खबरदुत 21:29 - चेपाङ

²⁹ अनम्‍ह्‌लो यात्‌चाक् एफेसस्‌सै वाङ्ओ त्रोफीमस् त तोओ एलेनी मान्‍ता पावुल्‌कुस् सहर्‌हाङः वाह्ओ च्‍यवःआकानी। च्‍यवःआक्‌तीको “यात्‌चाक् एलेनी मान्‍ता ङीकोः मन्‍दीर्‌हाङः पोस्आकान्” त ताःती म्‍हर्‌ओ खेःतो।

खबरदुत 21:29 ပူးပေါင်းရင်းမြစ်များ

खबरदुत 18:19

ओहाङःसैको ओउः तीःजहास्‌पाय् एफेसस् त तोओ सहर्‌ताङ् दाह्‌ती अक्‍वीला नीस्‌पय्‍क्‌चाःकःसै तीःजहास्‌हाङः वेङ्‌ती पावुल् ग्‍ल्‍युङ्‌ह्‌ती एफेसस् सहर्‌कोः थनःओ कीम्‌ताङ् आल्‌ती पोक्‌ती वाङ्आ। पोक्आक्‌तीको येसुकोः कुरापाय् ओउः थनःओ कीम्‌हाङः हुम्ओ मान्‍तालम्‌कुस् नोःकाय्आकाय्।

खबरदुत 18:21

“लोन्‍ते परमेस्‍वर्‌इ ङाकायः दोःताक्‌नाःताङः त खेःया ङा द्यान्‍ह्‌ती वाङ्‌चाङः” त दाय्‍ह्‌ती तोती पावुल् थनःओ कीम्‌सै ग्‍ल्‍युङ्‌ह्‌ती ओउः तीःजहास्‌हाङः फेरी लन्‍ह्‌ती एफेसस्‌सै आल्आकाय्।

खबरदुत 19:1

आपोलस् त तोओखे कोरीन्‍थहाङः मुतोक्‌हाङः पावुल्‌खे उत्तर्‌ताङ् मुओ जील्‍लाहाङः वाह्‌दा वाह्‌दा लोन्‍ते एफेसस् त तोओ सहर्‌ताङ् दाह्आ। एफेसस् सहर्‌ताङ् दाह्आक्‌तीको पावुल्इ यात्‌नीस् येसुकायः ङ्‌हाम्ओ मान्‍तालम्‌कायः क्रुस्आकान्।

खबरदुत 20:4

पाय्‍ह्‌ती आल्‌तोक्‌हाङःपाय् बेरोया सहर्‌सै वाङ्ओ पीह्रुस् त मय्‍ङ्ओकोः चोः सोपातर्‌ त तोओ पावुल्‌कुस् आल्आ। फेरी थेसालोनीकासै वाङ्ओ आरीस्‍तार्‌कस्‌मा सेकुन्‍दस्‌मा देर्‌बे सहर्‌कोः गायुस्‌मा तीमोथीमा असीया देस्‌कोः त्‍युखीकुस्‌मा त्रोफीमस्‌मा

२ तीमोथी 4:20

एरास्‍तस् कोरीन्‍थ सहर्‌हाङः मुआ। त्रोफीमस् जीक्‌ती मुती झ्‍यान्‍ते ओउःकायः ङाइ मीलेतस् सहर्‌हाङः एङ्‌ती मुसाकायः फेआलाङः।