खबरदुत 4:21 - चेपाङ

^21-22 ओउःत त्‍याङ्आक्‌तीको ओउः हुम्ओ मान्‍तालम्इ पत्रुस्‌नीस्‌कायः पानःसामा घान्‌सामा दोःइली। ओउः स्‍याक्‌ताक्ओ मान्‍तापाय् चालीस् बर्‌स चेन्‍ह् खेःतो ओउःत झ्‍यान्‍ते नाःतो सहर्‌कोः मान्‍तालम्इ पत्रुस्‌कोः कुरा योती “लौ इनीस्‌कायः परमेस्‍वर्‌इ पेतो जाङ्‌ह्‌ताक्आथाच बा” त दाय्‍ह्‌ती परमेस्‍वर्‌कायः लुङ्‌ती तोती मुओ खेःइतो। एत चीःती ओउः सहर्‌कोः मान्‍तालम्‌कः रैती झ्‍यान्‍ते ओउः सभाहाङः हुम्ओ मान्‍तालम्इ पत्रुस् नीस् साथीचाःकायः फेरीलेः गानाक्‌ती तोआक्‌तीको पानःमामाःत घान्‌मामाःत फेआथाच।

खबरदुत 4:21 ပူးပေါင်းရင်းမြစ်များ

मत्ती 15:31

ओउः ङ्‌हा जीक्‌ती मुओलम्‌कायः स्‍याक्‌ताक्ओ च्‍यवःती ओउः हुम्ओलम् आन ग्‍याङ्‌ह्‌ती “लौ इइपाय् नोःसा खाय्‌मालोकायः नोःमाताक्‌नौ। वाह्‌सा खाय्‌मालोकायः वाह्‌माताक्‌नौ। च्‍यवःसा खाय्‌मालोकायः च्‍यवःमाताक्‌नौ” त दाय्‍ह्‌ती इस्राएल्‌कोः परमेस्‍वर्‌कायः लुङ्‌ती ताङ्‌ह्‌ताक्आकानी।

मत्ती 21:46

ल्‍हुङ् मल्‍ह्‌ती येसुकायः चुम्‌सा बोङःनीतो अरु हुम्‌ती मुओलम् “येसुइपाय् पेओ कुरा छ्यानःआताङी” त नोःकाय्आकाय्। ओउःत झ्‍यान्‍ते ओउः हुम्ओलम्‌कः रैती ओउः पुरोहीत्‌लम्‌मा फरीसीलम्इमा येसुकायः ओउः बेलाहाङः चुम्‌सा ग्‍याइली।

मत्ती 26:5

च्‍योल्ओ दीन्‌कोः भोस् जाङ्‌ह्‌तोक्‌हाङः ओउःकायः चुम्‌ती पानःसा स्‍याव्‌ल। मान्‍तालम्इ ल्‍हुङ् मल्‍ह्‌तो स्‍याव्‌ती ङीकुस् कायःकाय्‌ती मीन्‍ह्‌काय्‌नाःतय्‍ही यादो” त दाय्‍ह्‌ती ओउःमयःखे नोःकाय्आकाय्।

मत्ती 9:33

वानःआक्‌तीको येसुइ ओउः लान्‌कायः ल्‍हेस्‌ती वाय्आकान्। ओहाङःसैको ओउः मान्‍ता नोःसा खाय्ओ खेःतो। एत हायःओ च्‍यवःती ओउः हुम्‌ती मुओलम्‌खे “लौ इलो हायःओजा ङीकोः इस्राएल् देस्‌हाङः गलमा च्‍यवःआक्‌ल बा” त दाय्‍ह्‌ती नोःकाय्इतो

मत्ती 9:8

एतलेः ओउः ङ्‌हा वाह्‌सा खाय्आक्‌मालो मान्‍ता च्‍योक्‌ती वाह्ओ च्‍यवःती ओउः हुम्‌ती मुआ मान्‍तालम् एङःती “लौ मान्‍ताकायःपाय् परमेस्‍वर्‌इ ओउःच्‍युक् ग्‍वम् दोःताक्आथै बा” त दाय्‍ह्‌ती परमेस्‍वर्‌कायः झाह्‌ती ताङ्‌ह्‌ताक्आकानी।

