लौ नीङ् धर्मा स्यान्ओमयःमा फरीसीलम्मा लोनेतेः आन न्युम्ह्तोतेः स्याव्तेःनै बा। दोह् हायःती दाय्ह्सा नीङ्इ ब्रेह्ओ लेइ नोःती दाय्ह्तेःनै नीङ्इ परमेस्वर्कोः राजीहाङः आल्सा ल्याम् जुगाङ् पाङ्गती अरु राजीहाङः मुसा बोङःओलम्कायःमा नीङ्इ पोक्सा ताक्तेःनीली नीङ् लयःमा पोक्ती मुसा ग्यातेःइली।
खबरदुत 6:1 - चेपाङ1 ओहाङःसैको ओउःतोक् बेलाहाङः येसुकोः कुरा ङ्हाम्ओ मान्तालम्कःताङ् अरुलम् न्हाङ्तोलेः त्योम्ती वाङ्ती नाःतो स्याव्आकाय्। ओहाङःसैको ह्र्यात् मान्तालम्कायःमा बुधा सीओ मोमःचोःलम्कायःमा दीन्का दीन् जेःगालम् वेःती बयःओ खेःतो। ओउः जेःगा वेःती बयःओ बेलाहाङःलम् “लौ ओउः यहुदी मोमःचोःलम्खेकायः भोरःती बयःनाःथास ङी एलेनीकोः मोमःचोःलम्खेकायः य्हुर्ती बयःनाःथास” त दाय्ह्तीताङः ओउः एलेनी भासा नोःओलम् यव्ह्ती त्याङ्आकाय्। အခန်းကိုကြည့်ပါ။ |
खबरदुत 6:1
38 ပူးပေါင်းရင်းမြစ်များ
सावुल्कायः बोङःती क्रुस्आक्तीको ओउःकायः बर्नाबास्इ अन्तीयोक्ताङ् वानःआथै। ओहाङः ओउः नीस्चाक्इ अन्तीयोक्कोः ङ्हाम्ओलम्कुस् यात् बर्सच्युक्कायः याक्ती नाःतो मान्ताकायः स्यान्आथास। फेरी इ अन्तीयोक् सहर्हाङः अरु थाव्कोः ङ्हासैलेः येसु ख्रीस्कायः ङ्हाम्ओमयःकायः “ख्रीस्त्यान्” त मय्ङ्आथास।
दाक्आक्तीको “लौ नीङ्कायःपाय् ‘इ येसुकोः कुरा गलमा तोलाम्’ त दाय्ह्ती ङीइ गानाक्ती तोनेःनाङ्सतो नीङ्इजा यरुसालेम्कोः मान्तालम् सबैकायः छालःती छ्यानःतेःआकानी रैस ‘लौ ओउः ताङ्ह्ओ पुरोहीत्लम्इ येसुकायः सात्ताक्आकानी’ त दाय्ह्तीतेः ङीकायः गाल् बयःती तोतेःनानी बा” त दाय्ह्ती ओउः ताङ्ह्ओ पुरोहीत्लम्इ येसुकोः छ्युङ्ह्ओमयःकायः जान्ती तोथासतो
ओउः नीस्चाक् ल्होक्आक्तीको ओउःकोः ल्हाक्राय् सायःती पत्रुस्पाय् ओउः नीस्चाक्कुस् जोपा सहर्ताङ् आल्आकाय्। पत्रुस्पाय् आल्ती ओउः तबीथा मुओ कोथाहाङः दाह्ती पोक्आ। पोक्ती वाङ्आक्तीको सबै ह्र्यात् मोमःचोःलम् पत्रुस्कःताङ् र्याःती क्रेस्लाङ् हुम्ती “लौ इ नाय्जा इ सीओ तबीथाइ जाङ्ह्ती बयःआबत्ताङः बा” त दाय्ह्ती सबै तबीथाइ जाङ्ह्ओ नाय्लम् थोक्लम् ओउःकायः छ्यानःथातो ओउः मोमःचोःलम्कायः पत्रुस्इ बाहीरताङ् ल्होक्आथास।
ကြော်ငြာတွေ