खबरदुत 21:40 - चेपाङ

⁴⁰ ओउः हाकीम्इ “लौ उया” त दाय्‍ह्‌ती पावुल्‌कायः नोःसा ताक्आथै। ओहाङःसै ओउः चौकीकोः पीन्‍देहाङः चीङ्‌ती ओउः हुम्ओ मान्‍तालम्‌कायः “ङैमाःत मुन” त छ्यानःसाकायः पावुल्इ क्रुत् प्‍योआकास। ओउःत हायःओ च्‍यवःती ओउः हुम्ओलम् ङैमाःत मुआकाय्।

खबरदुत 21:40 ပူးပေါင်းရင်းမြစ်များ

लुका 23:38

ओहाङःसैको येसुकोः थाराय्‌सै ओउः पोत्ओ सीङःहाङः “इपाय् यहुदीलम्‌कोः राजा लेःआः” त दाय्‍ह्ओ लेखती गम्आकानी।

युहना 19:13

एत गोःओ सायःआक्‌तीको पीलातस्इ येसुकायः बाहीरताङ् बाङ्इ न्‍हाप्ओ थाव्‌ताङ् वानःती लयःकोः आधीकारीकोः थतीहाङः च्‍युङःआ। ओउः थाव्‌पाय् हेब्रैनीकोः नोःओहाङः “गबाथा” त तोओ लेःआः। ओहाङःसै ओउः बेलाहाङः न्‍याम् तोकोतोय्‍ह् त स्‍याव्आ छ्यात्‌कोः सुक्रबार्‌ दीन्‌हाङः।

युहना 19:17

ओहाङःसैको येसुकायः आलःआकानी आल्‌तोक्‌हाङः ओउःकोः योकोःती सात्‌सा सीङःपाय् ओउःइ लयः पास्‌ती लात्‌ती आलःती “पुह्‌रुमः” त तोओ राङ्‌ताङ् वानःआकानी। हेब्रैनी नोःओहाङः “गोल्‍गोथा” त तोआ खेःतो।

युहना 19:20

ओहाङःसैको ओउः येसुकायः सात्ओ राङ्‌पाय् यरुसालेम् द्याङ्‌तो मुती झ्‍यान्‍ते नाःतो यहुदीलम् वाङ्‌ती पीलातस्इ लेखओ कुरा योआकानी। ओउः कुरापाय् सुम् भासाहाङः लेखओ खेःतो हेब्रैनीकोः भासामा एलेनीकोः भासामा रोमीकोः भासाहाङःमा लेखओ खेःतो।

खबरदुत 12:17

ओहाङःसैको ओउःमयः नोःसा ताक्‌माःत “लौ ङाकायः प्रभुइ झ्‍याल्‍खानसै दल्‌ताक्‌ती वानःआताङः” त दाय्‍ह्‌तीताङः पत्रुस्इ सबै मेस्‌लो स्‍याव्ओ कुरा ल्‍हाक्‌ती छ्यानःआथास। छ्यानःआक्‌तीको “द्याह् इ कुरा येसुकोः हौ याकुब्‌कायःमा अरु ङीकोः मान्‍तालम्‌कायःमा छ्यानःती तोनु दा” त दाय्‍ह्‌ती पत्रुस् ओउःमयःकः वेङ्‌ती अरु थाव्‌ताङ् आल्आ।

खबरदुत 13:16

ओउःत तोआक्‌तीको पावुल् चीङ्‌ती क्रुत् प्‍योती नोःखयःआ “लौ इस्राएल्‌कोः पुःचोङ् हौचोङ्‌य अरु जात्‌कोः परमेस्‍वर्‌कायः झाह्ओलम्‌य द्याह् सायःनु दा।

