खबरदुत 3:6 - चेपाङ6 “लौ ङा पैसा नाःङल दोह्लो ङाकःहाङः मुनाः ओउःलेः बुरु ङाइ बयःनेःनाङ्। लौ नाङ्कायः नासरेत्कोः ख्रीस् त तोओ येसुइ स्याक्तेः ताक्तेःपाः। लौ वाह्अ” त दाय्ह्ती पत्रुस्इ तोआथै। အခန်းကိုကြည့်ပါ။ |
ओउः मोमःचोःपाय् नाःतो दीन्कायः एतलेः दाय्ह्ती ङीकायः गुल्ह्ताङीतो ओहाङःसैको पावुल्पाय् आन ल्हुङ् जीक्ती झ्यान्ते “लौ इ मोमःचोःकायः ‘ल्हेस्ती फेउ’ त ङाइ प्रभु येसु ख्रीस्कोः ग्वम्इ तोतेःनाङ् बा” त दाय्ह्ती ओउः मोमःचोःकायः ङायःओ लान्कायः तोउतो एत तोओ कुस्ब्रक्त ओउः लान् ल्हेस्तीलेः वाय्आ।
लौ नीङ् इस्राएल्कोः मान्तालम्इ पेतो सायःनु दा। नीङ्कोः लयःकोः मीक्हाङःपाय् नासरेत् गाव्सै वाङ्ओ येसुकायःलेः परमेस्वर्इ आन ग्याङ्ह्राय् जाङ्ह्ताक्सा बयःआथै। इ येसु त तोओपाय् ‘परमेस्वर्कःसै वाङ्ओआः’ त नीङ्कायः चीःताक्साकायः परमेस्वर्इ येसुकायः ग्याङ्ह्राय् जाङ्ह्ताक्आथास। ओउःततेः चीःनानी।
ओउःत खेःया इ कुरा पेतो चीःती सायःनु दा। नीङ् इस्राएल्कोः मान्तालम्इ क्ल्याय्ओ सीङःहाङः सात्ओ नासरेत् गाव्सै वाङ्ओ येसुपाय् ओउःकायःलेः परमेस्वर्इ च्योक्ताक्आथै। ओउः येसु ख्रीस्कोः मय्ङ् पेह्ती झ्यान्ते इ ङ्हा क्ल्योय्बाङ् खेःओ मान्तापाय् द्याह् नीङ्कःहाङः पेतो सेलःलेः चीङ्ती मुनाः।