युहनाकायः सात्सापाय् बोङःउतो हेरोद् राजाइ ताक्आक्थाल। “ओउःच्युक् पेओ परमेस्वर्कायः चीःओ मान्ताकायः सात्सा जुगाङ् स्याव्ल” त दाय्ह्ती युहनाकः रैती ओउःकायः पानःती झ्याल्खानहाङः थुनती गम्ओ ह। युहनाकायः झ्याल्खानहाङः गम्तोक्हाङः बेला बेलाहाङः हेरोद् राजाइ ओउःकायः गोत्ती वानःती ओउःइ तोओ कुरा झाक्ती सायःउतो “लौ ङा दोह् हायःचाङः दोह् हायःचाङः” त दाय्ह्ती आन ग्याङ्ह्ती मुओ खेःतो।
खबरदुत 24:24 - चेपाङ24 ओहाङःसैको लोन्ते फेलीकस्पाय् ओउःकोः यहुदी जात्कोः बुधी द्रुसीला त तोओकुस् द्यान्ह्ती वाङ्ती पावुल्कायः गोत्ती ओउःइ तोओ कुरा फेरीलेः सायःआकाच। အခန်းကိုကြည့်ပါ။ |
खबरदुत 24:24
13 ပူးပေါင်းရင်းမြစ်များ
तोतोक् बेलाहाङः “येसुकोः कुरा दोह् दोह् ङ्हाम्सा खेःतो” त पावुल्इ स्यान्ती “मान्तालम्इ लयःकोः रेव्ओकायः जाङ्ह्सामा म्हर्सामा स्याव्ल। सुसुलोइ पेमालो काम् फेसा ग्याइली लोनेः वाङ्सा दीन्हाङः ओउःमयःकायःलेः परमेस्वर्इ न्युम्ह्ताक्नाःथास” तमा पावुल्इ स्यान्ती तोतोक्हाङः फेलीकस्पाय् ल्हुङ् र्याङःती रैती “लौ छ्यो द्याह् इच्युक्लेः स्याव्पाः। आल्अ दा अरु काम् नाःमाःत य्हाङःओ बेलाहाङः ङाइ फेरी सायःलाङ् गोत्चेःनाङ्” त दाय्ह्ती पावुल्कायः ल्होक्आथै।
परमेस्वर्इ ङाकायः दल्ताक्ती गम्धाङ्आताङः। ओउःत झ्यान्ते तेन्पाय् ङाइ इहाङःकोः मीओ मान्ताकायःमा ताङ्ह्ओ मान्ताकायःमा इ कुरा ल्हाक्ती तोनेःनाङ्स। ‘ओउः परमेस्वर्इ तोती गम्ओ ख्रीस् त तोओ वाङ्ती आन लीह्सीःओ च्यवःआक्तीको सीनाः। सीआक्तीको अरुसै ङ्हालेः रौ जीङः दोःती ओउःपाय् उह्ती च्योक्लेःनाः। ओउः येसुलेः ङ्हा स्यालःसाकायः उह्ती च्योक्आ त झ्यान्ते द्याह् नया समै दाङ्खेःआ त यहुदीलम्इमा अरु जात्कोः मान्तालम्इमा चीःसा खाय्नानी’ त दाय्ह्ती तोनाङःसु। इत तोओलेः मोसाइमा ओउः अरु उय्ह्लेहाङः मुओ परमेस्वर्कोः कुरा छ्यानःओमयःइमा लोन्ह्ते स्याव्सा कुरा चीःती ङ्हालेः स्यान्आकानी। ओउः उय्ह्ले तोओ कुरा तेन्छ्याङ् स्याव्ओ त झ्यान्ते ङाइमा ओउः कुरालेः स्यान्ती तोनाङः” त दाय्ह्तीताङः पावुल्इ तोआथास।
ओउःतलेः खेःनाःतय्ही ऐन्कोः कुरा जाङ्ह्ती परमेस्वर्कोः मीक्हाङः सुइमा जुगाङ् पेतोलेः स्याव्सा खाय्तय्ह्नीली। येसु ख्रीस्कोः कुरा ङ्हाम्आक्तीको ह पेतो छय्ङ्तोलेः स्याव्नाःतय्ही। एत चीःती ङी यहुदीलम्इमा परमेस्वर्कोः मीक्हाङः पेतो स्याव्साकायः येसु ख्रीस्कोः कुरा ङ्हाम्नाःतय्ह्नी ऐन्कोः कुरा जाङ्ह्तय्ह्नीली दोह् हायःती दाय्ह्सा ऐन्कोः कुरा जाङ्ह्ती परमेस्वर्कोः मीक्हाङः सुमा पेतो स्याव्इली।
ကြော်ငြာတွေ