खबरदुत 22:30 - चेपाङ30 ओहाङःसैको अनम्ह्कोः स्याङ्ह्लोहाङः “इ मान्ताकः दोह् हायःतीलेः यहुदीलम्कोः ओउःच्युक् ल्हुङ् मल्ह्ओ खेःइतो” त ग्याङ्ह्ती म्हर्ती पावुल्कायः साङ्लाइ फास्ती ओउः यहुदीकोः ताङ्ह्ओ पुरोहीत्लम्मा सभाकोः मान्तालम्कायःमा हुम्लाङ् गोत्आक्तीको ओउःमयःकःताङ् पावुल्कायः वानःती चीङ्ताक्आकान्। အခန်းကိုကြည့်ပါ။ |
खबरदुत 22:30
13 ပူးပေါင်းရင်းမြစ်များ
‘लौ सुसु लयःकोः मान्ताकःताङ् ल्हुङ् ह जीक्ती मुचनै ओउःमा न्युम्ह्तोलेः स्याव्नाः’ त दाय्ह्ती ङाखेइ तोनेःनाङ्स बा। फेरी सुसुइ लयःकोः मान्ताकायः ‘वाःतकलङ्’ त दाय्ह्ती तोचानी ओउःकायःलेः सभाकोः मान्तालम्इ न्युम्ह्ताक्सा स्याव्नाः। सुसुइ लयःकोः मान्ताकायः ‘लौ नाङ्कायः परमेस्वर्इ स्राप्तेःनाः’ त दाय्ह्ती तोचानी ओउःलेः नरककोः म्हेःहाङः सीलाङ् आल्खेःनै।
ङीकःताङ् दाह्ती वाङ्आक्तीको आगाबस् त तोओइ पावुल्कोः तोङःनाय् त्याक्ती ओउःकोः लयःकोः दोम् क्रुत् पानःती “लौ इ तोङःनाय् मुह्ती मुओ मान्ताकायः इतलेः ‘यरुसालेम्कोः यहुदीलम्इ पानःती गम्आक्तीको ओउःकायः अरु जात्कोः मान्तालम्कायः दाक्नाःथै’ त दाय्ह्ती ङाकायः परमेस्वर्कोः ग्वालामःइ तोआताङः” त दाय्ह्ती आगाबस्इ तोआताङी।
इतलेः इहाङःकोः प्रधान् पुरोहीत्इमा सबै सभाकोः ताङ्ह्ओ मान्तालम्इ चीःनानी। ओउः सभाकोः मान्तालम्इ दामास्कस्हाङः मुओ यहुदीलम्कायः चेती लेखती ‘दामास्कस्हाङः मुओ येसुकायः गुल्ह्ओमयः चुम्ती यरुसालेम्ताङ् न्युम्ह्ताक्लाङ् वानःपाःथास’ त दाय्ह्ती ल्होक्आताङः। ओहाङःसैको ङा इ चेतीलम् लात्ती दामास्कस् सहर्ताङ् आल्आलाङः।
ओउः हुम्ओ मान्तालम्कःहाङः चीङ्ती पावुल्इ ओउःमयःकायः धय्ती योती “लौ पुःचोङ् हौचोङ्य ङाइ गलमा परमेस्वर्कोः मीक्हाङः पेतो जाङ्ह्ती वाह्आलाङः तेन्छ्याङ्मा ओउःतलेः वाह्लयःनाङः” त दाय्ह्ती तोउतो ओउः कुरा सायःती ओउः प्रधान् पुरोहीत् हननाया त तोओइ पावुल्कोः चीनःसै चीङ्ती मुओलम्कायः तोती ओउःकायः पाङःती घान्ताक्आथै।
ओउःत झ्यान्ते नीङ्पाय् ओउः सभाकोः मान्तालम्कुस् हाकीम्कायः दर्कास्कोः चेती ल्होक्नु दा। ‘इ पावुल्कोः कुरा पेतो सायःती चीःसाकायः ओउःकायः फेरीलेः सभाताङ् वानःपाःथै’ त लेखती हाकीम्कायः चेती ल्होक्नु। ल्होक्आक्तीको पावुल्कायः इहाङः वानःतोक् बेलाहाङः ङीइ सबै ल्याम्हाङः फाती ल्युङ्ह्ती सभाताङ् दाह्माखाहाङः सात्नाङःसु” त दाय्ह्तीताङः ओउः कीरीया जेःओलम्इ तोआकानी।
