खबरदुत 27:23 - चेपाङ23 तेन् याह्दीङ्हाङः ओउः ङाकायः राप्ओ ङाइ झाह्ती तोओ परमेस्वर्इ लयःकोः ल्होक्ओमयः ङाकःताङ् ल्होक्आताङः। အခန်းကိုကြည့်ပါ။ |
खबरदुत 27:23
41 ပူးပေါင်းရင်းမြစ်များ
ओहाङःसैको चौकीहाङः दाह्आक्तीको अनम्ह्कोः स्याङ्ह्लोहाङः याह्दीङ्हाङः लयः प्रभु येसुलेः ओउःकोः चीनःसै मुओ पावुल्इ च्यवःआकान्। एत च्यवःतोक्हाङः “लौ रैतेःचानाः। यरुसालेम्हाङः नाङ्इ ङाकोः कुरा छ्यानःती तोतेःआकान् द्याह् रोम् सहर्हाङःमा नाङ् ओउःतलेः ङाकोः कुरा तोसालेःतेः खेःतेःनाः” त दाय्ह्ती प्रभु येसुइ तोआथै।
ओहाङःसैको ओउःनीस्खे यरुसालेम्ताङ् पाय्ह्आकाच फीलीप्खेकायः यात्ज्योः परमेस्वर्कोः लाङ्कासै ल्होक्ओमयः थाती “लौ चीङ्अ यरुसालेम्सै ग्ल्युङ्ह्ओ गाजा त तोओ सहर्ताङ् आल्सा ल्याम्ताङ् आल्अ। ओउः ल्याम्पाय् मान्ता याक्गार्सीःमालो बेलाङ्हाङः प्लाक्ती आल्नाः” त दाय्ह्तीताङः फीलीप्कायः परमेस्वर्कोः ल्होक्ओमयःइ तोआथै।
इ चेती ङा पावुल्इ ङाकुस् दोङ् पेतो ङ्हाम्ओ हौ तीतस्कायः लेखती ल्होक्नेःनाङ्। ङाकायःपाय् परमेस्वर्कोः काम् जाङ्ह्साकायः येसु ख्रीस्इ छ्युङ्ह्ती ल्होक्आताङः। ओउःइ छीह्ओ मान्तालम्कायः पेतो ङ्हाम्ताक्साकायःमा ओउःकोः दोङ् कुरा पेतो चीःती वाह्ताक्साकायःमा परमेस्वर्इ छ्युङ्ह्आताङः। लोने दोःसा गलमा वाय्मालो रौ जीङःकायः ङीइ झाह्तीलेः ल्युङ्ह्ती मुनाङी। इ रौ जीङःकोः कुरापाय् ओउः गलमा माःताक्मालो परमेस्वर्इ उय्ह्लेहाङःसै ङीकायः तोती गम्ओ लेःआः। ओउःइपाय् लयःकोः क्रोःओ बेलाहाङः ओउः कुराकोः नोःराय् छ्यानःआकान्। ओहाङःसैको ओउः नोःराय्पाय् थोल्ह्ती तोसाकायः ङीकायः दल्ताक्सा परमेस्वर्इपाय् ङाकायःलेः बयःती ल्होक्आताङः। लौ तीतस्य ङीकोः परमेस्वर् आपाइमा ङीकायः दल्ताक्सा येसु ख्रीस्इमा नाङ्कायः योनःती योती ल्हुङ् धोमाय्ताक्तेःपाः।
ကြော်ငြာတွေ