खबरदुत 3:12 - चेपाङ12 ओउःमयःकःताङ् मान्तालम् हुम्ती वाङ्आक्तीको पत्रुस् नोःसाकायः चीङ्आ “अ नीङ् इस्राएल्कोः मान्तालम्य दोह् हायःतीतेः नीङ्इ एतलेः नीचीकायः ग्याङ्ह्ती योतेःनेःनानाङ्स। नीचीइ लःलयःकोः ग्वम्इ इ मान्ताकायः स्याक्ताक्ओ खेःबाय्ल। အခန်းကိုကြည့်ပါ။ |
खबरदुत 3:12
15 ပူးပေါင်းရင်းမြစ်များ
लौ नीङ् इस्राएल्कोः मान्तालम्इ पेतो सायःनु दा। नीङ्कोः लयःकोः मीक्हाङःपाय् नासरेत् गाव्सै वाङ्ओ येसुकायःलेः परमेस्वर्इ आन ग्याङ्ह्राय् जाङ्ह्ताक्सा बयःआथै। इ येसु त तोओपाय् ‘परमेस्वर्कःसै वाङ्ओआः’ त नीङ्कायः चीःताक्साकायः परमेस्वर्इ येसुकायः ग्याङ्ह्राय् जाङ्ह्ताक्आथास। ओउःततेः चीःनानी।
इ स्याक्ताक्साकायः ङीकोः आय्कानः तोकानःइ झाह्ती तोओ परमेस्वर्इ जाङ्ह्आकान्। ङीकोः आब्राहाम् इसाक् र याकुब् त तोओ तोकानःलम्इ झाह्ओ परमेस्वर् ओउःइलेः लयःकोः काम् जाङ्ह्ओ येसुकायः ताङ्ह्तो स्याव्ताक्साकायः इ मेस्कोः ग्याङ्ह्राय् जाङ्ह्ताक्आकान्। नीङ्खेइ इ येसुकायः चुम्ती पानःआक्तीको ओउः पीलातस् त तोओ अन्चलादीस्कःताङ् दाक्तेःआकानी। दाक्आक्तीको पीलातस्खेइ येसुकायः फेसा बोङःउतो ती नीङ्खेइ ‘ओउःकायः फेलाम्’ ततेः तोतेःआकानी।
ओउःमयःकायः परमेस्वर्इ छीङ्ह्ओ इस्राएल्कोः प्लोमःदाने मोमःदानेलेः खेःनै। ओउःमयःकायः परमेस्वर्इ लयःकोः चोःलम्लो लेखा जाङ्ह्ती लयःकोः पेओ ताङ्ह्ओ ग्वम् छ्यानःआथास। ओउःमयःकुस् परमेस्वर्इ होम्काय्ओ कुरा गम्ती ओउःकोः ऐन्मा बयःआथास मन्दीर्हाङः जवती जाङ्ह्सा कुरामा तोती गम्ओ कुरामा बयःआथास।
ကြော်ငြာတွေ