खबरदुत 25:26 - चेपाङ

²⁶ ल्‍होक्‌सापाय् ल्‍हाक्‌चाङः ‘ओउः ल्‍होक्ओ मान्‍ताकायः ङाइ दोह् दोह् कुराहाङः लेखती सीजर्‌ राजाकायः छ्यानःती तोचाङः’ दाय्‍ह्‌ती ओउः मान्‍ताकोः कुरा सायःसा थेङा ओउःकायः नाङ् अग्रीपा राजाकःताङ्‌लेः नीङ् सबैकःताङ्‌मा द्याह् वानःआलाङः। ओहाङःसैको ओउःकोः कुरा पेतो सायःआक्‌तीको ङाइ गाल्‌तुम्‌ती नोःसा कुरा लेखसा खाय्‌नाङः यादो।

खबरदुत 25:26 ပူးပေါင်းရင်းမြစ်များ

खबरदुत 25:25

ओउःकायः ‘सात्‌पाःथै’ त आन नोःनीतो ओउःकायः दोह् हायःती सात्‌सा दाय्‍ह्ओ कुरा गाल्‌तुम्‌ती नोःओपाय् ङाइ पेतो सायःधाङ्‌ङल। ओउःइ ‘लौ ङाकोः कुरा सीजर्‌ राजाइ लयः सायःती तात्‌पौ’ त दाय्‍ह्‌ती झ्‍यान्‍ते ङाइ ओउःकायः सीजर्‌ राजाकःताङ् ल्‍होक्‌सा बोङःनाङः।

खबरदुत 25:27

ओउः मान्‍ताकायः गाल्‌तुम्‌ती नोःओ कुरा लेखमामाःत ङाइ गत हायःती सीजर्‌ राजाकःताङ् ल्‍होक्‌सा खाय्‌चाङः” त दाय्‍ह्‌ती फेस्‍तस् अन्‍चलादीस् दाय्‍ह्आ।