खबरदुत 3:22 - चेपाङ

²² मोसा त तोओखेइ इत तोलेःआकान् ‘लौ लोन्‍ह्‌तेहाङः परमेस्‍वर्‌इ यात्‌चाक् ङालो लेखा परमेस्‍वर्‌कोः कुरा छ्यानःओ मान्‍ताकायः नीङ्‌कःसै छ्युङ्‌ह्‌ती गम्‌नाःथै। ओउः मान्‍ता मुतोक् बेलाहाङः ओउःइ दोह् दोह्‌त नोःती तोतेःनै ओउःलेः सायःती जाङ्‌ह्‌सा खेःतेःनै।

खबरदुत 3:22 ပူးပေါင်းရင်းမြစ်များ

मत्ती 21:11

“लौ इपाय् येसुत तोओलेः। गालील अन्‍चल्‌कोः नासरेत् गाव्‌सै वाङ्ओ परमेस्‍वर्‌कोः कुरा छ्यानःओ मान्‍ता” त दाय्‍ह्‌ती तोआथास।

लुका 13:33

ओउःत झ्‍यान्‍ते तेन् स्‍याङ्‌ह् चीत्‌सैमा वाह्‌ती आल्‌नाङः दोह् हायःती दाय्‍ह्‌सा परमेस्‍वर्‌कोः कुरा छ्यानःओमयःपाय् यरुसालेम्‌हाङः सात्ओलेः स्‍याव्‌सा खेःतो अरु गाःहाङःमा सात्‌सा स्‍याव्‌ल।

लुका 24:19

“दोह् कुरालो” त दाय्‍ह्‌ती येसुइ फेरी व्‍हत्आकान् “नासरेत् गाव्‌सै वाङ्ओ येसुत तोओकोः कुरालेः। ओउः येसुपाय् परमेस्‍वर्‌कोः कुरा पेतो चीःती परमेस्‍वर्‌कोः मीक्‌हाङःमा सबै मान्‍तालम्‌कोः मीक्‌हाङःमा ओउः कुरा छ्यानःतीलेः तोमाआकान् आन ताङ्‌ह्ओ ग्‍याङ्‌ह्‌राय्‌लम् जाङ्‌ह्‌माआकान्।

युहना 1:17

मोसाकःसै परमेस्‍वर्‌कोः ऐन्‌खे दोःओ खेःतो दोङ् पेओ व्‍हाय्ओ कुराखेमा काङ्‌ती बयःओ कुराखेमा येसु ख्रीस्‌सै दोःनाःतय्‍ही।

युहना 12:46

ङापाय् सबै थोङ्‌ताक्‌साकायः इ ल्‍हाव्‍ह्‌दैबाङ्‌ताङ् वाङ्ओआः ङ। ओहाङःसैको सुसुइ ङाकायः ङ्‌हाम्‌चानानी ओउःलेः च्‍याक्ओहाङः मुइली।

युहना 5:24

दोङ्‌सी दाय्‍ह्‌भनाङ् सुसुइ ङाइ तोओ कुरा सायःती ङाकायः ल्‍होक्ओ आपाकायः पेतो ङ्‌हाम्‌नाःथै ओउःलेः गलमा द्योक्‌मालो जीङः दोःआनै बा। ओउःपाय् लयःकोः ङ्‌हा जाङ्‌ह्ओ रेव्ओ काम् जाङ्‌ह्‌झ्‍याङ्‌कायः न्‍युम्‍ह्‌माःत सीओहाङःसै उह्‌ती च्‍योक्आलेः स्‍याव्‌नै।

युहना 8:12

ओहाङःसैको येसुइ फेरी मन्‍दीर्‌हाङः हुम्ओ मान्‍तालम्‌कायः स्‍यान्‌ती तोआथास “लौ इ ल्‍हाव्‍ह्‌दैबाङ् थोङ्‌ताक्ओपाय् ङा लेःआः बा। सुसु ङाकुस् वाह्‌नै ओउःलेः च्‍याक्ओहाङः गलमा वाह्इली थोङ्ओहाङः रौ जीङः दोःती वाह्‌नै” त दाय्‍ह्‌ती येसु दाय्‍ह्आ।