खबरदुत 19:33

ओउःमयः ब्रःती गोःती मुतोक्‌हाङः यात्‌चाक् सीकन्‍दर्‌ त तोओकायः यहुदी मान्‍तालम्इ तोसाकायः चीङ्‌ताक्आथै। चीङ्आक्‌तीको यात्‌नीस् मान्‍तालम्इ “लौ एत नोःउ दा” त ओउःकायः तोआकानी। ओउःत झ्‍यान्‍ते सबै हुम्ओ मान्‍तालम्‌कायः सीकन्‍दर्‌इ ङैमाःत मुताक्‌ती लयःकायः तोसा बोङःउतो ओउः हुम्ओलम्इ “इपाय् यात्‌चाक् मुर्‌ती मानसा ग्‍यामालो यहुदी मान्‍ता लेःआः” त तय्‍ह्‌ती ओउःमयःइ न्‍हाङ्‌तोलेः ल्‍हुङ् मल्‍ह्‌तो स्‍याव्‌ती नीस् घन्‍ताच्‍युक्‌कायः “ङीकोः एफेसस् सहर्‌कोः आर्‌तेमीस् देबी सबैसै ताङ्‌ह्‌तो मुपाः” त ब्रक्‌तलेः सोतो गोःआकाय्।

खबरदुत 21:35

ओहाङःसैको ओउः चौकीकोः दय्‍ह्‌लौताङ् दाह्‌तोक्‌हाङः हुम्ओ मान्‍तालम्इ “ओउःकायः सात्‌पाःथै” त दाय्‍ह्‌ती आन लमःती न्‍हेङःती झ्‍यान्‍ते ओउः सीपाहीलम्इ पावुल्‌कायः च्‍युन्‌ती लात्‌ती चौकीताङ् दाक्‌माथै।

खबरदुत 22:2

पावुल्‌पाय् ओउःमयःकोः लयःकोः यहुदी भासा नोःओ सायःती ओउः हुम्ओ मान्‍तालम्इ न्‍हाङ्‌तोलेः चीङःचाङः त मुआकाय्।

खबरदुत 26:14

साःहाङः प्‍लाती मुतोक् बेलाहाङः यात्‌ज्‍योः हाव्‌नयः यहुदी भासा नोःओ सायःआलाङः ‘अ पावुल्‌य दोह् हायःतीतेः नाङ्इ इतलेः रेव्‌तोलेः जाङ्‌ह्‌सा बोङःतेःनाःची। इत हायःती नाङ् लयःकायः लयःलेःतेः जीक्‌ती न्‍युम्‍ह्‌ताक्‌तेःनाःस’ त दाय्‍ह्‌ती ओउः हाव्‌नयः दाय्‍ह्आ।

खबरदुत 6:1

ओहाङःसैको ओउःतोक् बेलाहाङः येसुकोः कुरा ङ्‌हाम्ओ मान्‍तालम्‌कःताङ् अरुलम् न्‍हाङ्‌तोलेः त्‍योम्‌ती वाङ्‌ती नाःतो स्‍याव्आकाय्। ओहाङःसैको ह्र्यात् मान्‍तालम्‌कायःमा बुधा सीओ मोमःचोःलम्‌कायःमा दीन्‌का दीन् जेःगालम् वेःती बयःओ खेःतो। ओउः जेःगा वेःती बयःओ बेलाहाङःलम् “लौ ओउः यहुदी मोमःचोःलम्‌खेकायः भोरःती बयःनाःथास ङी एलेनीकोः मोमःचोःलम्‌खेकायः य्‍हुर्‌ती बयःनाःथास” त दाय्‍ह्‌तीताङः ओउः एलेनी भासा नोःओलम् यव्‍ह्‌ती त्‍याङ्आकाय्।

प्रकाश 16:16

ओहाङःसैको राजालम्‌कायः ओउः लान्‌लम्इ यातै थाव्‌हाङः हुम्‌ताक्‌नाःथास। ओउः थाव्‌पाय् हेब्रैनी भासाहाङः “हार्‌मेगीदो” त तोओ लेःआः।

प्रकाश 9:11

ओउःमयःकोः राजापाय् कामःअ नालाकोः ल्‍होक्ओमयःलेः। हेब्रैनी भासाहाङः ओउः राजापाय् “अबादोन्” एलेनी भासाहाङः “अपोलीयोन्” त तोओलेः ओउः मय्‍ङ्‌कोः मानेपाय् “ह्र्योङःती वाय्‌ताक्ओ लेःआः” त तोओलेः।