खबरदुत 25:6 - चेपाङ

⁶ एत त्‍याङ्आक्‌तीको यरुसालेम्‌हाङः आत् नौ दीन्‌कायः मुआक्‌तीको फेस्‍तस्‌पाय् सीजारीयाताङ् द्यान्‍ह्‌ती आल्आ। ओहाङः वाङ्‌ती दाह्आक्‌तीको अनम्‍ह्‌कोः स्‍याङ्‌ह्‌लोहाङः फेस्‍तस्‌पाय् अन्‍चलादीस्‌कोः कुरा सायःती तात्ओ अदालात् कीम्‌ताङ् आल्आ। ओउः कीम्‌ताङ् दाह्‌ती च्‍युङःआक्‌तीको “लौ पावुल्‌कायः वानःपानी” त दाय्‍ह्‌ती गानाक्‌ती तोआकान्।

खबरदुत 25:6 ပူးပေါင်းရင်းမြစ်များ

मत्ती 27:19

ओहाङःसैको ओउः दर्‌बाल्‌हाङः च्‍युङःती मुतोक्‌हाङः पीलातस्‌कोः बुधीइ ओउःकःताङ् समचार्‌ ल्‍होक्आथै “लौ इ पेओ मान्‍ताकायः दोह्‌मा रेव्‌तो हायःताक्‌लाम् दोह् हायःती दाय्‍ह्‌सा तेन्‌कोः रात्‌हाङः ङाइ ओउःकायः माङःखाहाङः च्‍यवःती आन लीह्‌सीःओ दोःआलाङः बा” त दाय्‍ह्‌ती तोसा ल्‍होक्आकान्

युहना 19:13

एत गोःओ सायःआक्‌तीको पीलातस्इ येसुकायः बाहीरताङ् बाङ्इ न्‍हाप्ओ थाव्‌ताङ् वानःती लयःकोः आधीकारीकोः थतीहाङः च्‍युङःआ। ओउः थाव्‌पाय् हेब्रैनीकोः नोःओहाङः “गबाथा” त तोओ लेःआः। ओहाङःसै ओउः बेलाहाङः न्‍याम् तोकोतोय्‍ह् त स्‍याव्आ छ्यात्‌कोः सुक्रबार्‌ दीन्‌हाङः।

खबरदुत 25:1

ओहाङःसैको अन्‍चलादीस् स्‍याव्आक्‌तीको सुम्‌दीन्‌हाङः पोर्‌स्‍युस् फेस्‍तस् त तोओ सीजारीयासै आल्‌ती यरुसालेम्‌ताङ् दाह्आ।

खबरदुत 25:10

“खेःल इहाङः सीजर्‌ राजाकोः अन्‍चलादीस् कीम्‌हाङःलेः ङाकोः कुरा सायःती तात्‌ती वाय्‌सा त्‍याक्‌नौ। यहुदी मान्‍तालम्‌कायः ङाइ दोह्‌मा रेव्‌तो जाङ्‌ह्आक्‌ङुसुलु इत नाङ्इ पेतो चीःतेःनौ।

खबरदुत 25:17

ओउःत झ्‍यान्‍ते ओउः यहुदीलम्‌कोः गाल्‌तुम्‌ती नोःओ मान्‍तालम्‌पाय् इहाङः हुम्‌लाङ् वाङ्आकाय्। वाङ्आक्‌तीको अनम्‍ह्‌कोः स्‍याङ्‌ह्‌लोहाङः भेक्‌ताक्‌माःतोलेः ङा अन्‍चलादीस्‌कोः अदालात् कीम्‌ताङ् आल्‌ती च्‍युङःती ओउः पानःओ मान्‍ताकायः वानःआक्आलाङः।

खबरदुत 25:4

ओउःतलेः फेस्‍तस्‌कः तेइतो ओउःपाय् ग्‍यामाःत “खेःल ओउःत हायःसा परल। पावुल्‌कायः सीजारीयाहाङः राक्‌तीआः गम्‌लेःनाङः स्‍याङ्‌ह् चीत्‌सै ङामा ओहाङः द्यान्‍ह्‌ती आल्‌नाङः।

खबरदुत 25:5

ओउःत झ्‍यान्‍ते नीङ्‌मा नीङ्‌कोः ताङ्‌ह्ओ मान्‍तालम्‌मा ङाकुस् आल्‌तेःपै। ओहाङःसैको पावुल्‌पाय् पेमालो हायःआकान् त खेःया ओउःमयःइ सीजारीयाहाङः ओउःकायः गाल्‌तुम्‌ती नोःपानी” त दाय्‍ह्‌ती अन्‍चलादीस् फेस्‍तस् त्‍याङ्आ।

खबरदुत 8:40

फीलीप्‌खे आस्‍दोद् सहर्‌ताङ् दाह्‌ती ओहाङःसै ओहाङःकोः वेङ्‌ह्‌ग चीङ्‌ह्‌ग मुओ गाव् गाव्‌गन आल्‌ती येसुकोः पेओ कुरा थोल्‍ह्‌ती तोदा तोदा सीजारीया देस्‌ताङ् दाह्‌ती वाङ्आ।

२ कोरीन्‍थी 5:10

ङीकोः काम् तय्‌छनःती योसाकायः यात्‌नम् दीन्‌हाङः ङी सबै ख्रीस्‌कःहाङः चीङ्‌लाङ् आल्‌सा परनाःतय्‍ही ओहाङःसैको ल्‍हाव्‍ह्‌दैबाङ्‌हाङःकोः मुतोक्‌हाङः ङी पेतो जाङ्‌ह्आतय्‍ह्‌नी त खेःया लोने पेओलेः दोःनाःतय्‍ही। खेःल ङी पेमालो जाङ्‌ह्आतय्‍ह्‌नी त खेःया पेमालोलेः दोःनाःतय्‍ही।

याकुब् 2:6

ओउः खाल्‌कोः मान्‍तालम्‌कायः परमेस्‍वर्‌खेइ पेतोलेः हायःउतो नीङ्‌खेइ ओउःमयःकायः मीतो योती झ्‍यान्‍ते पेमालोतेः हायःतेःनानी बा। फेरी साहुलम्इ नीङ्‌कोः पैसा जेःबत्‌तेःनै माःर। नीङ्‌कायः मुत्‍ध जाङ्‌ह्‌ती न्‍यादेस्‌कःताङ् लात्‌ती आलःतेःनै।