खबरदुत 28:6 - चेपाङ

⁶ “इपाय् माङ्‌ती सीनाःया कोन्‍ह्‌ती सीनाःया” त दाय्‍ह्‌ती मान्‍तालम् पावुल्‌कायः योती म्‍हर्‌इतो ज्‍याङःतो स्‍याव्‌तीमा दोह्‌मा दयःमालो च्‍यवःती “अहः इपाय् द्यव्‌ता लेःआः रैस बा” त दाय्‍ह्‌ती ल्‍हुङ् द्यान्‍ह्‌तीलेः नोःकाय्आकाय्।

खबरदुत 28:6 ပူးပေါင်းရင်းမြစ်များ

मत्ती 21:9

येसुकोः ङ्‌हासैमा लोनेसैमा वाह्ओ मान्‍तालम्इ येसुकायः स्‍यवती “होसाना भालातेः वाङ्‌तेःआ नाङ् परमेस्‍वर्‌इ ल्‍होक्ओ दावुद् राजाकोः प्‍लोमःदानेतेः। परमेस्‍वर्‌कायःपाय् ल्‍हाव्‍ह्‌दैबाङ्‌हाङः लाङ्‌काहाङः ताङ्‌ह्‌ताक्‌तो स्‍याव्‌पाः” त दाय्‍ह्‌ती गोःआकानी।

मत्ती 27:22

“ओउःत झ्‍यान्‍ते इ ख्रीस् त तोओ येसुकायः दोह् हायःचाङः” त दाय्‍ह्‌ती पीलातस्इ फेरीलेः व्‍हत्‌थासतो “ओउःकायः क्‍ल्‍याय्ओ सीङःहाङः योकोःती सात्‌पाःथै” त दाय्‍ह्‌ती त्‍याङ्आकाय्।

खबरदुत 12:22

ओउःकोः भासन् कुरा सायःआक्‌तीको “इपाय् मान्‍ताकोः हाव्‌नयः खेःल इस्‍वर्‌कोः हाव्‌नयः लेःआः बा” त दाय्‍ह्‌ती हुम्ओ मान्‍तालम्इ सोतो गोःआकाय्।

खबरदुत 28:7

ओहाङःसैको ओउःमयः मुओ थाव् द्याङ्‌तोलेः ओउः तीः बुम्‌कोः हाकीम् पुब्‍लीयस् त तोओकोः राङ्‌लम् खेःतो। ओउः पुब्‍लीयस् त तोओइ ङीकायः योती योनःती लयःकोः कीम्‌ताङ् गोत्‌ती रोम्आताङी। ओउःकोः कीम्‌ताङ् आल्आक्‌तीको सुम्‌दीन्‌कायः ङी ओहाङः जेःसा दोह्‌सा एनःसा दोःआलाङी।

खबरदुत 8:10

अरुलम्‌मा “माः रैस इ मान्‍तापाय् परमेस्‍वर्‌च्‍युक्‌लेः जोओ ग्‍वम् दोःआ बा” त दाय्‍ह्‌ती नोःकाय्‌ती ओउः देस्‌कोः मीओ मान्‍तालम्‌मा ताङ्‌ह्ओ मान्‍तालम्‌मा ओउःकायः आन योआकानी।