खबरदुत 21:39 - चेपाङ

³⁹ “खेःल ङापाय् सीलीसीया जील्‍लाकोः तार्‌सुस् सहर्‌हाङः ओत्ओ यहुदी मान्‍तालेः खेःनाङः। ओउः ताङ्‌ह्ओ सहर्‌ ङाकोः आमा आपाकोः सहर्‌मा खेःतो। लौ द्याह् ङाइ ओउः हुम्ओलम्‌कायः तोसा ताक्‌चाक्‌ची” त दाय्‍ह्‌ती पावुल्इ हाकीम्‌कायः तोआकान्।

खबरदुत 21:39 ပူးပေါင်းရင်းမြစ်များ

खबरदुत 15:23

ओउः चेतीहाङः इतलेः लेखओ खेःतो “लौ अन्‍तीयोक् सीरीया सीलीसीयाहाङः मुओ जात् जात्‌कोः येसुकायः ङ्‌हाम्ओ पुःचोङ् हौचोङ्‌लम्‌य नीङ्‌कायः ङीइ यरुसालेम्‌हाङः मुओ येसुकोः छ्युङ्‌ह्ओमयःमा थालवःपालम्‌मा सबै ङ्‌हाम्ओलम्‌कुस् नमस्‍ते ल्‍होक्‌नेःनाङ्‌स।

खबरदुत 15:41

ल्‍होक्आक्‌तीको ओउःनीस् सीरीया जील्‍लाहाङःमा सीलीसीया जील्‍लाहाङःमा तोमःती वाह्‌ती ओहाङःकोः येसुकायः ङ्‌हाम्ओलम्‌कायः लव्‍ह्‌ती तोआकाचु।

खबरदुत 16:37

“खेःल सहर्‌कोः ताङ्‌ह्ओ मान्‍तालम्इ नीचीकोः कुरा पेतो सायःमाःत नीचीकायः घान्‌ती थोःती झ्‍याल्‍खानहाङः काआताङःच। ओउःत हायःताङःचतो नीची नीस्‌चाक्‌पाय् रोमीकोः सहर्‌कोः मान्‍ता लेःआः ङच। रोमी सहर्‌कोः मान्‍ताकायःपाय् ओउःत हायःसा जुगाङ् स्‍याव्‌मालो लेःआः बा। ओउःत झ्‍यान्‍ते नीचीकायः ओउः रोमी ऐन्‌हाङः तोओ लेखा जाङ्‌ह्‌सा खेःतो। द्याह् नीचीकायः अरुइ चीःमाःत फेती ल्‍होक्‌सा स्‍याव्‌बाय्‌ल। लौ ओउः ताङ्‌ह्ओ मान्‍तालम्इ लयः वाङ्‌ती नीचीकायः फेपाःताङःच” त दाय्‍ह्‌ती पुलीस्‌लम्‌कायः पावुल्इ तोआकान्।

खबरदुत 21:37

ओहाङःसैको ओउः सीपाहीकोः चौकीहाङः दाक्‌खेःतोक्‌हाङः “अ हाकीम्‌य यात् कुरा ङाइ तोचेःनाङ् दा” त पावुल्इ एलेनी भासाहाङः नोःती तोआथै। ओउःत एलेनी भासाहाङः नोःओ सायःती ओउः हाकीम् ग्‍याङ्‌ह्‌ती सायःआकान् “अहै नाङ्इ एलेनी भासा नोःसा चीःतेःनौ रैस।

खबरदुत 22:3

ओहाङःसैको पावुल् फेरीलेः नोःती “लौ ङापाय् सीलीसीया जील्‍लाकोः तार्‌सुस् सहर्‌हाङः ओत्ओ यहुदी मान्‍ता लेःआः ङ। लोन्‍ते इ यरुसालेम् सहर्‌ताङ् वाङ्‌ती ङाइ गामालीएल् त तोओ मास्‍तर्‌कःहाङः ङीकोः आय्‌कानः तोकानःइ जवओ ऐन् पेतो स्‍यान्आलाङःस। नीङ्‌लो लेखा ङाइ परमेस्‍वर्‌कोः कुरा जाङ्‌ह्ओ आन पेतोलेः झाक्‌ती जाङ्‌ह्आलाङः।

खबरदुत 23:27

इ चेतीकोः कुरा इलेःआः। इ मान्‍ताकायःपाय् यहुदीलम्इ चुम्‌ती सात्‌खेःनीतो ओउःपाय् रोमी सहर्‌कोः मान्‍ता लेःआः त चीःआक्‌तीको ङाइ सीपाहीलम् वानःती ओउःकायः दल्‌ताक्आलाङः।

खबरदुत 23:34

ल्‍हाआक्‌तीको चेती पह्रआक्‌तीको “नाङ् गाःहाङःकोःतेः खेःनाः” त दाय्‍ह्‌ती अन्‍चलादीस्इ पावुल्‌कायः व्‍हत्आथै। “ङापाय् सीलीसीया अन्‍चल्‌हाङः ओत्ओआः” त पावुल् त्‍याङ्आ।

खबरदुत 6:9

ओहाङःसैको यात्‌नीस् लीबर्‌तीन् त तोओलम्‌मा अरु क्‍युरीनी देस्‌कोः मान्‍तालम्‌मा आलेक्‍जान्‍द्रीया देस्‌कोःमा सीलीसीया असीया देस्‌कोः मान्‍तालम्‌मा स्‍तीफन्‌कुस् आन काय्‌काय्‌सा तानःकाय्‌ती नोःनीतो

खबरदुत 9:11

“लौ चीङ्‌ती ओउः धेङ्‌तो त तोआ रोत्‌ताङ् आल्अ। ओहाङः यात्‌चाक् यहुदा त तोओकोः कीम्‌हाङः तार्‌सुस् सहर्‌सै वाङ्ओ सावुल्‌कायः बोङःउ दा।

खबरदुत 9:30

सावुल्‌कायः “सात्‌सा बोङःनानी” त चीःआक्‌ती ओउः येसुकायः ङ्‌हाम्ओलम्इ सावुल्‌कायः सीजारीया सहर्‌ताङ् वानःती ओउःकोः लयःकोः तार्‌सुस् त तोओ सहर्‌ताङ् ल्‍होक्आथै।

१ पत्रुस् 3:15

मान्‍ताकः रैमामाःत येसु ख्रीस्‌कः ल्‍हुङ्‌हाङः एङःतीलेः “ङाकोः प्रभु” त दाय्‍ह्‌ती माननु। नीङ्‌पाय् येसुकायः चोङाय्‌ती लुङ्‌ती मुन। अरु मान्‍ताइ “लौ दोह् हायःतीतेः एतलेः चोङाय्‌ती मुतेःनै” त व्‍हत्‌याकायः पेओ त्‍याङ्‌सा कुरा ल्‍हुङ्‌हाङः सेती गम्‌नु दा।