खबरदुत 7:37

फेरी ब्‍याह्‌ती वाह्‌तोक् बेलाहाङः इस्राएल्‌कोः मान्‍तालम्‌कायः ‘लौ लोन्‍ह्‌तेसै नीङ्‌कोः प्‍लोमःदाने मोमःदानेकःसै परमेस्‍वर्‌इ अरु यात्‌चाक् ङालो लेखा परमेस्‍वर्‌कोः कुरा छ्यानःओ मान्‍ताकायः छ्युङ्‌ह्आनौ’ त दाय्‍ह्‌ती इ मोसालेः तोआथास।

रोमी 8:3

ङी रेव्ओ ल्‍हुङ् नाःओ मान्‍तालम्‌कायःपाय् ओउः आय् ऐन्‌खेइ दल्‌ताक्‌सा खाय्उलु ओउःत झ्‍यान्‍ते परमेस्‍वर्‌इ लयःकोः चोःपाय् मान्‍तालो लेखा स्‍याव्‌साकायः ल्‍होक्आकान्। ङी रेव्‌तो हायःओ मान्‍तालो स्‍याव्आक्‌तीको परमेस्‍वर्‌कोः चोःइ रेव्ओ काम्‌लम् क्‍युम्‍ह्‌ती वाय्‌ताक्‌साकायः लयःकोः आङ् ल्‍हाआकास। एतलेः परमेस्‍वर्‌इ मान्‍ताकोः रेव्ओ काम् न्‍युम्‍ह्‌ताक्‌माआकान्

रोमी 9:5

ङाकोः लयःमयःचोङ्‌पाय् उय्‍ह्‌लेकोः ताङ्‌ह्ओ आय्‌कानः तोकानःसै ग्‍ल्‍युङ्‌ह्आकाय्। ख्रीस्‌मा मान्‍ता स्‍याव्‌तोक्‌हाङः ओउःमयःकोः जात्‌कोः मान्‍तालम्‌सै दोःओ खेःतो। ओउःपाय् ओउः सबैकायः हुकुम् बयःसा परमेस्‍वर्‌कायःपाय् गलकायःमा ताङ्‌ह्‌ताक्‌पाःथै माःहै एतलेः स्‍याव्‌पाः।

गालाती 4:4

ओउःतलेः जाङ्‌ह्‌तय्‍ह्‌नीतो क्रोःओ दीन् पुत्आक्‌तीको परमेस्‍वर्‌इ लयःकोः चोः ल्‍होक्आथै। ओउःकोः चोःपाय् मोमःचोःसै दोःओआः ऐन्‌कोः कुरा जाङ्‌ह्‌सा खेःओ मान्‍ता खेःतो।

हेब्रैनी 2:1

ओउःत झ्‍यान्‍ते ङीइ सायःओ परमेस्‍वर्‌कोः कुरा पेतोलेः ल्‍हुङ्‌हाङः सेती गम्‌सा खेःतो ओहाङःसैको ङी ओउःकोः दोङ् पेओ ल्‍याम्‌कायः फेतय्‍ह्‌नीली।

हेब्रैनी 5:9

ओहाङःसैको ओउःपाय् जुगाङ् नीङ्‌तोलेः स्‍याव्आक्‌तीको सबै ओउःकोः कुरा ग्‍याओलम्‌कायः येसुइ गलकायःमा दल्‌तो स्‍याव्‌सा दोःताक्आकान्।

प्रकाश 1:1

इपाय् येसु ख्रीस्इ छ्यानःओ कुरा लेःआः। ओउःकोः लयःकोः काम् जाङ्‌ह्ओलम्‌कायः “रेन्‍ह्‌तोलेः वाङ्‌सा खेःओ कुरा दोह्‌लो” त स्‍यान्‌सा थेङा इ कुरा परमेस्‍वर्‌इ येसु ख्रीस्‌कायः बयःआथै। ओहाङःसैको येसुइ लयःकोः काम् जाङ्‌ह्ओ युहनाकायः इ कुरा छ्यानःसा थेङा यात्‌चाक् लाङ्‌कासै ल्‍होक्ओमयः ल्‍होक्आकान्।