खबरदुत 3:26 - चेपाङ26 ओहाङःसैको परमेस्वर्इ छ्युङ्ह्ओ लयःकोः काम् जाङ्ह्ओ येसुकायः च्योक्ताक्आक्तीको अरु जात्लम्कोः ङ्हासै ओउःइ नीङ् आब्राहाम्कोः प्लोमःदानेकःताङ् ल्होक्आथै। नीङ्कोः रेव्ओ काम् फेताक्ती नीङ्कायः आसीक् बयःसाकायः येसुपाय् ल्होक्ओआः” त दाय्ह्ती पत्रुस्इ हुम्ओ मान्तालम्कायः तोआथास। အခန်းကိုကြည့်ပါ။ |
खबरदुत 3:26
41 ပူးပေါင်းရင်းမြစ်များ
परमेस्वर्कोः ग्वालामः नीङ्कःताङ् दाह्आक्तीको आले नीङ् ग्वम् दोःतेःजेःनै। परमेस्वर्कोः ग्वालामःइ बयःओ ग्वम् दोःआक्तीको नीङ्इ ङाकोः कुरा थोल्ह्ती तोसा खेःतेःनै बा। इ यरुसालेम्हाङःमा सबै यहुदीया समारीया देस्हाङःमा ल्हाव्ह्दैबाङ्कोः चार् दोवाहाङःमा नीङ्इ ङाकोः कुरा छ्यानःती तोसा खेःतेःनै” त दाय्ह्ती येसुइ ओउःमयःकायः तोआकान्।
ङ्हा दामास्कस्ताङ् आल्ती ओहाङः प्रभु येसुइ स्यान्ओ कुरा ङाइ ल्हाक्ती छ्यानःआलाङःसु। ओहाङःसैको यरुसालेम्हाङःमा सबै यहुदीया देस्हाङःमा लोन्ते अरु अरु जात्लम्कोः देस्लम्हाङःमा ङाइ इ कुरा छ्यानःआलाङःसु। ‘सबै मान्तालम्इ लयःलयःकोः रेव्ओ काम्लम् फेती परमेस्वर्कोः कुरा पेतो ङ्हाम्ती जाङ्ह्पानी’ त तोती सबैकायः स्यान्ओ खेःङोतो।
इ स्याक्ताक्साकायः ङीकोः आय्कानः तोकानःइ झाह्ती तोओ परमेस्वर्इ जाङ्ह्आकान्। ङीकोः आब्राहाम् इसाक् र याकुब् त तोओ तोकानःलम्इ झाह्ओ परमेस्वर् ओउःइलेः लयःकोः काम् जाङ्ह्ओ येसुकायः ताङ्ह्तो स्याव्ताक्साकायः इ मेस्कोः ग्याङ्ह्राय् जाङ्ह्ताक्आकान्। नीङ्खेइ इ येसुकायः चुम्ती पानःआक्तीको ओउः पीलातस् त तोओ अन्चलादीस्कःताङ् दाक्तेःआकानी। दाक्आक्तीको पीलातस्खेइ येसुकायः फेसा बोङःउतो ती नीङ्खेइ ‘ओउःकायः फेलाम्’ ततेः तोतेःआकानी।
लौ इ परमेस्वर्इ लयःकोः छ्यानःओ मान्तालम्कायः तोती गम्ओ कुरामा नीङ्कायःलेः स्याव्आनाः। ओहाङःसैको परमेस्वर्इ नीङ्कोः आय्कानः तोकानःलम्कायः तोती गम्ओ कुरामा नीङ्कायः स्याव्लेःनाः ‘लौ नीङ्कोः प्लोमःदानेलम्कःसै सबै ल्हाव्ह्दैबाङ्कोः मान्तालम्कायः ङाकोः आसीक् दोःनाः’ त दाय्ह्ती नीङ्कोः आब्राहाम् त तोओ तोकानःकायः परमेस्वर्इ कुरा तोती गम्आकान्।
ओउः पेओ नोःराय्पाय् थोल्ह्ती तोतोक्हाङः ङाइ गत खेःयाकायःमा रास्माःत ङाःतोलेः तोनाङः। ओउः नोःराय्पाय् परमेस्वर्कोः ग्वम् दोःताक्ओ नोःराय् लेःआः दोह् हायःती दाय्ह्सा ङ्हाम्आक्तीको सबै मान्तालम् दल्तो स्याव्नै। ङ्हापाय् यहुदीलम्इ लोने यहुदी खेःमालोलम्इ ङ्हाम्ती दल्तो स्याव्सा खाय्नानी।
द्याह् ङीकोः प्रभु येसु ख्रीस्कोः परमेस्वर् आपाकायः लाङ्काताङ् त्याव्ती लावार्ताङ् गोय्ह्ती “च्युता” त तोसा खेःतय्हीतो। दोह् हायःती दाय्ह्सा ङीकायःपाय् आन योनःती योती परमेस्वर्इ रौ जीङः दोःताक्नाःतय्ही। येसु ख्रीस्पाय् सीआक्तीको ओउःकायः परमेस्वर्इ उह्ती स्याक्ताक्ओ त चीःती “लोने ङीमा रौ जीङः दोःनाःतय्ही” त दाय्ह्ती आन चोङाय्तो मुनाःतय्ही।
ကြော်ငြာတွေ