खबरदुत 5:15 - चेपाङ

¹⁵ ओहाङःसै “येसुकोः छ्युङ्‌ह्ओमयः ग्‍याङ्‌ह्‌राय् जाङ्‌ह्‌नानी” त चीःती जीक्ओ जीक्ओलम् लात्‌ती वानःती पत्रुस् वाह्ओ ल्‍याम्‌हाङः लावः न्‍हाप्‌ती खात्‌गन इस्‌ती “लौ इ जीक्ओलम्‌कःहाङः पत्रुस्‌कोः क्‍वालाङः खेःपाःथास ओहाङःसै इमयः स्‍याक्‌पै” त म्‍हर्‌ती ओउः जीक्ओलम् ल्‍याम्‌हाङः ल्‍हाती गम्आथास।

खबरदुत 5:15 ပူးပေါင်းရင်းမြစ်များ

मत्ती 14:36

वानःआक्‌तीको “लौ इ जीक्ओलम्इ नाङ्‌कोः नाय्‌कोः दोर ह दीन्‍ह्‌पानी ओहाङःसै सेलः स्‍याव्‌नै” त दाय्‍ह्‌ती तेइतो सुसु जीक्ओइ येसुकोः नाय् दीन्‍ह्आकानी ओउःलेः जुगाङ् सेलः स्‍याव्आकाय्।

मत्ती 9:21

ओहाङःसैको ओउः मोमःचोः येसुकोः काह्‌सै वाङ्‌ती “लौ ओउःकोः नाय् ह दीन्‍ह्‌चाङः त खेःया स्‍याक्‌लेःनाङः” त दाय्‍ह्‌ती म्‍हर्‌ती येसुकोः नाय्‌कोः च्‍योनःतेङ् दीन्‍ह्आकान्।

मर्‌कस् 6:55

“ओउःपाय् येसु लेःआः” त तय्‍ह्‌ती चीःआक्‌तीको ओउः देस्‌हाङः गाव् गाव्‌ताङ् सबै ल्‍होक्‌ती जीक्ओलम्‌कायः गोत्‌ती लात्‌ती वानःआकानी। गाःहाङःमा “लौ येसु इहाङःलेः मुनाः” त दाय्‍ह्ओ सायःआकानी ओहाङःलेः जीक्ओलम्‌कायः वानःआकानी।

युहना 14:12

दोङ्‌सी दाय्‍ह्‌भनाङ् ङाकायः ङ्‌हाम्ओलम्इपाय् ङाइ जाङ्‌ह्ओ काम्‌लम् ओउःइमा जाङ्‌ह्‌लेःनानी। माः रैस ङा लोने आपाकुस् मुनाङः त झ्‍यान्‍ते ओउःसै ताङ्‌ह्ओ काम्‌लम्‌मा जाङ्‌ह्‌सा खाय्‌नानी।

खबरदुत 28:9

पुब्‍लीयस्‌कोः आपा स्‍याक्आक्‌तीको ओउः देस्‌कोः अरु जीक्ओ मान्‍तालम् पावुल्‌कःताङ् वाङ्‌ती ओउःमयःमा स्‍याक्‌ताक्ओ खेःइतो।

खबरदुत 5:16

यरुसालेम् सहर्‌सैमा इःताङ् उःताङ्‌कोः गाव्‌लम्‌सैमा अरु अरुलम्इ जीक्ओ मान्‍तालम्‌मा लान्इ ङायःओ मान्‍तालम्‌मा लात्‌ती आन वानःआकानी। वानःआक्‌तीको सबैलेः स्‍याक्‌ताक्ओ खेःतो।