खबरदुत 23:19 - चेपाङ

¹⁹ ओउःत तोआक्‌तीको पावुल्‌कोः भनीस्‌कायः क्रुत्‌हाङः चुम्‌ती अरुइ सायःसा खाय्‌मालोहाङः आलःती “लौ ङाकायः दोह्‌त तोसा खेःतेःतो” त दाय्‍ह्‌ती हाकीम्इ व्‍हत्आथै।

खबरदुत 23:19 ပူးပေါင်းရင်းမြစ်များ

मर्‌कस् 10:51

येसुकःताङ् वाङ्आक्‌तीको “लौ नाङ्‌कायः दोह् हायःचेःनाङ्” त दाय्‍ह्‌ती येसुइ व्‍हत्आथै “अ प्रभु ङाकोः मीक् स्‍याक्‌ताक्‌बत्‌ची दै” त दाय्‍ह्‌ती ओउः मान्‍ता तेआ।

मर्‌कस् 8:23

एत तेती तोआक्‌तीको येसुइ ओउः मीक् लोक्ओ मान्‍ताकायः गाव् बाहीरताङ् ज्‍योती लात्‌ती आलःआथै। ओहाङः आलःआक्‌तीको येसुइ ओउः मीक् लोक्ओ मान्‍ताकोः मीक्‌हाङः द्युर्‌ द्युरःती लयःकोः क्रुत्इ झाम्आथै। क्रुत् झाम्आक्‌तीको “लौ नाङ्इ द्याह् च्‍यवःतेःनौया च्‍यवःतेःधाङ्‌तेःउलुया” त दाय्‍ह्‌ती व्‍हत्आथै।

मर्‌कस् 9:27

येसुइ ओउःकोः क्रुत् चुम्‌ती च्‍योक्‌ताक्आकान्। च्‍योक्आक्‌तीको ओउः गोय्‌चोः लयःलेः चीङ्आ।

युहना 18:12

एत तोआक्‌तीको ओउः सीपाहीलम्‌कोः हवल्‌दार्‌इमा ओउः यहुदीकोः मान्‍तालम्इमा येसुकायः चुम्‌ती पानःआक्‌तीको

खबरदुत 17:19

ओहाङःसैको ओउः नया कुरा पेतो सायःसाकायः ओउः मान्‍तालम्इ पावुल्‌कायः अरीओपागुस् त तोओ हुम्‌सा थाव्‌ताङ् आलःआथै।

खबरदुत 23:18

ओहाङःसैको पावुल्‌कोः भनीस् लात्‌ती आलःती हाकीम्‌कःताङ् दाक्आथै “लौ इ लाव्‌मयः मान्‍ताकायः ‘हाकीम्‌कःताङ् आलःउ दा। ओउःइ हाकीम्‌कायः यात्‌ज्‍योः कुरा छ्यानःसा खेःतो’ त दाय्‍ह्‌ती नाङ्इ राक्‌ती गम्ओ पावुल् त तोओइ ङाकायः तोती ल्‍होक्आताङः” त दाय्‍ह्‌ती ओउः सुबेदार्‌इ हाकीम्‌कायः तोआकान्।

खबरदुत 23:20

एत व्‍हत्आक्‌तीको “यहुदीलम्इ ‘ङीइ पावुल्‌कोः कुरा पेतो सायःती चीःसाकायः ओउःकायः ङीकोः सभा कीम्‌ताङ् दाक्‌ती वानःउ दा’ त दाय्‍ह्‌ती होम्‌काय्‌ती नाङ्‌कायः माःती दर्‌कास् ल्‍होक्‌तेःनाः।