खबरदुत 5:2 - चेपाङ

² वीनःआक्‌तीको हननाया त तोओइ ओउः राङ्‌कोः मोल् पैसा वेःती आधाखे लयःकायः गम्‌ती आधाखे येसुकोः छ्युङ्‌ह्ओमयःकायः ल्‍हालाङ् वानःती “लौ इपाय् ङाकोः वीनःओ राङ्‌कोः मोल् पैसा इच्‍युक् लेःआः बा” त दाय्‍ह्‌ती माःती बयःआकान्। एत माःती जाङ्‌ह्ओ ओउःकोः बुधीइमा चीःआकान्।

खबरदुत 5:2 ပူးပေါင်းရင်းမြစ်များ

मत्ती 23:5

ओउःमयःइ हायःओ कुरालम् अरुइ योसाकायः ह सबै जाङ्‌ह्‌नानी। ओउःमयःइपाय् आन घोक्‌तोमा पेओ दोर गम्ओ झुह्र्नाय् लावनाःइसी लयःकोः नेह्‌रो ओर्‌ताक्‌सा थेङा।

युहना 12:6

ह्र्यात्‌कायः योनःती तोउलु लयःकोः ल्‍हुङ् कुःरेव् खेःतो त झ्‍यान्‍ते तोआकान्। ओउःइ सबैकोः पैसाकोः थैलो लात्ओ खेःतो ओउः थैलोसै पैसा कुःझुङ्उतो ओउःत खेःओ मरीयम्‌कायः जान्आथै।

खबरदुत 2:44

फेरी ओउः येसुकोः कुरा ङ्‌हाम्ओ मान्‍तालम् आन हुम्‌ती ब्राङ्‌ती वाह्आकाय्। मान्‍ता मान्‍ताकोः माल्‌ताल् चीस्‌लम् सबैकायः स्‍याव्ओ खेःतो।

खबरदुत 5:1

फेरी अरु नीस् पय्‍क्‌चाः हननाया सफीरा त तोओनीस्इ यात्‌ज्‍योः राङ् वीनःआकाचु।

खबरदुत 5:3

ओहाङःसैको ओउः पैसा पत्रुस्‌कायः ल्‍हाती माःती बयःतोक्‌हाङः “अ हननायाय दोह् हायःतीतेः इ सैतान्इ ल्‍हुङ् धुय्‌ती होम्‌ती नोःओ कुरा सायःती नाङ्इ परमेस्‍वर्‌कोः ग्‍वालामःकायः माःती तोती एतलेः मोल् पैसा तात्‌ती बयःतेःआकान्।

खबरदुत 5:8

पोक्आक्‌तीको हननायाकोः बुधीकायः “लौ नीङ्‌जीइ वीनःओ राङ्‌कोः मोल् पैसा इच्‍युक्‌लेः खेःतोया खेःलया” त दाय्‍ह्‌ती पत्रुस्इ व्‍हत्‌थातो “माः ओउःच्‍युक् लेःआः” त दाय्‍ह्‌ती ओउः मोमःचोः माःती त्‍याङ्आ।

फीलीपी 2:3

दोह् खेःयामा अरुकः लती लयःकायः ताङ्‌ह्‌ताक्‌ती जाङ्‌ह्‌तेःचानी। मीओ ल्‍हुङ् स्‍याव्‌ती अरुलम्‌कायः “ङासै ताङ्‌ह्ओ लेःआः” त म्‍हर्‌न।

१ तीमोथी 6:10

दोह् हायःती दाय्‍ह्‌सा पैसा क्‍युसा मोह्‌हाय्ओपाय् सबैकोः रेव्ओकोः जादरः लेःआः। यात्‌नीस्‌चाक्‌खेइ ओउःत क्‍युसा बोङःआकानी त झ्‍यान्‍ते पेतो ङ्‌हाम्ओ फेती आन लीह्‌सीःओ स्‍याव्‌ताक्आकायःइसी।