खबरदुत 22:25 - चेपाङ

²⁵ ओहाङःसैको पावुल्‌कायः चौकीहाङः भीत्र वानःती लाइ पानःआक्‌तीको यात्‌चाक् सीपाहीकोः सुबेदार्‌इ पावुल्‌कायः लाइ स्राप्‌ताक्‌सा बोङःउतो “लौ ङालो लेखा रोमी सहर्‌हाङः ओत्ओ मान्‍ताकायःपाय् कुरा सायःमाःत तात्‌माःत स्राप्‌सा स्‍याव्‌नाः जुगु” त दाय्‍ह्‌ती पावुल्इ ओउः सुबेदार्‌कायः नोःती तोआकान्।

खबरदुत 22:25 ပူးပေါင်းရင်းမြစ်များ

मत्ती 10:17

मान्‍तालम्‌कायः पेतो धय्‌ती मुन। ओउःमयःइ नीङ्‌कायः चुम्‌ती अदालात्‌ताङ् तय्‌छनःती योलाङ् दाक्‌मातेःनै थनःओ कीम्‌हाङः लाइ स्राप्‌मातेःनै।

मत्ती 27:54

ओहाङःसैको ल्‍याङ् वाङ्‌तोक्‌हाङः ओउः सीपाहीलम्‌कोः हवल्‌दार्‌मा अरु ओउःकुस्इ येसुकायः योती मुओलम् इ ग्‍याङ्‌ह्‌सीःओ कुरा च्‍यवःती आन रैती “लौ इ मान्‍तापाय् दोङ्‌सीलेः परमेस्‍वर्‌कोः चोःलेः खेःतो रैस बा” त दाय्‍ह्‌ती दाय्‍ह्आकाय्।

मत्ती 8:8

“खेःल प्रभुय ङा इच्‍युक् मीचोःआ मान्‍ता लेःआः ङ नाङ् ङाकोः कीम्‌ताङ् वाङ्‌सा खेःहाङ्‌ल। बुरु नाङ् इहाङः मुओहाङःसैलेः गानाक्‌ती तोचाक्‌ची दा ओहाङःसै ङाकोः नोकरी स्‍याक्‌लेःनाः।

खबरदुत 10:1

ओहाङःसैको सीजारीया त तोओ सहर्‌हाङः यात्‌चाक् रोमी सीपाहीलम्‌कोः कप्‍दन् खेःतो। ओउःकोः मय्‍ङ् कर्‌नीलीयस् लेःआः।

खबरदुत 16:37

“खेःल सहर्‌कोः ताङ्‌ह्ओ मान्‍तालम्इ नीचीकोः कुरा पेतो सायःमाःत नीचीकायः घान्‌ती थोःती झ्‍याल्‍खानहाङः काआताङःच। ओउःत हायःताङःचतो नीची नीस्‌चाक्‌पाय् रोमीकोः सहर्‌कोः मान्‍ता लेःआः ङच। रोमी सहर्‌कोः मान्‍ताकायःपाय् ओउःत हायःसा जुगाङ् स्‍याव्‌मालो लेःआः बा। ओउःत झ्‍यान्‍ते नीचीकायः ओउः रोमी ऐन्‌हाङः तोओ लेखा जाङ्‌ह्‌सा खेःतो। द्याह् नीचीकायः अरुइ चीःमाःत फेती ल्‍होक्‌सा स्‍याव्‌बाय्‌ल। लौ ओउः ताङ्‌ह्ओ मान्‍तालम्इ लयः वाङ्‌ती नीचीकायः फेपाःताङःच” त दाय्‍ह्‌ती पुलीस्‌लम्‌कायः पावुल्इ तोआकान्।

खबरदुत 22:26

एत पावुल्इ नोःओ कुरा सायःआक्‌तीको ओउः सुबेदार्‌इ हाकीम्‌कायः छ्यानःलाङ् वाङ्आ। वाङ्आक्‌तीको “ङीइ दोह् हायःसा बोङःनाःतय्‍हनी हाकीम्‌य। ओउः मान्‍तापाय् रोमी सहर्‌कोः मान्‍ता लेःआः बा” त दाय्‍ह्‌ती हाकीम्‌कायः छ्यानःती तोआथै।

खबरदुत 23:17

एत छ्यानःआक्‌तीको पावुल्इ यात्‌चाक् सुबेदार्‌कायः गोत्‌ती “लौ इ मान्‍ताकायः हाकीम्‌कःताङ् आलःउ दा। ओउःइ हाकीम्‌कायः यात्‌ज्‍योः कुरा छ्यानःसा खेःतो” त दाय्‍ह्‌ती सुबेदार्‌कायः तोआकान्।

खबरदुत 23:27

इ चेतीकोः कुरा इलेःआः। इ मान्‍ताकायःपाय् यहुदीलम्इ चुम्‌ती सात्‌खेःनीतो ओउःपाय् रोमी सहर्‌कोः मान्‍ता लेःआः त चीःआक्‌तीको ङाइ सीपाहीलम् वानःती ओउःकायः दल्‌ताक्आलाङः।

खबरदुत 25:16

पावुल्‌कः मुत्‍ध जाङ्‌ह्‌सा बोङःतोक् बेलाहाङः ‘गाल्‌तुम्‌ती नोःओ मान्‍ताकोः कुरामा पानःओ मान्‍ताकोः त्‍याङ्ओ कुरामा आःताः सायःमाःत यात्‌चाक् रोमी सहर्‌कोः मान्‍ताकायः सात्‌ताक्‌सा स्‍याव्‌नाः जुगु’ त दाय्‍ह्‌ती त्‍याङ्आलाङः।

खबरदुत 27:1

ओहाङःसैको “पावुल्‌कायः तीःजहास्‌हाङः सीजर्‌ राजाकोः इताली देस्‌ताङ् आलःपाःथै” त गानाक्‌ती तोआकानी। ओउःत तोआक्‌तीको यात्‌चाक् सीजर्‌ राजाकोः लयःकोः पल्‍तन्‌कोः सीपाही जुलीयुस् त तोओकायः पावुल्‌मा यात्‌नीस् अरु राक्‌ती गम्ओ मान्‍तालम्‌मा ल्‍हाओ खेःतो।

खबरदुत 27:3

ओहाङःसैको लन्‍ह्आक्‌तीको आल्‌दा आल्‌दा अनम्‍ह्‌कोः स्‍याङ्‌ह्‌लो ङी सीदोन् सहर्‌ताङ् दाह्आलाङी। दाह्आक्‌तीको ओउः सुबेदार्‌ जुलीयुस् त तोओइ पावुल्‌कायः योनःती ओउःकायः ओउः सहर्‌हाङः मुओ येसुकायः ङ्‌हाम्ओ साथीलम्‌कुस् क्रुस्‌सा ताक्आथै। पावुल्‌पाय् दोह् दोह् राह्ओलेः ओउःमयःइ बयःसा खाय्ओ खेःतो।

खबरदुत 27:43

ओउः सुबेदार्‌खेइ पावुल्‌कायः “दल्‌ताक्‌चाङः” त म्‍हर्‌ती सुकायःमा सात्‌सा ताक्उलु। “लौ तीःहाङः लाःसा चीःओलम्‌खे ङ्‌हासै तीःहाङः ज्‍योस्‌ती लाःती ब्‍योङ्‌ह्‌ती वाह्‌न।