःओ नया जीङः दोःथासल” त दाय्ह्ती ओउः यहुदीयासै वाङ्ओलम्इ अरु येसुकोः कुरा तोहालेः ङ्हाम्ओ मान्तालम्कायः स्यान्ती तोखयःआकानी।
ओउःमयःखेइ मोसाकोः ऐन् म्ह्याङ्ती जाङ्ह्नानी नाङ्खेकायःपाय् ‘पावुल्इ अरु जात्कुस् ल्याव्ह्ती याक्ओ यहुदीलम्कायः “मोसाइ बयःओ ऐन्कोः हुकुम्मा चीन्हमा ङी यहुदीलम्इ जवओ कुरामा सबै जाङ्ह्सा परल” त दाय्ह्ती स्यान्लेःनौ’ ओउःत ल्हाक्ती तोओ कुरा इहाङःकोः येसुकायः ङ्हाम्ओ यहुदीलम्इ सायःआकानी।
ओहाङःसैको दाह्आक्तीको सुम्दीन् पुत्ओहाङः ओउः रोम् सहर्हाङः मुओ ताङ्ह्ओ यहुदीलम्कायः पावुल्इ गोत्आकान्। ओउःमयः गोत्ती हुम्आक्तीको “लौ पुःचोङ् हौचोङ्य ङी यहुदी जात्कोः आय्कानः तोकानःइ जवओ ऐन्लम् छ्यात्लम् ङाइ दोह्मा बीक्रताक्माःत मुङोतो यरुसालेम्कोः मान्तालम्इ ङाकायः चुम्ती पानःती रोमी मान्तालम्कायः दाक्ती ल्हाआताङः।
ओउःत खेःओ ऐन्पाय् दोह् हायःती बयःओ खेःतो दाय्ह्सा। ओउः ऐन्पाय् मान्ताकोः रेव्ओ काम्लम् तय्ह्ताक्साकायः बयःओआः। आब्राहाम्कोः तोती गम्ओ प्लोमःदाने वाङ्धाङ्माःखाहाङःकायः बयःओ खेःतो। फेरी ओउः ऐन्पाय् परमेस्वर्कोः लाङ्कासै ल्होक्ओमयःइ यात्चाक् मान्ताकायः तोती बयःआकान्। बयःआक्तीको ओउः ऐन् त्याक्ओ मान्ताइ अरुलम्कायः ल्हाक्ती तोआकान्।
ကြော်ငြာတွေ