खबरदुत 28:2 - चेपाङ

² ओहाङःसैको ओउःतोक्‌हाङः तीः वाखयःआ त झ्‍यान्‍ते ङीपाय् आन नीक्आलाङी। ओउःत च्‍यवःती ओउः माल्‍तकोः मान्‍तालम्इ ङीकायः योती योनःती सबैकायः म्‍हेः फोह्र्तो मुत्‌ती “इहाङः गारःलाङ् वाङ्‌न” त दाय्‍ह्‌ती ङीकायः गोत्‌ती त्‍याक्आताङी।

खबरदुत 28:2 ပူးပေါင်းရင်းမြစ်များ

मत्ती 10:42

दोङ्‌सी दाय्‍ह्‌भनाङ् सुसुखेइ ‘इपाय् येसुकुस् वाह्‌नाः’ त दाय्‍ह्‌ती यात्‌चाक् ङाकुस् वाह्ओमयःकायः तुङ्‌सा तीः बयःनाःथै ओउःलेः परमेस्‍वर्‌कःसै जाङ्‌ह्‌झ्‍याङ्‌कोः दोःलेःनै” त दाय्‍ह्‌ती येसुइ तोआथास।

युहना 18:18

फेरी न्‍याम् झ्‍युङ्‌ती झ्‍यान्‍ते यात्‌नीस् सीपाहीलम्‌मा नोकरीलम्‌मा म्‍हेः मुत्आक्‌तीको म्‍हेः गारःती मुओ खेःइतो पत्रुस्‌मा ओउःमयःकःताङ् गारःलाङ् वाङ्आ।

खबरदुत 27:3

ओहाङःसैको लन्‍ह्आक्‌तीको आल्‌दा आल्‌दा अनम्‍ह्‌कोः स्‍याङ्‌ह्‌लो ङी सीदोन् सहर्‌ताङ् दाह्आलाङी। दाह्आक्‌तीको ओउः सुबेदार्‌ जुलीयुस् त तोओइ पावुल्‌कायः योनःती ओउःकायः ओउः सहर्‌हाङः मुओ येसुकायः ङ्‌हाम्ओ साथीलम्‌कुस् क्रुस्‌सा ताक्आथै। पावुल्‌पाय् दोह् दोह् राह्ओलेः ओउःमयःइ बयःसा खाय्ओ खेःतो।

खबरदुत 28:3

म्‍हेः गारःओहाङः पावुल्इ सीङःलम् रोत्‌ती वानःती म्‍हेःहाङः तुस्आकान्। तुस्‌तोक् बेलाहाङः रुलेः म्‍हेःकः रैती सीङःसै ग्‍ल्‍युङ्‌ह्‌ती पावुल्‌कोः क्रुत्‌हाङः पोतोलःआथै।

खबरदुत 28:4

रुपाय् पावुल्‌कोः क्रुत्‌हाङः नेःती पोतोलःती मुओ च्‍यवःती “इपाय् मान्‍ताकायः सात्ओ चाक् लेःआः यादो ओउःत झ्‍यान्‍ते द्युम्‌मालो तीः ज्‍युप्‌ती सीओसै दल्आक्‌तीको द्याह् ओउःकायः रुइ नेःती सीसा दसआः थाङ्आ रैस” त दाय्‍ह्‌ती ओउः देस्‌कोः मान्‍तालम्‌खे नोःकाय्आकाय्।

रोमी 1:14

एलेनी मान्‍तालम्‌कायःमा एलेनी खेःमालो मान्‍तालम्‌कायःमा व्‍हाय्ओलम्‌कायःमा व्‍हाय्‌मालोलम्‌कायःमा सबैकायः ङाइ परमेस्‍वर्‌कोः पेओ नोःराय् तोसा खेःनाङः।

रोमी 14:1

यात्‌नीस् मान्‍तालम् पेतो ङ्‌हाम्‌धाङ्‌नीली त खेःया ओउःमयःकुस् काय्‌काय्‌माःत रोम्‌काय्‌न।

रोमी 14:3

ओउः सबै जेःसा ज्‍याक्ओ मान्‍ताइ ओउः मायः क्रीती जेःमालो मान्‍ताकायः क्‍लुनःती तोलाम्। फेरी ओउः मायः जेःसा क्रीओ मान्‍ताइमा ओउः सबै थोक् जेःओ मान्‍ताकायः गाल्‌धै बयःलाम् दोह् हायःती दाय्‍ह्‌सा ओउः नीस् मान्‍ताकायः परमेस्‍वर्‌इ लयःकोः मीक्‌हाङः घार्‌तोलेः पेतो योआथाच।

रोमी 2:27

ओउः पुन् तात्ओ जवमालो ऐन् जाङ्‌ह्ओ मान्‍तालम्इ नीङ् यहुदीलम्‌कायः गाल्‌तुम्‌ती तोतेःनै दोह् हायःती दाय्‍ह्‌सा परमेस्‍वर्‌कोः ऐन्‌कोः कुरा कीताप्‌हाङः दोःआक्‌तीकोमा पुन् तात्ओ जवआक्‌तीकोमा ओउः ऐन्‌कोः कुरा जाङ्‌ह्‌तेःनीली।

१ कोरीन्‍थी 14:11

यात्‌चाक्इ ङाइ चीःमालो भासा नोःनाःताङः त खेःया नीची बीदेसीलो लेखा स्‍याव्‌काय्‌नाङःच।

२ कोरीन्‍थी 11:27

काम् जाङ्‌ह्‌ती आन द्योत्‌झुङ्‌ङोतो आन याह्‌दीङ्‌हाङः एनःसा दोःमालो मुझुङ्‌ङोतो आन योङ्‌क्राय्‌ती तीः अप्‌ती तोय्‍ङ्‌झुङ्‌ङोतो नाःतो पेन्‍ह्‌कायः जेःगा तुङ्‌गा नाःमाःत नाय् नाःमाःत न्‍याम् झ्‍युङ्‌तीलेः आन सीखेःझुङ्आलाङः।

कोलसी 3:11

नीङ् सबै रौ जीङः दोःतेःनै त झ्‍यान्‍ते द्याह् परमेस्‍वर्‌कोः मीक्‌हाङः एलेनीमा यहुदीमा पुन् तात्‌सा जवमालोलम्‌मा पुन् तात्‌सा जवओलम्‌मा बीदेसीलम्‌मा पहारीलम्‌मा नोकरीमा नोकरी खेःमालोलम्‌मा सबै यातैज्‍योः लेःआः थेथे खेःइली दोह् हायःती दाय्‍ह्‌सा ख्रीस्‌पाय् सबै लेःआः सबैकुस् ख्रीस्‌लेः मुनाः।

हेब्रैनी 13:2

लोक्ओसै वाङ्ओलम्‌कायःमा पेतो रोम्‌सा खेःतो एत म्‍हेःलाम् एत रोम्‌तोक्‌हाङः यात्‌नीस्इ तय्‍ह्‌मामाःत लाङ्‌कासै ल्‍होक्ओमयःकायः रोम्आकानी।