ओउः मान्ताकोः चोः त तोओपाय् सीलाङ् आल्सा खेःतो। ओउःत हायःओ उय्ह्लेकोः आखरःहाङःलेः रय्ह्ती मुनाः। ओउःत स्याव्सा खेःसापाय् खेःलेःतो ओउः ङाकायः सात्सा दाक्ओ मान्ताकायःपाय् लोने गुच्युक् पेमालो न्युम्ह्नाःथै बा। ओउः मान्ताकोः आमाइ ओत्ओ दीन्पाय् गुच्युक् पेजेःमालो खेःतो। ओउः चोः ओत्माया पेजेःतो बा” त दाय्ह्ती येसुइ तोआथास।
खबरदुत 26:22 - चेपाङ22-23 परमेस्वर्इ ङाकायः दल्ताक्ती गम्धाङ्आताङः। ओउःत झ्यान्ते तेन्पाय् ङाइ इहाङःकोः मीओ मान्ताकायःमा ताङ्ह्ओ मान्ताकायःमा इ कुरा ल्हाक्ती तोनेःनाङ्स। ‘ओउः परमेस्वर्इ तोती गम्ओ ख्रीस् त तोओ वाङ्ती आन लीह्सीःओ च्यवःआक्तीको सीनाः। सीआक्तीको अरुसै ङ्हालेः रौ जीङः दोःती ओउःपाय् उह्ती च्योक्लेःनाः। ओउः येसुलेः ङ्हा स्यालःसाकायः उह्ती च्योक्आ त झ्यान्ते द्याह् नया समै दाङ्खेःआ त यहुदीलम्इमा अरु जात्कोः मान्तालम्इमा चीःसा खाय्नानी’ त दाय्ह्ती तोनाङःसु। इत तोओलेः मोसाइमा ओउः अरु उय्ह्लेहाङः मुओ परमेस्वर्कोः कुरा छ्यानःओमयःइमा लोन्ह्ते स्याव्सा कुरा चीःती ङ्हालेः स्यान्आकानी। ओउः उय्ह्ले तोओ कुरा तेन्छ्याङ् स्याव्ओ त झ्यान्ते ङाइमा ओउः कुरालेः स्यान्ती तोनाङः” त दाय्ह्तीताङः पावुल्इ तोआथास। အခန်းကိုကြည့်ပါ။ |
खबरदुत 26:22
42 ပူးပေါင်းရင်းမြစ်များ
ओहाङःसैको फीलीप् आल्ती यात्चाक् नथानएल् त तोओकायः क्रुस्आकान्। नथानएल्कायः क्रुस्आक्तीको “लौ ङीइ ओउः वाङ्सा खेःआ चाक्कायः क्रुस्आलाङःसु। ओउःकायःपाय् मोसाइमा अरु परमेस्वर्कोः कुरा छ्यानःओमयःइमा कुरा लेखआकानी। ओउःपाय् नासरेत् गाव्हाङः याक्ती मुओ युसेफ्त तोओकोः चोः येसु लेःआः बा” त दाय्ह्ती फीलीप्इ ल्हाक्ती तोआकान्।
ङाइ इतलेः ह जाङ्ह्आलाङः बा। येसु त तोओकोः कुराकायः ङ्हाम्ती जाङ्ह्ती ङाइ ङीकोः आय्कानः तोकानःकोः परमेस्वर्कायः झाह्ती तोलेःनाङः। येसुकोः कुराकायःपाय् इ यहुदीलम्खेइ ‘ङीइ स्यान्ओ कुरासै थे कुरा लेःआः’ त दाय्ह्ती तोनानी। ङाइ परमेस्वर्कायःमा झाह्ती तोलेःनाङः सबै मोसाकोः ऐन्कोः कुरामा उय्ह्लेकोः परमेस्वर्कोः कुरा छ्यानःओमयःइ तोओ कुरामा ङाइ सबै ङ्हाम्मानाङः।
ओउःत झ्यान्ते पावुल्इ येसुकोः कुरा तोती छ्यानःसा दीन् दोक्ती गम्आक्तीको ओउःनम् दीन्हाङः नाःतो यहुदीलम् पावुल् मुओ कीम्ताङ् हुम्ती वाङ्आकाय्। हुम्ती वाङ्आक्ती पावुल्इ येसुकोः कुरामा परमेस्वर्कोः राजीकोः कुरामा प्रीमाहाङःसै याह्दीङ्मा दाह्तोलेः स्यान्ती ओउः हुम्ओ मान्तालम्कायः तोआथास। उय्ह्लेहाङः लेखओ मोसाइ तोओ कुराहाङःमा परमेस्वर्कोः कुरा छ्यानःओमयःकोः कुराहाङःमा “ख्रीस्कायः दोह् दोह् लेखती मुनाः” त स्यान्ती तोती ओउःमयःकायः होम्सा बोङःआकान्।
अरु अरु जात्लम्पाय् ल्हुङ् मल्ह्तोलेः स्याव्आकाय् द्याह् नाङ्कोः ल्हुङ् मल्ह्ओ बेला दाह्ओआः बा। सीओलम्कायः तय्छनःती योसा बेलामा सबैकोः जाङ्ह्झ्याङ्कोः बयःसा बेलामा दाह्ओ लेःआः। नाङ्कोः काम् जाङ्ह्ओ कुरा छ्यानःती तोओलम्कायःमा नाङ्कायः ङ्हाम्ओलम्कायःमा नाङ्कोः मय्ङ् मनःओलम्कायःमा ताङ्ह्ओमा मीओमा सबैकायः काम् जाङ्ह्झ्याङ्कोः बयःसा बेला द्याह् दाह्ओआः। ल्हाव्ह्दैबाङ्कायः रेव्ताक्ती वाय्ताक्ओलम्कायःमा वाय्ताक्सा बेला दाह्ओ लेःआः बा” त दाय्ह्ती ओउः चौबीस् थालवःपालम् दाय्ह्आकाय्।
ओहाङःसैको सबै सीओलम् च्यवःआलाङः। ताङ्ह्ओमा मीओमा सबै ओउः राजा च्युङःसा थाव्कोः ङ्हासै चीङ्ती मुओ च्यवःआलाङः। ओहाङः फेल्ती गम्ओ कीताप्लम्मा मुओ खेःतो। ओहाङःसैको यात्ज्योः अरु कीताप् फेल्ओ खेःतो। ओउःपाय् ओउः जीङः नाःओलम्कोः कीताप् लेःआः। ओहाङःपाय् सीओलम्इ ङ्हा जाङ्ह्ओ काम्लम् लेखती मुनाः। ओउः कीताप् पह्रती ओउः सीओलम्कायः तय्छनःसा खाय्ओ खेःतो।
ကြော်ငြာတွေ