ओहाङः वाङ्आक्तीको पावुल्इ यात्चाक् पोन्तस् सहर्सै वाङ्ओ यहुदी मान्ता क्रुस्आकान्। ओउः मान्ताकोः मय्ङ् अक्वीला त तोओ खेःतो। अनम्ह्लो अक्वीलामा ओउःकोः बुधी प्रीस्कीला त तोओमा रोमी देस्हाङः मुओ खेःचतो। ओहाङःतीको क्लाव्दीयस् त तोओ रोमी देस्कोः राजाइ “लौ ङाकोः देस्हाङः यहुदी मान्तालम् मुलाम्” त दाय्ह्ती हुकुम् बयःआकान्। ओउःत झ्यान्ते अक्वीला नीस्पय्क्चाः ओउः रोमी देस्सै क्रव्ती कोरीन्थ सहर्ताङ् दाह्आकाच।
खबरदुत 28:16 - चेपाङ16 ओहाङःसैको रोम् सहर्ताङ् आल्ती दाह्ती वाङ्आक्तीको पावुल् लयःकोः कोथाहाङः याक्सा ताक्आकानी ओउःकायः झ्याल्खानहाङः काती गम्थाल। यात्चाक् सीपाहीइ ह ओउःकायः कीम्हाङः योती मुओ खेःतो। အခန်းကိုကြည့်ပါ။ |
खबरदुत 28:16
18 ပူးပေါင်းရင်းမြစ်များ
ओहाङःसैको चौकीहाङः दाह्आक्तीको अनम्ह्कोः स्याङ्ह्लोहाङः याह्दीङ्हाङः लयः प्रभु येसुलेः ओउःकोः चीनःसै मुओ पावुल्इ च्यवःआकान्। एत च्यवःतोक्हाङः “लौ रैतेःचानाः। यरुसालेम्हाङः नाङ्इ ङाकोः कुरा छ्यानःती तोतेःआकान् द्याह् रोम् सहर्हाङःमा नाङ् ओउःतलेः ङाकोः कुरा तोसालेःतेः खेःतेःनाः” त दाय्ह्ती प्रभु येसुइ तोआथै।
ကြော်ငြာတွေ