लौ इ मान्तालम्कोः ल्हुङ् व्हाय्मालो स्याव्आकाय् ओउःमयःकोः नोःमा लोक्तोलेः मीक्मा मेल्तोलेः स्याव्आकाय् उया मीक्इ च्यवःचानी नोइ सायःचानी त खेःया ओउःमयः ल्हुङ् चीःती ङाकःताङ् द्यान्ह्ती ङाकायः ङ्हाम्चाःताङः खेःतो ओहाङःसै ङाइ रौ जीङः दोःताक्चाङःसु खेःतो” त दाय्ह्ती परमेस्वर् दाय्ह्ओ’ त एसायाइ लेखआकान्।
खबरदुत 3:19 - चेपाङ19 ओउःत झ्यान्ते ल्हुङ् द्यान्ह्ती परमेस्वर्कः ग्यान दा ओहाङःसै नीङ्कोः रेव्तो हायःझ्याङ्पाय् क्युम्ह्ती वाय्नाः। रेव्ओ काम् क्युम्ह्ती वाय्आक्तीको नीङ्कायः पेओ ल्हुङ् धोमाय्ओ बेला स्याव्नाः। အခန်းကိုကြည့်ပါ။ |
खबरदुत 3:19
73 ပူးပေါင်းရင်းမြစ်များ
ल्होक्आक्तीको पावुल् बर्नाबास्नीस् फोनीस्या देस्हाङःमा समारीया देस्हाङःमा च्योल्ती ओहाङः मुओ येसुकायः ङ्हाम्ओलम्कायः “लौ द्याह्पाय् नाःतो यहुदी खेःमालो जात्कोः मान्तालम्इ प्रभु येसुकोः कुरा ङ्हाम्नानी” त दाय्ह्ती ल्हाक्ती तोआकाचु। इत तोओ कुरा सायःआक्तीको सबै मान्तालम् “लौ इपाय् आन पेओ लेःआः” त दाय्ह्ती चोङाय्तीलेः दाय्ह्आकाय्।
दोङ् ङ्हाताङ् परमेस्वर्इ यात्चाक् जाङ्ह्आकान् ओउः यातैज्याङ् मान्ता जाङ्ह्आक्तीको ओउःकःसै ङी सबै जात्लम् ग्ल्युङ्ह्ताक्आतय्ही। फेरी मान्तालम् सबै ल्हाव्ह्दैबाङ्हाङः ब्याव्ताक्ती याक्साकायः गम्ओ खेःतो। ओहाङःसै ओउःमयःकोः स्याक्साकायः ओघमा याक्साकायः देस्लम्मा ओउः परमेस्वर्इलेः ङ्हाहाङःसै दोक्ती गम्आतय्ही।
“लौ लःलयःकोः रेव्ओ काम् फेती परमेस्वर्कःताङ् द्यान्ह्ती ओउः पेओ काम् ग्यान। ओहाङःसैको नीङ्कः परमेस्वर्कोः ल्हुङ् मल्ह्ओ ल्हुङ्पाय् स्याक्आनाः। फेरी नीङ्इ एत हायःओ त छ्यानःसाकायः येसु ख्रीस्कोः मय्ङ् पेह्ती तीःहाङः बाप्तीस्मा त्याक्नु दा। ओउःत हायःआक्तीको नीङ्कायःमा परमेस्वर्कोः ग्वालामः दोःतेःनै।
ङाकोः पेओ कुरा ओउःमयःइ चीःसामा तय्ह्सामा ग्याइली त झ्यान्ते ओउःमयःकोः नोलम् ल्होप्माआकायःइसी ओउःमयःकोः मीक्लम् मेल्माआकायःइसी। सायःनानी च्यवःनानी त खेःया ओउःमयःइ ङाकोः कुरा चीःती तय्ह्ती झ्यान्ते ङाकःताङ् द्यान्ह्ती दल्ताक्साकायः तोचाःताङः खेःतो’ त परमेस्वर्इ छ्यानःओ कुरा एसायाइ नीङ्कोः आय्कानः तोकानःलम्कायः तोआथास।
तेन्छ्याङ् इ येसु ख्रीस् लाङ्काताङ् आल्ती द्याह् मुधाङ्सा खेःतो। येसु लाङ्काहाङः मुती गल खेःयाकायःमा इ ल्हाव्ह्दैबाङ्कोः ह्र्योङःसा खेःओ दीन् पुत्चाः ओउःनम् दीन्हाङःलेः येसु सबै ल्हाव्ह्दैबाङ् फेरी पेतो जाङ्ह्साकायः द्यान्ह्तीलेः वाङ्आनाः। इ लोन्दोहाङः स्याव्सा कुरा परमेस्वर्कोः कुरा छ्यानःओमयःइ उय्ह्लेहाङःसै तोलेःआकानी।
लौ पुःचोङ् हौचोङ्य यात्ज्योः ङ्हा छ्यान्ह्आक्मालो कुरा ङाइ द्याह् छ्यान्ह्नेःनाङ्स ओहाङःसैको नीङ्इ लयःकोः नेह्रो ओर्ताक्सा खाय्तेःनीली। ओउः कुरापाय् इलेःआः परमेस्वर्इ दोक्ती गम्ओ ङ्हाम्सा खेःओ यहुदी खेःमालोलम्पाय् आःताः जुदालेः ख्रीस्कःताङ् वाङ्माःत यहुदीलम्इपाय् ङ्हाम्सा ग्यामालो मुनै।
ကြော်ငြာတွေ