खबरदुत 5:13 - चेपाङ13 अरु मान्तालम् बल रैती झ्यान्ते ओउःमयःकुस् हुम्ती मुसा ग्यामालो खेःतो। अरुलम् बल रैती मुइतो ओउःमयःइ येसुकायः ङ्हाम्ओमयःकायः सबै पेतोलेः नोःआकाय्। အခန်းကိုကြည့်ပါ။ |
खबरदुत 5:13
19 ပူးပေါင်းရင်းမြစ်များ
ओउःत एसायाइ लेखउतो ओउः यहुदीलम्कोः ताङ्ह्ओ मान्तालम्कःहाङः नाःतोलेः येसुकोः कुरा ङ्हाम्आकानी। ओउःमयःइ ङ्हाम्सापाय् ङ्हाम्नीतो ओउः फरीसीलम्कः रैती झ्यान्ते अरुकायः छ्यान्ह्नीली “ङीइ येसुकायः ङ्हाम्ओ त ओउः फरीसीलम्इ चीःचानी त खेःया ङीकायः थनःओ कीम्सै क्लाःती ल्होक्नाःतय्ही यादो” त म्हर्ती रैआकाय्।
ओहाङःसैको अरीमाथीया त तोओ गाव्सै यात्चाक् युसेफ् त तोओ खेःतो। ओउःपाय् येसुकायः ङ्हाम्उतो ओउः यहुदीलम्कः रैती झ्यान्ते अरुकायः छ्यान्ह्उलु। ओउः मान्तापाय् पीलातस्कःताङ् वाङ्ती “लौ येसुकोः म्हाङ् बयःची दा द्याह् पाम्ह्साआः” त दाय्ह्ती तेआ। तेतोक्हाङः पीलातस्इ “लौ ओउःकोः म्हाङ् आलःउ” त दाय्ह्ती दाय्ह्आक्तीको युसेफ्इ येसुकोः म्हाङ् पाम्ह्साकायः आलःआकान्।
ओउःत त्याङ्आक्तीको ओउः हुम्ओ मान्तालम्इ पत्रुस्नीस्कायः पानःसामा घान्सामा दोःइली। ओउः स्याक्ताक्ओ मान्तापाय् चालीस् बर्स चेन्ह् खेःतो ओउःत झ्यान्ते नाःतो सहर्कोः मान्तालम्इ पत्रुस्कोः कुरा योती “लौ इनीस्कायः परमेस्वर्इ पेतो जाङ्ह्ताक्आथाच बा” त दाय्ह्ती परमेस्वर्कायः लुङ्ती तोती मुओ खेःइतो। एत चीःती ओउः सहर्कोः मान्तालम्कः रैती झ्यान्ते ओउः सभाहाङः हुम्ओ मान्तालम्इ पत्रुस् नीस् साथीचाःकायः फेरीलेः गानाक्ती तोआक्तीको पानःमामाःत घान्मामाःत फेआथाच।
ओउःत छ्यानःओ कुरा सायःआक्तीको ओउः मन्दीर्कोः ताङ्ह्ओ मान्ता अरु आफीसर्लम्कुस् आल्ती येसुकोः छ्युङ्ह्ओमयःकायः फेरी वानःआथास। वानःतोक् बेलाहाङः ओउः नाःतो हुम्ती सायःओ मान्तालम्कः रैती ओउः आफीसर्लम् “ओउःमयःइ ङीकायः बाङ् आप्चाःतय्ही” त दाय्ह्ती ओउः छ्युङ्ह्ओमयःकायः पानःमामाःत घान्मामाःत वानःआकानी।
ကြော်ငြာတွေ