लौ द्याह् नाङ्कायः परमेस्वर्इ न्युम्ह्ताक्तेःनाः। नाङ्कोः मीक्पाय् नाःतो दीन्कायः राक्ताक्लेःनाः थोङ्ओमा च्यवःतेःउलु” त दाय्ह्ती सावुल्इ एलीमस्कायः तोआथै। सावुल् त तोओकोः अरु मय्ङ् पावुल् खेःतो। ओहाङःसैको एत तोओ कुस्ब्रक्त बार्येसुकोः मीक् गाल्तो च्याक्धबलप्त स्याव्माआ ओउःपाय् साम्भार्ती याम्भार्ती वाह्ती क्रुत् ज्योती लात्सा मान्ताकायः बोङःआकान्।
खबरदुत 5:5 - चेपाङ5 ओहाङःसैको एत जान्ओ कुरा सायःओ कुस्ब्रक्त हननायापाय् कोन्ह्ती सीआ। सीआक्तीको सबै इ कुरा सायःओ मान्तालम् आन रैआकाय्। အခန်းကိုကြည့်ပါ။ |
खबरदुत 5:5
26 ပူးပေါင်းရင်းမြစ်များ
ओउःत झ्यान्ते ङा नीङ्कुस् मुधाङ्मालो बेलाहाङः इ कुरा तोती लेखनेःनाङ्स दोह् हायःती दाय्ह्सा नीङ्कुस् मुतोक्हाङः इतलेः खह्र्तो तोसामा जाङ्ह्सामा परङल खह्र्तो तोयाकायःपाय् ङाइ पेमालो स्याव्ताक्नेःनाङ्स यादो। ओउःत हायःओ स्याव्ल। नीङ्कायः पेतो स्याव्ताक्सा काम् जाङ्ह्साकायः ह प्रभुइ ग्वम् बयःआक्तीको ल्होक्आताङः नीङ्कायः पेमालो स्याव्ताक्साकायः खेःल।
नीङ्कोः लीह्सीःओ परमेस्वर्कःसै दोःओआः बा। लीह्आक्तीको परमेस्वर्कोः काम् जाङ्ह्साकायः नीङ् गुच्युक् म्ह्युङ्तीलेः ग्यातेःआकाय्। “ङीइ पेतोलेः हायःआलाङःसु” त दाय्ह्ती छ्यानःसाकायः नीङ् द्याह् आन झाक्तेःनै। ओउः पेमालो जाङ्ह्ओचाक्कः गुच्युक्तेः ल्हुङ् अह्र्सीःतो स्याव्तेःआकाय् गुच्युक्तेः ल्हुङ् रुःतेःआकाय् अरुकायः पेतो राप्ती ओउः काम् पेतो जाङ्ह्साकायः गुच्युक्तेः झाक्तेःआकाय्। माः है एत हायःती नीङ्कोः ल्हुङ् पेतो लेःआः त फानःती छ्यानःतेःआकानी।
ကြော်ငြာတွေ