खबरदुत 5:17 - चेपाङ17 ओहाङःसैको इ कुरा सायःआक्तीको ओउः प्रधान् पुरोहीत्मा ओउःकुस् वाह्ओ सादुकीमयः त तोओ मान्तालम्मा ल्हुङ् मल्ह्तो चोरःतो स्याव्आकाय्। အခန်းကိုကြည့်ပါ။ |
खबरदुत 5:17
24 ပူးပေါင်းရင်းမြစ်များ
ओहाङःसै ओउःकःताङ् नाःतो फरीसीलम्मा सादुकी त तोओलम्मा वाङ्आकाय्। युहनाइ ओउःमयः वाङ्ओ च्यवःती “लौ नीङ् कुयः युक्कोः चोःलेःतेः खेःतेःनै। नीङ्पाय् इहाङः वाङ्ती ‘रेव्ओ काम् जाङ्ह्झ्याङ्कोः न्युम्ह्ताक्ओसै दल्सा दोःलेःनाः’ त म्हर्तेःनै यादो। इत हायःसा सुइ तोतेःआकाय्। परमेस्वर्इ न्युम्ह्ताक्ओसै नीङ् गत हायःती क्रव्सा खाय्तेःनानी र।
ओहाङःसैको “नाःतो मान्ता येसुकोः कुरा ङ्हाम्ती पावुल् नीस्साथीचाःकुस् वाह्ती मुओ” त च्यवःती अरु यहुदी मान्तालम्खे ल्हुङ्हाङः लआकाय्। ओउःमयः लती सहर्कोः पेमालो मान्तालम् हुम्लाङ् वानःती ओउः हुम्ओ मान्तालम्कायः थ्योन्ह्ती नोःकाय्आकाय् ओहाङःसैको ओउः पेमालो मान्तालम्इ सहर्कोः मान्तालम्कायः सबै पावुल् बर्नाबास्कः ल्हुङ् मल्ह्ताक्आथास। ल्हुङ् मल्ह्आक्तीको ओउः सहर्कोः मान्तालम्पाय् इताङ् उःताङ् वाह्ती यात्चाक् येसुकायः ङ्हाम्ओ मान्ता जासोन् त तोओकोः कीम्ताङ् दाह्ती पावुल्नीस् साथीचाःकायः बोङःलाङ् पोक्आकाय्। बोङःतोक्हाङः “ओउःनीस्कायः चुम्ती सबै मान्तालम्कःताङ् वानःनी” त म्हर्ती बोङःनीतो ओउःनीस्कायः च्यवःनीली।
ओहाङःसैको ओउः बारजन पुःचोङ्लम् लयःकोः युसेफ् त तोओ हौकः चोरःती झ्यान्ते ओउःकायः मीस्रा त तोओ देस्ताङ् वीनःती ल्होक्आथै। नोकरी काम् जाङ्ह्ताक्साकायः वीनःलाङ् ल्होक्थातो युसेफ्कायः परमेस्वर्इ ओम्पायःती गम्ती ओउःकायः लीह्ओसै दल्ताक्आथै। आने परमेस्वर्कःसै पेओ व्हाय्ओ ल्हुङ् दोःती झ्यान्ते युसेफ्इ ओउः मीस्रा देस्कोः फारोह् राजाकायः आन म्रोताक्आथै। फारोह् राजापाय् एत म्रोतो स्याव्ती ओउःइ युसेफ्कायः मीस्रा देस्कोः प्रधान् मन्तरीमा गम्माआकान् लयःकोः दर्बाल् कीम्कोः मालीक्मा गम्माआकान्।
ကြော်ငြာတွေ