खबरदुत 24:14 - चेपाङ14 ङाइ इतलेः ह जाङ्ह्आलाङः बा। येसु त तोओकोः कुराकायः ङ्हाम्ती जाङ्ह्ती ङाइ ङीकोः आय्कानः तोकानःकोः परमेस्वर्कायः झाह्ती तोलेःनाङः। येसुकोः कुराकायःपाय् इ यहुदीलम्खेइ ‘ङीइ स्यान्ओ कुरासै थे कुरा लेःआः’ त दाय्ह्ती तोनानी। ङाइ परमेस्वर्कायःमा झाह्ती तोलेःनाङः सबै मोसाकोः ऐन्कोः कुरामा उय्ह्लेकोः परमेस्वर्कोः कुरा छ्यानःओमयःइ तोओ कुरामा ङाइ सबै ङ्हाम्मानाङः। အခန်းကိုကြည့်ပါ။ |
खबरदुत 24:14
44 ပူးပေါင်းရင်းမြစ်များ
ओहाङःसैको उय्ह्लेकोः मोसाइ तोओ ऐन्कोः कुरामा परमेस्वर्कोः कुरा छ्यानःओमयःइ लेखओ कुरामा ओउःपाय् बाप्तीस्मा बयःओ युहनाकोः बेलाहाङःच्युक्कायः बयःओ खेःतो। बाप्तीस्मा बयःओ युहना वाङ्आक्तीको परमेस्वर्कोः राजीकोः पेओ कुरालेः थोल्ह्ती तोओ लेःआः। द्याह् परमेस्वर्कोः राजीहाङः मान्तालम्इ जोक्तोलेः पोक्सा बोङःनानी।
ओहाङःसैको फीलीप् आल्ती यात्चाक् नथानएल् त तोओकायः क्रुस्आकान्। नथानएल्कायः क्रुस्आक्तीको “लौ ङीइ ओउः वाङ्सा खेःआ चाक्कायः क्रुस्आलाङःसु। ओउःकायःपाय् मोसाइमा अरु परमेस्वर्कोः कुरा छ्यानःओमयःइमा कुरा लेखआकानी। ओउःपाय् नासरेत् गाव्हाङः याक्ती मुओ युसेफ्त तोओकोः चोः येसु लेःआः बा” त दाय्ह्ती फीलीप्इ ल्हाक्ती तोआकान्।
ओहाङःसैको मोसाइ बयःओ ऐन्मा उय्ह्लेकोः परमेस्वर्कायः कुरा छ्यानःओलम्इ लेखओ कुरामा पह्रआक्तीको ओउः थनःओ कीम्कोः ताङ्ह्ओ मान्तालम्इ पावुल् बर्नाबास् नीस्कायःमा गोत्आथाच “लौ पुःनीस् नीङ्जी ल्हुङ् र्यानःओ कुरा मुनाः त खेःया इ हुम्ओ मान्तालम्कायः नोःनु दा” त दाय्ह्ती ओउःनीस्कायः तोआथाच।
परमेस्वर्इ ङाकायः दल्ताक्ती गम्धाङ्आताङः। ओउःत झ्यान्ते तेन्पाय् ङाइ इहाङःकोः मीओ मान्ताकायःमा ताङ्ह्ओ मान्ताकायःमा इ कुरा ल्हाक्ती तोनेःनाङ्स। ‘ओउः परमेस्वर्इ तोती गम्ओ ख्रीस् त तोओ वाङ्ती आन लीह्सीःओ च्यवःआक्तीको सीनाः। सीआक्तीको अरुसै ङ्हालेः रौ जीङः दोःती ओउःपाय् उह्ती च्योक्लेःनाः। ओउः येसुलेः ङ्हा स्यालःसाकायः उह्ती च्योक्आ त झ्यान्ते द्याह् नया समै दाङ्खेःआ त यहुदीलम्इमा अरु जात्कोः मान्तालम्इमा चीःसा खाय्नानी’ त दाय्ह्ती तोनाङःसु। इत तोओलेः मोसाइमा ओउः अरु उय्ह्लेहाङः मुओ परमेस्वर्कोः कुरा छ्यानःओमयःइमा लोन्ह्ते स्याव्सा कुरा चीःती ङ्हालेः स्यान्आकानी। ओउः उय्ह्ले तोओ कुरा तेन्छ्याङ् स्याव्ओ त झ्यान्ते ङाइमा ओउः कुरालेः स्यान्ती तोनाङः” त दाय्ह्तीताङः पावुल्इ तोआथास।
