खबरदुत 5:33 - चेपाङ

^33-34 एत सायःआक्‌तीको ओउः सभाहाङः हुम्ओ मान्‍तालम्इ आन ल्‍हुङ् मल्‍ह्‌तो स्‍याव्‌ती “लौ इमयःपाय् सात्‌साआः” त नोःकाय्इतो ओउःमयःकःहाङः यात्‌चाक् गामालीएल् त तोओ फरीसी चीङ्आ। गामालीएल् त तोओइ आन कुरा चीःती व्‍हाय्‌तोलेः नोःउतो ओउःइ तोओ कुरा सबैइ सायःसा ग्‍याओ खेःतो। इ गामालीएल्‌पाय् चीङ्‌ती “लौ इमयः ङा तोती मुतोक्‌हाङः बाहीरताङ् क्‍लाःआक्‌पाःथास” त दाय्‍ह्‌ती ओउः छ्युङ्‌ह्ओमयःकायः बाहीरताङ् क्‍लाःती आलःआकानी।

खबरदुत 5:33 ပူးပေါင်းရင်းမြစ်များ

मत्ती 1:19

मरीयम्इपाय् “अरु सुलाङःकोः चोः लात्‌नौ” त चीःती युसेफ्‌पाय् गलमा पेतो हायःसा बोङःती “ओउःकः अरुलम् अह्र्ताक्‌सा परल” त म्‍हर्‌ती झ्‍यान्‍ते अरु मान्‍तालम्‌कायः चीःताक्‌मामाःत “लौ मरीयम्‌कायः फेनाङः” त दाय्‍ह्‌ती म्‍हर्‌आ

मत्ती 10:21

ओहाङःसैको लोनेः मान्‍ताइपाय् लयःकोः पुःचोङ्‌कायः लयःकोः चोःकायः सात्‌साकायः दाक्‌नानी चोःइपाय् लयःकोः आमा आपाकः अह्र्ती झ्‍यान्‍ते ओउःमयःकायः सात्‌सा बोङःनानी

मत्ती 10:25

स्‍यान्ओ मान्‍तापाय् लयःकोः गुरुकुस् घार्‌तोलेः चीःसा ह स्‍याव्‌लेःनाः। काम् जाङ्‌ह्ओ मान्‍तापाय् लयःकोः मालीक्‌कुस् घार्‌तीमा ओउः ह ङोस्आनाः। दोङ्‌सीलेः मान्‍तालम्इ ङा नीङ्‌कोः गुरुकायःपाय् ‘लान्‌कोः राजा लेःआः’ त दाय्‍ह्‌ती तोनाःताङः ओउःत खेःया नीङ् ङाकुस् स्‍यान्ओमयःकायःमा न्‍हाङ्‌तोलेः रेव्‌तो तोतेःनै बा।

मत्ती 24:9

लोने अरुलम्इ नीङ्‌कायः पानःती लीह्‌ताक्‌साकायः दाक्‌तेःनै कोय्‌कायः सात्‌तेःनै। ‘लौ ओउःलम्इ येसुकायः ङ्‌हाम्‌नानी’ त दाय्‍ह्‌ती सबै जात्‌कोः मान्‍तालम् नीङ्‌कः ल्‍हुङ् मल्‍ह्‌तो स्‍याव्‌नै।

लुका 20:19

ओउःत तोओ सायःआक्‌तीको “इ वीनःराय् तोती ङीकायः पेमालो तोआतय्‍ही” त दाय्‍ह्‌ती नोःकाय्‌ती ओउः बेलाहाङः ओउः धर्‌मा स्‍यान्ओमयःमा ताङ्‌ह्ओ पुरोहीत्‌लम्इमा येसुकायः चुम्‌सा बोङःनीतो ओहाङः हुम्‌ती मुओ मान्‍तालम्‌कः रैती झ्‍यान्‍ते येसु मन्‍दीर्‌हाङः स्‍यान्‌ती मुतोक्‌हाङः ओउःकायः चुम्‌सा दोःइली।

लुका 6:11

इत हायःती “येसुइ क्‍लीमःआतय्‍ही” त चीःती ओउः फरीसीलम् आन ल्‍हुङ् मल्‍ह्‌ती “इ येसुकायः गत हायःती सात्‌ती वाय्‌चाःतय्‍ह्‌नी” त दाय्‍ह्‌ती लयःमयःकुस् नोःकाय्आकाय्।

युहना 15:20

ङाइ ङ्‌हा तोओलेः गीलतेःनानी। मालीक्‌सै नोकरी ताङ्‌ह्ओ खेःल ओउःत झ्‍यान्‍ते ङाकायःपाय् मान्‍तालम्इ लीह्‌सीःओ बयःनाःताङः त खेःया नीङ्‌कायःमा ओउःतलेः लीह्‌सीःओ बयःतेःनै। फेरी ङाकोः तोओ कुरा ओउःमयः ग्‍यानै त खेःया नीङ्‌कोः कुराकः ग्‍यानै।

युहना 16:2

लोने यहुदीकोः थनःओ कीम्‌सै क्‍लाःतेःनै। माः रैस नीङ्‌कायःपाय् मान्‍तालम्इ ‘लौ ङाइ परमेस्‍वर्‌कोः काम् जाङ्‌ह्‌नाङः’ त दाय्‍ह्‌ती लोने सात्‌तेःनै बा

खबरदुत 2:37

एत तोआक्‌तीको ओउः सायःओ मान्‍तालम् ल्‍हुङ् क्‍लय्‍ह्‌तो स्‍याव्आकाय्। ल्‍हुङ् क्‍लय्‍ह्‌तो स्‍याव्‌ती “लौ ङीइ दोह् हायःचाङःसु” त पत्रुस् साथीचोङ्‌कायः ओउः सायःओ मान्‍तालम्इ व्‍हत्आथास।

खबरदुत 22:22

ओहाङःसैको इच्‍युक्‌कायः ओउः यहुदीकोः हुम्ओ मान्‍तालम्इ पेतो ङैमाःत सायःती मुइतो “यहुदी खेःमालो जात्‌लम्‌कायः ल्‍होक्‌नेःनाङ्” त तोओ सायःओ कुस्‌ब्रक्‌त ओउःमयः लती ल्‍हुङ् मल्‍ह्‌ती हीह्आकाय् “इकायः सात्‌ती वाय्‌पाःथै। सात्‌साआः खेःतो। इपाय् सेलः मुसा स्‍याव्‌नाः जुगु” त दाय्‍ह्‌ती गोःआकाय्।

खबरदुत 7:54

एत तोओ सायःआक्‌तीको ओउः हुम्‌ती मुओलम् ल्‍हुङ् आन मल्‍ह्‌ती च्‍योय्‌त सय्‍क् ङ्‌हीक्‌ती रीस् वाङ्आकाय्।

खबरदुत 9:23

ओउःमयःइ त्‍यानःसा खाय्‌नीली ओहाङःसैको नाःतो दीन् पुत्आक्‌तीको ओउः यहुदीलम्इ हुम्‌काय्‌ती सावुल्‌कायः सात्‌सा बोङःनीतो