एत त्याङ्आक्तीको ओउः हुम्ओ मान्तालम्हाङः आधाखे सादुकी त तोओलम् खेःइतो आधाखे फरीसी त तोओलम् खेःइतो त पावुल्इ च्यवःआकान्। ओउः फरीसी त तोओलम्खेइ “मान्ता सीआक्तीको नया जीङः दोःनाः” त स्यान्नानी। फेरी “परमेस्वर्कोः लाङ्काकोः ल्होक्ओमयःमा नाःनाः मान्ताकोः गलमा ह्र्योङःमालो जीङःमा नाःलेःनाः” तमा स्यान्ती तोनीतो ओउः सादुकी त तोओलम्खेइ “खेःल इ कुरालम्पाय् दोह्मा नाःल” त स्यान्ती तोनानी। ओउःत झ्यान्ते पावुल् चीङ्ती “लौ पुःचोङ् हौचोङ्य ङापाय् यात्चाक् फरीसी लेःआः ङ। फेरी फरीसीकोः चोःमा ङालेः खेःनाङः। ओहाङःसै ‘मान्ता सीआक्ती रौ जीङः दोःलेःनाः’ त ङाइ स्यान्ती तोओ खेःतो ओउःत झ्यान्ते ङापाय् इहाङःलेः कुरा सायःलाङ् वानःओलेः मुनाङः” त दाय्ह्ती पावुल्इ तोआथास। ओउःत तोआक्तीको ओउः फरीसी त तोओलम्मा सादुकी त तोओलम्मा आन काय्काय्ती तानःकाय्ती ओउः फरीसीलम्खेइ “माः रैस पावुल्कोः कुरा दोङ् कुरा लेःआः” त दाय्ह्ती दाय्ह्इतो “खेःल ओउः कुरापाय् स्याव्ल” त दाय्ह्ती सादुकीलम्खे त्याङ्आकाय्।
ओउःत नोःआक्तीको “ङाइ नाङ्कायः ज्याङःतोकायः होम्ती नोःसाया ज्याङःमालोकायः नोःसाया ङाइ नाङ्कायः जुगाङ्लेः होम्सा बोङःनाङः। नाङ्मा इहाङःकोः मुओलम्मा ‘इ सबै ङालो लेखा स्याव्सा आन पेनाः’ त म्हर्ती परमेस्वर्कः तेती तोनेःनाङ्स। इ साङ्लाइ पानःओ आले ह ङा लेखा स्याव्सा खेःल” त पावुल्इ दाय्ह्ती तोआकान्।
एत तोओ कुरा सायःआक्तीको येसुकोः छ्युङ्ह्ओमयः प्रीमाहाङः मन्दीर्ताङ् पोक्लाङ् आल्ती येसुकोः कुरा स्यान्ती तोआकानी। ओहाङःसैको ओउः छ्युङ्ह्ओमयःइ स्यान्तोक् बेलाहाङः ओउः प्रधान् पुरोहीत्इमा ओउःकुस् वाह्ओलम्इमा इस्राएल्कोः ताङ्ह्ओ मान्तालम्कायः सबै गोत्ती वानःती सभाहाङः नोःसाकायः हुम्ह्आकानी। ओउःमयः हुम्ती वाङ्आक्तीको “लौ योह्कोः झ्याल्खानहाङः काती राक्ती गम्ओलम् द्याह् इहाङः वानःन” त दाय्ह्ती ओउः छ्युङ्ह्ओमयःकायः लेःलाङ् वानःसाकायः यात्नीस् आफीसर्लम् ल्होक्नीतो ती
ကြော်ငြာတွေ