ओउःत झ्यान्ते पावुल्इ येसुकोः कुरा तोती छ्यानःसा दीन् दोक्ती गम्आक्तीको ओउःनम् दीन्हाङः नाःतो यहुदीलम् पावुल् मुओ कीम्ताङ् हुम्ती वाङ्आकाय्। हुम्ती वाङ्आक्ती पावुल्इ येसुकोः कुरामा परमेस्वर्कोः राजीकोः कुरामा प्रीमाहाङःसै याह्दीङ्मा दाह्तोलेः स्यान्ती ओउः हुम्ओ मान्तालम्कायः तोआथास। उय्ह्लेहाङः लेखओ मोसाइ तोओ कुराहाङःमा परमेस्वर्कोः कुरा छ्यानःओमयःकोः कुराहाङःमा “ख्रीस्कायः दोह् दोह् लेखती मुनाः” त स्यान्ती तोती ओउःमयःकायः होम्सा बोङःआकान्।
इ स्याक्ताक्साकायः ङीकोः आय्कानः तोकानःइ झाह्ती तोओ परमेस्वर्इ जाङ्ह्आकान्। ङीकोः आब्राहाम् इसाक् र याकुब् त तोओ तोकानःलम्इ झाह्ओ परमेस्वर् ओउःइलेः लयःकोः काम् जाङ्ह्ओ येसुकायः ताङ्ह्तो स्याव्ताक्साकायः इ मेस्कोः ग्याङ्ह्राय् जाङ्ह्ताक्आकान्। नीङ्खेइ इ येसुकायः चुम्ती पानःआक्तीको ओउः पीलातस् त तोओ अन्चलादीस्कःताङ् दाक्तेःआकानी। दाक्आक्तीको पीलातस्खेइ येसुकायः फेसा बोङःउतो ती नीङ्खेइ ‘ओउःकायः फेलाम्’ ततेः तोतेःआकानी।
“लौ ‘ओउः येसुकायः ङ्हाम्ओमयःकायः थुनपाःथास’ दाय्ह्ती ङाकायः चेती लेखधाङ्ची” त दाय्ह्ती सावुल्इ प्रधान् पुरोहीत्कायः दर्कास् बयःआकान्। “ओउः चेती लात्ती ङाइ दामास्कस् सहर्कोः थनःओ कीम्कोः मान्तालम्कायः छ्यानःआक्तीको ओउःमयःइ ओउःहाङः मुओ येसुकायः ङ्हाम्ओमयः चुम्सा ताक्चाःताङः। ओउः ङ्हाम्ओमयःपाय् मोमःचोःलम्मा गोय्चोःलम्मा चुम्ती दोःआक्तीको ओउःमयःकायः ङाइ पानःती इहाङः वानःचाङःसु” त दाय्ह्ती प्रधान् पुरोहीत्कः चेती तेआ।
ओउःमयः येसु ख्रीस्कोः ग्वालामः दोःती “ओउः लोने वाङ्सा खेःओ चाक्पाय् लीह्सीःओ गोरःआक्तीको लोने आन पेतोमा तोङ्ह्तोलेः स्याव्लेःनाः” त दाय्ह्ती ङ्हासै येसु ख्रीस्कोः कुरा छ्यानःआकानी। ओउःच्युक्पाय् छ्यानःसापाय् छ्यानःनीतो ओउः बेलाहाङः गतलो दाङ्नाः गलखा वाङ्नाः त चीःसाकायः आन बोङःआकानी।
ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा।
ကြော်ငြာတွေ