खबरदुत 26:18 - चेपाङ18 ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः। အခန်းကိုကြည့်ပါ။ |
खबरदुत 26:18
90 ပူးပေါင်းရင်းမြစ်များ
इत हायःसाकायः प्रभु परमेस्वर्इ उय्ह्लेहाङःसै तोआताङी ‘लौ यहुदी खेःमालो जात्लम्कायः स्यान्ती ल्हुङ् थोङ्ताक्साकायःमा सबै ल्हाव्ह्दैबाङ्हाङः ङाकोः दल्ताक्सा कुरा तोसाकायःमा ङाइ ल्होक्नेःनाङ्स’ त परमेस्वर् दाय्ह्ती दाय्ह्ओ कुरा लेखती मुनाः” त दाय्ह्ती पावुल् नीस् साथीचाःइ ओउः यहुदी मान्तालम्खेकायः तोआथास।
“लौ लःलयःकोः रेव्ओ काम् फेती परमेस्वर्कःताङ् द्यान्ह्ती ओउः पेओ काम् ग्यान। ओहाङःसैको नीङ्कः परमेस्वर्कोः ल्हुङ् मल्ह्ओ ल्हुङ्पाय् स्याक्आनाः। फेरी नीङ्इ एत हायःओ त छ्यानःसाकायः येसु ख्रीस्कोः मय्ङ् पेह्ती तीःहाङः बाप्तीस्मा त्याक्नु दा। ओउःत हायःआक्तीको नीङ्कायःमा परमेस्वर्कोः ग्वालामः दोःतेःनै।
फेरी ङीपाय् परमेस्वर्कोः चोःलम् खेःनाःतय्ही त खेःया ङी चोःलम्लो लेखालेः परमेस्वर् आपासै पेओ दान् दोःनाःतय्ही। दोह् दोह् पेओलम् परमेस्वर्इ ख्रीस्कायः सेती गम्लेःआकान् ओउःलेः येसु ख्रीस्कुस्इ थाःतोलेः त्याक्मातय्ह्नी। ङीइ ख्रीस्कुस् लीह्सीःओ गोरःमानाःतय्ह्नी त खेःया ओउःकुस् ब्राङ्ती ताङ्ह्तोलेः स्याव्मानाःतय्ही।
ओउःत हायःआक्तीकोमा ख्रीस्इपाय् नया होम्काय्ती गम्ओ कुरा जाङ्ह्सा खाय्नौ। ओहाङःसैको सुसुकायः परमेस्वर्इ गोत्आथास ओउः मान्तापाय् ओउःइ बयःओ गलमा द्योक्मालो पेओ कुरा दोःनै दोह् हायःती दाय्ह्सा ख्रीस् सीलेःआ ओउःकोः सीधार्नालेः ओउः ङ्हाकोः होम्काय्ओ कुरा गम्तोक्हाङः जाङ्ह्ओ रेव्ओ काम्सै मान्तालम् पेङ्कलःतोलेः स्याव्नै।
नीङ्खे आने ओउः खाल्कोः मान्तालेः खेःतेःइली। नीङ्खेपाय् परमेस्वर्इ लयः छीह्ओमयःलेःतेः इ। राजाकोः पुरोहीत्लो लेखा स्याव्ती नीङ् रेव्ओसै पेङ्कलःती जय्कुमःत मुओ परमेस्वर्कोः लयःकोः मान्तालम्लेःतेः इ। ओउःत खेःओ “परमेस्वर्पाय् गुच्युक् पेओलेः हायःआकान्” त नीङ्इ अरुकायः छ्यानःती तोसाकायःलेः ओउःइ नीङ्कायः “लौ नीङ्कोः च्याक्ओमा रेव्तो वाह्ओसै फेती ङाकोः पेओ थोङ्तो स्याव्ओहाङः वाह्लाङ् वाङ्न” त दाय्ह्ती गोत्ती तोतेःआकाय्।
ကြော်ငြာတွေ