लुका 13:17

ओउःत तोतोक्‌हाङः येसुकोः काम् योगार्‌मालो मान्‍तालम्‌खे त्‍याङ्‌ती नोःसा खाय्‌माःत झ्‍यान्‍ते रास्आकाय्। अरु मान्‍तालम्‌खे येसुकोः पेओ ताङ्‌ह्ओ काम् च्‍यवःती आन चोङाय्‌तो खेःइतो।

लुका 20:19

ओउःत तोओ सायःआक्‌तीको “इ वीनःराय् तोती ङीकायः पेमालो तोआतय्‍ही” त दाय्‍ह्‌ती नोःकाय्‌ती ओउः बेलाहाङः ओउः धर्‌मा स्‍यान्ओमयःमा ताङ्‌ह्ओ पुरोहीत्‌लम्इमा येसुकायः चुम्‌सा बोङःनीतो ओहाङः हुम्‌ती मुओ मान्‍तालम्‌कः रैती झ्‍यान्‍ते येसु मन्‍दीर्‌हाङः स्‍यान्‌ती मुतोक्‌हाङः ओउःकायः चुम्‌सा दोःइली।

लुका 20:6

खेःल ङीइ ‘मान्‍तालम्इ ल्‍होक्आथै’ त त्‍याङ्‌चाङी त खेःया सबै मान्‍तालम्इ ङीकः ल्‍हुङ् मल्‍ह्‌तो स्‍याव्‌ती ङीकायः बाङ् आप्‌ती सात्‌नाःतय्‍ही यादो। इमयः सबैइलेः ‘युहनापाय् परमेस्‍वर्‌इ ल्‍होक्ओ ओउःकोः कुरा छ्यानःओ मान्‍ता लेःआः’ त ओउःमयःइ ताःनानी” त दाय्‍ह्‌ती लयःमयःकुस् नोःकाय्आक्‌तीको

लुका 22:2

ओउः बेलाहाङःपाय् ओउः ताङ्‌ह्ओ पुरोहीत्‌लम्‌मा धर्‌मा स्‍यान्ओमयःइमा येसुकायः अरुइ चीःमाःत चुम्‌ती सात्‌सा बोङःनीतो इ भोस् जाङ्‌ह्‌तोक्‌हाङः येसुकायः नाःतो मान्‍तालम्इ सायःती मुओ त झ्‍यान्‍ते ओउः सायःती हुम्ओ मान्‍तालम्इ च्‍यवःओ बेलाहाङः येसुकायः चुम्‌सा रैआकाय्।

खबरदुत 4:17

लौ द्याह् ओउःनीस्‌कायः वानःती ‘येसुकोः कुरा गलमा तोलाम्’ त गानाक्‌ती तोनी दा। ओहाङःसैको इ कुरा छालःती ल्‍हाक्‌सा दोःल” त दाय्‍ह्‌ती नोःकाय्आकाय्।

खबरदुत 5:13

अरु मान्‍तालम् बल रैती झ्‍यान्‍ते ओउःमयःकुस् हुम्‌ती मुसा ग्‍यामालो खेःतो। अरुलम् बल रैती मुइतो ओउःमयःइ येसुकायः ङ्‌हाम्ओमयःकायः सबै पेतोलेः नोःआकाय्।

खबरदुत 5:26

ओउःत छ्यानःओ कुरा सायःआक्‌तीको ओउः मन्‍दीर्‌कोः ताङ्‌ह्ओ मान्‍ता अरु आफीसर्‌लम्‌कुस् आल्‌ती येसुकोः छ्युङ्‌ह्ओमयःकायः फेरी वानःआथास। वानःतोक् बेलाहाङः ओउः नाःतो हुम्‌ती सायःओ मान्‍तालम्‌कः रैती ओउः आफीसर्‌लम् “ओउःमयःइ ङीकायः बाङ् आप्‌चाःतय्‍ही” त दाय्‍ह्‌ती ओउः छ्युङ्‌ह्ओमयःकायः पानःमामाःत घान्‌मामाःत वानःआकानी।

खबरदुत 5:40

ओहाङःसैको एत तोओ कुरा सायःती ओउः सभाहाङः मुओलम्इ येसुकोः छ्युङ्‌ह्ओमयःकायः घान्आक्‌तीको फेरीलेः “इ येसुकोः कुरापाय् गलमा नोःलाम् सुकायःमा तोलाम्” त दाय्‍ह्‌ती गानाक्‌ती तोआक्‌तीको फेआथास।