खबरदुत 28:15 - चेपाङ15 ओहाङः दाह्खेःतोक्हाङः ओउः रोम् सहर्हाङः मुओ येसुकायः ङ्हाम्ओलम्इ “पावुल् दाह्ती वाङ्नाः” त दाय्ह्ओ सायःती चीःआक्तीको आपीयस् बजार्कोः सुम् होतेल् मुओ थाव्ताङ् ङीकायः त्याक्लाङ् वाङ्आकाय्। ओउःमयः क्रुस्आक्तीको पावुल् चोङाय्ती झ्यान्ते परमेस्वर्कायः आन लुङ्ती तोआकान्। အခန်းကိုကြည့်ပါ။ |
खबरदुत 28:15
22 ပူးပေါင်းရင်းမြစ်များ
एत छ्यानःओ सायःआक्तीको “लौ उया इ कीम्हाङः ङाकुस् मुआक्न” त पत्रुस्इ दाय्ह्ती तोआथास। तोआक्तीको ओउःमयः पत्रुस्कुस् जेःती दोह्आक्तीको एनःआकाय्। ओहाङःसैको न्याम् थोङ्आ। न्याम् थोङ्आक्तीको पत्रुस् च्योक्ती ओउः सुम्चाक्कुस् आल्आकाय्। ओउःमयःकुस् यात्नीस्चाक् जोपा सहर्कोः येसुकायः ङ्हाम्ओलम्मा आल्आकाय्।
ओहाङःसैको ओउःमयः नोःसा ताक्माःत “लौ ङाकायः प्रभुइ झ्याल्खानसै दल्ताक्ती वानःआताङः” त दाय्ह्तीताङः पत्रुस्इ सबै मेस्लो स्याव्ओ कुरा ल्हाक्ती छ्यानःआथास। छ्यानःआक्तीको “द्याह् इ कुरा येसुकोः हौ याकुब्कायःमा अरु ङीकोः मान्तालम्कायःमा छ्यानःती तोनु दा” त दाय्ह्ती पत्रुस् ओउःमयःकः वेङ्ती अरु थाव्ताङ् आल्आ।
पोतेयोली सहर्हाङः ङी तीःजहास्सै ग्ल्युङ्ह्ती ओहाङः यात्नीस् येसुकायः ङ्हाम्ओलम्कुस् क्रुस्काय्आलाङी। क्रुस्काय्आक्तीको “ङीकुस् सात्दीन्कायःच्युक् मुन” त दाय्ह्ती तोआताङी। ओउःत हायःती ओउःमयःकुस् सात्दीन्कायः मुआक्तीको ङी आल्ती ल्याम्इ ल्याम्इ वाह्ती रोम् त तोओ ओउः सीजर् राजाकोः सबैसै ताङ्ह्ओ सहर्ताङ् दाह्खेःआलाङी।
लौ परमेस्वर्कायः “च्युता” त तोपाःथै दोह् हायःती दाय्ह्सा परमेस्वर्इ स्याव्ताक्ती झ्यान्ते ङी सैतान्कायः क्लीमःओलम् स्याव्ती ख्रीस्कुस् वाह्नाःतय्ही। म्हय्ङ्तो सय्ङ्ओलम् गाःताङ्मा थुह्ती आल्नाः ओउःलो लेखालेः ओउःकोः कुरा छ्यानःती चीःताक्साकायः परमेस्वर्इ ङीकायः सबै थाव्ताङ् ल्होक्आताङी।
ကြော်ငြာတွေ