खबरदुत 22:22 - चेपाङ

²² ओहाङःसैको इच्‍युक्‌कायः ओउः यहुदीकोः हुम्ओ मान्‍तालम्इ पेतो ङैमाःत सायःती मुइतो “यहुदी खेःमालो जात्‌लम्‌कायः ल्‍होक्‌नेःनाङ्” त तोओ सायःओ कुस्‌ब्रक्‌त ओउःमयः लती ल्‍हुङ् मल्‍ह्‌ती हीह्आकाय् “इकायः सात्‌ती वाय्‌पाःथै। सात्‌साआः खेःतो। इपाय् सेलः मुसा स्‍याव्‌नाः जुगु” त दाय्‍ह्‌ती गोःआकाय्।

खबरदुत 22:22 ပူးပေါင်းရင်းမြစ်များ

लुका 23:18

पीलातस्‌खेइ येसुकायः फेसा बोङःथातो ओउः हुम्‌ती मुओ मान्‍तालम्‌खेइ सबैइ “ओउःखेकायः सात्‌साकायः आलःउ बरबा त तोओखेकायः फेती ल्‍होक्उ” त दाय्‍ह्‌ती ओउःमयःइ ब्रक्‌तलेः सोतो गोःआकाय्।

युहना 19:15

“ओउःकायः सात्‌लाङ् आलःउ ओउःकायः क्‍ल्‍याय्ओ सीङःहाङः सात्‌लाङ् आलःउ” त दाय्‍ह्‌ती आन गोःआकाय्। “नाङ्‌कोः राजाकायः सीङःहाङः सात्‌सा झाक्‌तेःनैया” त दाय्‍ह्‌ती पीलातस्इ व्‍हत्‌थासतो “ङीकोः राजापाय् यातैज्‍याङ् रोमी माहाराजा ह खेःनाः” त दाय्‍ह्‌ती ओउः ताङ्‌ह्ओ पुरोहीत्‌लम् त्‍याङ्आकाय्।

खबरदुत 25:24

“अ अग्रीपा राजाय नीङ् सबै हुम्‌ती वाङ्ओलम्‌य इ मान्‍ताखेकायः सबै यहुदीलम्इ इहाङःकोःमा यरुसालेम्‌हाङःकोःमा सबैइ इकायः ‘सात्‌सा खेःतो’ त आन गोःती गाल्‌तुम्‌ती नोःती ङाकायः दर्‌कास् बयःनाःताङः।

१ थेसलोनिकि 2:16

ओहाङःसै परमेस्‍वर्‌कोः दल्‌ताक्‌सा पेओ समचार्‌पाय् ङीइ यहुदी खेःमालो जात्‌लम्‌कायः तोतोक्‌हाङः ङीकायः त्‍याःसा बोङःआताङी। ओउःत झ्‍यान्‍ते ओउःमयःइ रेव्ओ काम् जाङ्‌ह्‌तीपाय् दप्‌तोलेः द्युम्‌ताक्आकानी। ओउःमयःकः परमेस्‍वर्‌ आन ल्‍हुङ् मल्‍ह्‌ती न्‍युम्‍ह्‌ताक्‌नाःथास।