खबरदुत 23:17 - चेपाङ

¹⁷ एत छ्यानःआक्‌तीको पावुल्इ यात्‌चाक् सुबेदार्‌कायः गोत्‌ती “लौ इ मान्‍ताकायः हाकीम्‌कःताङ् आलःउ दा। ओउःइ हाकीम्‌कायः यात्‌ज्‍योः कुरा छ्यानःसा खेःतो” त दाय्‍ह्‌ती सुबेदार्‌कायः तोआकान्।

खबरदुत 23:17 ပူးပေါင်းရင်းမြစ်များ

मत्ती 10:16

लौ नीङ्‌कायःपाय् ङाइ रेव्ओलम्‌कःगन ल्‍होक्‌नेःनाङ्‌स इतलेः नीङ्‌पाय् पारःकुयःकःगन ल्‍होक्ओ भेदामेत्‌छ्याःलो लेखा स्‍याव्‌तेःनै ओउःत झ्‍यान्‍ते नीङ् आन व्‍हाय्‌तोमा छय्‍ङ्‌तोमा हायःसा खेःतेःनै।

युहना 18:12

एत तोआक्‌तीको ओउः सीपाहीलम्‌कोः हवल्‌दार्‌इमा ओउः यहुदीकोः मान्‍तालम्इमा येसुकायः चुम्‌ती पानःआक्‌तीको

खबरदुत 22:26

एत पावुल्इ नोःओ कुरा सायःआक्‌तीको ओउः सुबेदार्‌इ हाकीम्‌कायः छ्यानःलाङ् वाङ्आ। वाङ्आक्‌तीको “ङीइ दोह् हायःसा बोङःनाःतय्‍हनी हाकीम्‌य। ओउः मान्‍तापाय् रोमी सहर्‌कोः मान्‍ता लेःआः बा” त दाय्‍ह्‌ती हाकीम्‌कायः छ्यानःती तोआथै।

खबरदुत 23:16

एतलेः नोःकाय्इतो ओउःमयःइ तोओ कुरा पावुल्‌कोः भनीस् सायःआकान्। सायःआक्‌तीको चौकीताङ् आल्‌ती ओउःइ सायःओ कुरापाय् पावुल्‌कायः छ्यानःआथै।

खबरदुत 23:18

ओहाङःसैको पावुल्‌कोः भनीस् लात्‌ती आलःती हाकीम्‌कःताङ् दाक्आथै “लौ इ लाव्‌मयः मान्‍ताकायः ‘हाकीम्‌कःताङ् आलःउ दा। ओउःइ हाकीम्‌कायः यात्‌ज्‍योः कुरा छ्यानःसा खेःतो’ त दाय्‍ह्‌ती नाङ्इ राक्‌ती गम्ओ पावुल् त तोओइ ङाकायः तोती ल्‍होक्आताङः” त दाय्‍ह्‌ती ओउः सुबेदार्‌इ हाकीम्‌कायः तोआकान्।

खबरदुत 23:23

पावुल्‌कोः भनीस्‌कायः ल्‍होक्आक्‌तीको ओउः हाकीम्इ नीस्‌चाक् सुबेदार्‌ गोत्‌ती वानःआकान् “लौ द्याह्‌मयः नौबजे याह्‌दीङ्‌हाङः सीजारीयाताङ् आल्‌साकायः दुय्‌सै सीपाहीलम् चीङ्‌ताक्‌जु। ओउःमयःकुस्‌मा सत्री घोरा लन्‍ह्ओ सीपाहीलम्‌मा दुय्‌सै भाला लात्ओ सीपाहीलम्‌मा आल्‌सा खेःतो।