खबरदुत 28:30 - चेपाङ

³⁰ ओहाङःसैको नीस् बर्‌सकायः पावुल्‌पाय् बाहाल् पाय्‍क्‌सा खेःओ कीम्‌हाङः याक्‌ती मुआ। ओहाङः याक्‌ती मुओ बेलाहाङः ओउःकायः क्रुस्‌लाङ् वाङ्ओ मान्‍तालम्‌कायः पावुल्इ झाक्‌ती रोम्आथास।

खबरदुत 28:30 ပူးပေါင်းရင်းမြစ်များ

युहना 1:39

“लौ योलाङ् वाङ्‌ज दा” त दाय्‍ह्‌ती येसु दाय्‍ह्आ। येसु ओउःत दाय्‍ह्आक्‌तीको ओउःनीस् वाङ्‌ती येसुकोः याक्ओ थाव्‌ताङ् योलाङ् आल्आकाच। आल्आक्‌तीको ओउःनीस्‌पाय् न्‍याम् घेल्ओहाङःसै याह्‌दीङ् दाह्‌तोलेः ओउःकुस् मुआकाच।

खबरदुत 19:21

ओहाङःसैको लोनेसै पावुल्‌पाय् “लौ मासीदोनीया आखया नीस् जील्‍लाताङ् ब्‍याह्‌ती वाह्आक्‌तीको ङा यरुसालेम्‌ताङ् आल्‌चाङः। यरुसालेम्‌ताङ् आल्आक्‌तीको ङा रोम् त तोओ रोमी देस्‌कोः सबैसै ताङ्‌ह्ओ सहर्‌कायः गत खेःयामा योलाङ् आल्‌सा खेःतो” त दाय्‍ह्‌ती पावुल् दाय्‍ह्आ।

खबरदुत 24:27

ओहाङःसैको नीस् बर्‌स पुत्आक्‌तीको फेलीकस् त तोओपाय् अन्‍चलादीस् काम् फेती झ्‍यान्‍ते यात्‌चाक् पोर्‌स्‍युस् फेस्‍तस् त तोओ नया अन्‍चलादीस् स्‍याव्आ। फेलीकस् त तोओइ अरु यहुदी मान्‍तालम्‌कायः म्रोताक्‌साकायः पावुल्‌कायः झ्‍याल्‍खानहाङः गम्आकान्।

खबरदुत 28:16

ओहाङःसैको रोम् सहर्‌ताङ् आल्‌ती दाह्‌ती वाङ्आक्‌तीको पावुल् लयःकोः कोथाहाङः याक्‌सा ताक्आकानी ओउःकायः झ्‍याल्‍खानहाङः काती गम्‌थाल। यात्‌चाक् सीपाहीइ ह ओउःकायः कीम्‌हाङः योती मुओ खेःतो।

खबरदुत 28:29

ओउःत तोआक्‌तीको ओउः यहुदीलम् आन तोकाय्‌ती कायःकाय्‌ती पाय्‍ह्आकाय्।

खबरदुत 28:31

ओउः वाङ्ओ मान्‍तालम्‌कायः सुकःमा रैमाःत येसु ख्रीस्‌कोः कुरामा परमेस्‍वर्‌कोः राजीकोः कुरामा फुतीलेः स्‍यान्‌ती तोआथास। ओउःत स्‍यान्‌तोक् बेलाहाङः सुइमा ओउःकायः त्‍याःसा दोःइली।

रोमी 15:32

ओहाङःसैको परमेस्‍वर्‌ झाक्‌नाः त खेःया नीङ्‌कःताङ् चोङाय्‌तोलेः वाङ्‌नाङः नीङ्‌कुस्‌मा ल्‍हुङ् स्‍याङ्‌तोलेः मुनाङः।

२ कोरीन्‍थी 11:23

ओउःमयःपाय् ख्रीस्‌कोः नोकरीलम्‌या लौ ङा न्‍हाङ्‌तोलेः ओउःकोः नोकरी लेःआः ङ। माः है “ओउःमयःसै ङाइ न्‍हाङ्‌तोलेः काम् जाङ्‌ह्‌लेःनाङः” त दोङ् कुरा दाय्‍ह्‌ती नोःसा खाय्‌लेःनाङः। खाय्‌सापाय् खाय्‌लेःनाङः एत नोःधार्‌ना ङा ब्रःओ मान्‍तालो लेखा नोःनाङः। फेरी ओउःमयःसै अरुलम्इ ङाकायः नाःतोलेः घान्आताङः नाःतोलेः झ्‍याल्‍खानहाङः काआताङः नाःतोलेः सात्‌खेःआताङः।

२ कोरीन्‍थी 6:5

नाःतो बेलाहाङः अरुइ ङीकायः घान्‌ताङीतो पानःताङीतो हुम्ओलम्इ न्‍हेङःताङीतो। नाःतो बेलाहाङः ङीइ एनःमामाःत जेःमामाःत हारीनःतीलेः ह्र्युङ्‌तो काम् जाङ्‌ह्आलाङःसु।

फीलीपी 1:13

“पावुल्‌पाय् येसु ख्रीस्‌कोः काम् जाङ्‌ह्ओकायः इहाङः थुनती मुनाः” त दाय्‍ह्ओ सबै इ दर्‌बाल्‌कोः सीपाहीलम्इमा सबै अरुलम्इमा चीःनानी।

२ तीमोथी 4:2

ओउःकोः नोःराय् गलकायःमा थोल्‍ह्‌ती तोउ दा। क्रोःओ बेलाहाङःमा क्रोःमालो बेलाहाङःमा ओउः कुरापाय् होम्‌ताक्‌साकायःमा गानाक्‌साकायःमा लुङ्‌साकायःमा काङ्‌ती स्‍यान्‌ती तोचाक्उ ती।