खबरदुत 4:31 - चेपाङ

³¹ एतलेः परमेस्‍वर्‌कायः तेती तोआक्‌तीको ओउःमयः हुम्‌ती मुओ थाव्‌हाङः साः ल्‍हङ्‌तो स्‍याव्आ। ओउःमयः सबै परमेस्‍वर्‌कोः ग्‍वालामः दोःती ओउःकोः कुरा रैमाःत फुतीलेः नोःआकाय्।

खबरदुत 4:31 ပူးပေါင်းရင်းမြစ်များ

मत्ती 21:22

दोह् दोह् नीङ्इ परमेस्‍वर्‌कायः पेतो ङ्‌हाम्‌ती ओउःकः तेती तोतेःनानी ओउःलेः दोःतेःनै बा” त दाय्‍ह्‌ती येसुइ स्‍यान्‌ती तोआथास।

युहना 14:12

दोङ्‌सी दाय्‍ह्‌भनाङ् ङाकायः ङ्‌हाम्ओलम्इपाय् ङाइ जाङ्‌ह्ओ काम्‌लम् ओउःइमा जाङ्‌ह्‌लेःनानी। माः रैस ङा लोने आपाकुस् मुनाङः त झ्‍यान्‍ते ओउःसै ताङ्‌ह्ओ काम्‌लम्‌मा जाङ्‌ह्‌सा खाय्‌नानी।

युहना 15:16

नीङ्‌खेइ ङाकायः छ्युङ्‌ह्‌तेःनाङ्‌सल ङाखेइ नीङ्‌कायः छ्युङ्‌ह्‌नेःआलाङ्‌स। नीङ् अरुकःताङ् आल्‌ती ङाकोः काम् गलमा स्‍युताक्‌साकायः छ्युङ्‌ह्‌ती ल्‍होक्‌नेःआलाङ्‌स। ओहाङःसै दोह् दोह्‌तेः ङाकोः मय्‍ङ् पेह्‌ती ङाकोः आपाकः तेती तोतेःचनै ओउःलेः बयःतेःनै।

युहना 15:7

लौ नीङ् ङाकःहाङः मुती ङाकोः कुरा ल्‍हुङ्‌हाङः सेती गम्‌तेःनानी त खेःया दोह् दोह्‌तेः नीङ् लयः झाक्‌ती तेतेःचै ओउःलेः दोःतेःनै।

खबरदुत 14:3

ओहाङःसैको ओउः सहर्‌हाङः नाःतो दीन्‌कायः मुती पावुल् नीस् साथीचाः रैमाःत प्रभु येसुकोः कुरा स्‍यान्‌ती तोआकाचु। स्‍यान्‌ती तोतोक्‌हाङः “परमेस्‍वर्‌कोः ल्‍हुङ् मान्‍तालम्‌कः साय्‍क्ओ लेःआः” त छ्यानःसाकायः परमेस्‍वर्‌इ पावुल् बर्‌नाबास्‌कायः आन स्‍याक्‌ताक्ओमा ग्‍याङ्‌ह्‌सीःओ कुरामा जाङ्‌ह्‌ताक्आथाच।

खबरदुत 2:1

ओहाङःसैको येसु सीती च्‍योक्आक्‌तीको पचास् दीन् पुत्ओहाङः यहुदी मान्‍ताकोः पेन्‍तेकोस् त जवती तोओ छ्यात्‌कोः दीन् स्‍याव्आ। ओउःनम् दीन्‌हाङः येसुकोः कुरा ङ्‌हाम्‌ती सायःओ मान्‍तालम् सबै फेरी यातै थाव्‌हाङः हुम्‌लाङ् वाङ्आकाय्।

खबरदुत 2:2

हुम्‌ती वाङ्आक्‌तीको रोमो तोकोलेः अलवःहाङः ओउःमयःकोः थाराय्‌सै ताङ्‌ह्‌तो मारुःलो लेखा ङुह्र्ती वाङ्‌ती ओउःमयः च्‍युङःती मुओ कीम्‌हाङः जुदालेः पोक्आ।

खबरदुत 2:4

लेलम्‌पाय् एत थाआक्‌तीको परमेस्‍वर्‌कोः ग्‍वालामः सबै मान्‍ताकोः ल्‍हुङ्‌हाङः पोक्‌ती ओउःमयःकायः अरु अरु देस्‌कोः ङ्‌हा चीःआक्‌मालो भासालम् नोःताक्आथास।

खबरदुत 4:13

एत तोआथास ओहाङःसैको पत्रुस्इ एतलेः फुती नोःओ सायःआक्‌तीको “लौ इनीस्इ गलमा इस्‍कुल्‌हाङः पह्रधाङ्‌चल गत हायःती इत व्‍हाय्‌ती चीःती नोःसा खाय्‌नाःचु र” त ओउःमयः ग्‍याङ्‌ह्‌ती म्‍हर्‌ती “इनीस्‌जा येसुकुस् वाह्ओ लेःआः च रैस बा” त म्‍हर्‌ती चीःनीतो

खबरदुत 4:29

द्याह् ओउः मान्‍तालम्‌कोः गानाक्‌ती तारःपाङःसा बोङःओ कुरा सायःती ङी नाङ्‌कोः नोकरीलम्‌कायः नाङ्‌कोः कुरा रैमाःत फुती नोःताक्‌ताङी।

फीलीपी 1:14

ओहाङःसैको एत चीःतीलेः नाःतो ङीकोः प्रभुकायः ङ्‌हाम्ओ पुःचोङ् हौचोङ्‌लम् ल्‍हुङ् घ्‍युम्‌माःत स्‍याव्‌ती ओउःकोः कुरा रैमामाःत फुती तोनानी।

फीलीपी 1:20

“इ आङ्‌हाङः मुतोक्‌हाङः ङा जुगाङ् रैमामाःत ल्‍हुङ् गीःतीलेः ख्रीस्‌कायः ताङ्‌ह्‌ताक्‌पाङः। सीनाःया स्‍याक्‌नाःया गलकायःमा ख्रीस्‌कायः ताङ्‌ह्‌ताक्‌पाङः” त ल्‍हुङ् आसती झाक्‌नाङः बा। ओहाङःसैको ओउःकःहाङः ङा गत खेःयामा रास्‌सा परङल।

याकुब् 1:5

नीङ्‌कःहाङः यात्‌चाक् ल्‍हुङ् व्‍हाय्‌मालो मुनाः त खेःया ओउःपाय् परमेस्‍वर्‌कः तेती तोसा खेःतो। परमेस्‍वर्‌इ आय्‍ह्ओ खह्र्मालो ल्‍हुङ्इ सबैकायः बयःनौ ओउःत झ्‍यान्‍ते ओउः तेती तोओ कुरामा ओउःइ बयःलेःनौ।